logo

президент

Кишти тирамоҳии ғалла дар заминҳои обӣ аз ҳозир оғоз ёбад

25 сентябр,  нимаи дуюми рӯз, Эмомалӣ Раҳмон, Президенти кишвар, дар ноҳияи Данғара бо роҳбарият ва фаъолони шаҳру ноҳияҳои вилояти Хатлон машварати корӣ доир намуд, ки дар он раванди омодагӣ ба зимистон, масоили вобаста ба он ва дигар масъалаҳои ҳаёти ҷомеа баррасӣ шуданд.
Эмомалӣ Раҳмон, Сарвари давлат, бо ёдоварӣ аз пешгӯиҳои обуҳавосанҷон доир ба он, ки имсол низ сардиҳои тирамоҳу зимистон чун соли гузашта барвақт омада, хеле тӯл мекашанд, масъулони сатҳи ҷумҳуриявӣ ва маҳаллиро ба омодагии ҷиддӣ ба мавсими зимистон ҳидоят намуд. Аз ҷумла таъкид гардид, ки ҳосили фаровони пахта, меваю сабзавот, лӯбиёгию полезиҳо ва ғалладонаи кишти такрорӣ пура ва сари вақт ҷамъоварӣ шавад. Бо ёдоварӣ аз ҳосили фаровони картошка ва себ дар ноҳияҳои кӯҳистон таъкид гашт, ки ин маводи ғизоӣ низ бояд кашонда барои зимистон захира гарданд. Бори дигар хотиррасон гардид, ки ҳар як хонавода бояд захираи дусолаи озуқаворӣ ва маводи сӯхт дошта бошад. Супоришҳои мушаххас, ҳамчунин доир ба захира кардани ангишт, хусусан барои муассисаҳои соҳаҳои маорифу тандурустӣ, дода шуд.
Бо назардошти он, ки имсол дар аксари кишварҳои ғаллакор ҳосил кам ҷамъоварӣ гашту нархи орду гандум нисбатан боло рафтааст, супориш шуд, ки ҳар ваҷаб замини корам барои истеҳсоли маҳсулоти гуногуни кишоварзӣ босамар истифода гардад. Ба ин хотир, ҳамчунин дастур дода шуд, ки кишти тирамоҳии ғалладона дар заминҳои обӣ аз ҳозир оғоз ёбад. Масъулони дахлдор вазифадор гардиданд, ки ба кишоварзон барои ташкили дурусту босамари корҳо ҳамаҷониба ёрӣ расонанд.
Эмомалӣ Раҳмон, Президенти кишвар, бори дигар таъкид намуд, ки пахтакорон минбаъд бояд ба ҷамъоварии ҳосил бе ҷалби мактаббачагон одат кунанд, то ки хонандагон аз таълиму тарбияи босифат дур намонанд.
Бо ишора ба зарурати таҳкими фарҳанги сарфаю сариштакорӣ таъкид гардид, ки иҷрои Қонуни Ҷумҳурии Тоҷикистон "Дар бораи танзими анъана ва ҷашну маросим" таҳти назорати ҷиддӣ қарор дода шавад.
Эмомалӣ Раҳмон, Президенти мамлакат, доир ба бунёди корхонаҳои нави саноатӣ, ривоҷ додани коркарди маҳсулоти ватанӣ дар дохили кишвар ва муҳайё намудани ҷойҳои корӣ ба масъулон супоришҳои мушаххас дода, аз ҷумла таъкид намуд, ки минбаъд ҳар як шаҳру ноҳия бояд корхонаи дӯхти либос барои мактаббачагон дошта бошад, то ки либосҳои мактабӣ дар дохил истеҳсол шуда, даромади молистеҳсолкунанда ва буҷети давлат афзун гардад.
Дар машварат ҳамчунин ахбори Ғайбулло Афзал, раиси вилояти Хатлон ва раисони шаҳру ноҳияҳои вилоят шунида шуд. Аз ҷумла зикр гардид, ки то охири сол дар вилоят шумораи корхонаҳои хурди саноатии ҳамин сол бунёдёфта ба зиёда аз 110 адад мерасад. Дар се соли охир дар вилояти Хатлон дар майдони зиёда аз 19 ҳазор гектар боғу токзори нав бунёд ёфта, ҳаҷми умумии он ба 40 ҳазор гектар расидааст.
Ҳамчунин иттилоъ дода шуд, ки имсол дар вилояти Хатлон бояд 280-300 ҳазор тонна пахта ҷамъоварӣ шавад ва ин, ба гуфтаи раиси вилоят, ҳосили хуб аст.
Тибқи иттилооти баёншуда, иқтидори содиротии вилоят сол ба сол, ҳамчунин аз ҳисоби афзоиши истеҳсоли меваю сабзавот, аз ҷумла пиёзи барвақтӣ, рӯ ба рушд овардааст.
Дар ахбори Маҳмадулло Сайдалиев, раиси ноҳияи Данғара, зикр гардид, ки имсол дар ноҳия зиёда аз 105 ҳазор тонна ғалла истеҳсол ва барои пешниҳод ба бозор омода шудааст. Ҳоло дар ноҳия ҳамчунин беш аз 10 ҳазор тонна ғаллаи хушсифати тухмӣ омода аст, ки наздики 5 ҳазор тоннаи он аз ҳосили имсола мебошад. Таъкид гардид, ки ноҳияи Данғара чун калонтарин ноҳияи ғаллакор ва дорои заминҳои беканор омода аст, ки дар таъмини фаровонии ғалладонагиҳо, орду гандум, ғаллаи хушсифати тухмӣ ва ҳам хӯроки чорво дар ҷумҳурӣ нақши намоён гузорад. Зикр гардид, ки имсол ноҳияи Данғара барои ду сол миқдори зарурии хӯроки чорво захира намуда, ҳамчунин то имрӯз зиёда аз 30 ҳазор тонна хошок ба шаҳру ноҳияҳои дигар ба фурӯш баровардааст. Ҷамъоварӣ, захира ва фурӯши хӯроки чорво дар ин ноҳия ҳоло ҳам идома дорад.
Дар фароварди машварат Эмомалӣ Раҳмон, Сарвари давлат, доир ба ин ва дигар масоили мавриди таваҷҷуҳ, аз ҷумла тарбияи ҷавонону наврасон дар руҳияи ватандӯстӣ, муборизаи беамон бо ҷинояткорӣ, хусусан бо нашъамандию нашъаҷаллобӣ ба масъулон дастуру ҳидоятҳо дод.


Баёни ақида (0)    Санаи нашр: 2.10.12    №: 127    Мутолиа карданд: 11060

19.10.2017


Баррасии тадбирҳои дастгирии рушди соҳибкории ҷавонон

РАШТ. ЯК ВОХӮРИИ МУҲИМ

ҚОЧОҚ - ЗИЁНИ ҶИДДӢ БА БУҶЕТ ВА ИҚТИСОДИЁТ

Ҷаҳон дар як сатр

Боздиди нозирони Олмон аз пойгоҳи низомии Русия дар Тоҷикистон

Силсилаи амалиёти террористӣ дар Афғонистон боиси марги беш аз 70 нафар шуд

Истеҳсолотро зеҳни сунъӣ ба даст мегирад

Ҳизби коммунисти Чин ислоҳоти густурдаи сиёсиро омода месозад

Ҷорҷ Сорос ба рушди ҷомеаи шаҳрвандӣ 18 миллиард доллар медиҳад

Ба миқдори рекордӣ расидани муҳоҷирон дар ИМА

Варзиш

16.10.2017


Ҳамоиши навбатии Шӯрои тиҷоратии ИМА-Тоҷикистон

Низомиддин Зоҳидӣ Абделҷалил Сабуриро ба ҳузур пазируфт

Мубодилаи таҷрибаҳо байни Тоҷикистон ва Фаронса

Ҳамкориҳо дар соҳаи маориф бо Озарбойҷон густариш меёбанд

Истиқрори дипломатӣ бо Гренада ба роҳ монда шуд

Ҷаҳон дар як сатр

Дар амали террористии Сомалӣ 276 нафар қурбон гашт

Раққа аз ҷангиёни «ДИ» озод карда шуд

Пешгирии амали террористӣ дар Афғонистон

Дар Қирғизистон президенти навро интихоб карданд

Боздошти омӯзгори террорист дар Ҷалолобод

13.10.2017


Баррасии масоили мубрами тақвияти ҳамкориҳо

Мулоқоти Рамазон Раҳимзода бо донишҷӯёни ДМТ

Густариши муносибатҳои фарҳангии Тоҷикистону Ӯзбекистон

Вохӯрӣ бо вазири иқтисоди Озарбойҷон

12.10.2017


Баррасии масоили муҳими ҳамкорӣ

Муаррифии имкониятҳои сармоягузории Фонди сабзи иқлимӣ

Аббосалӣ Гасанов: «Тоҷикистон фарҳанги бою ғании худро ба дигар миллатҳо тарғиб кунад»

Вохӯрии Рустам Солӣ бо Азад Рагимов

МАВОДИ НАШЪАОВАР. Боз 311 килограмм ба коми оташ рафт

11.10.2017


Интиқоди Азим Иброҳим аз сатҳи омодагӣ ба давраи зимистон дар вилояти Хатлон

Баргузории ҷаласаи Шӯрои вазирони корҳои хориҷии ИДМ

Масъалаҳои таъмини амнияти иттилоотию озуқаворӣ матраҳ мегарданд


Дар сомонаҳои дигари Тоҷикистон хонед