logo

суханрониҳо

Изҳороти матбуотии Эмомалӣ Раҳмон, Президенти Ҷумҳурии Тоҷикистон, дар фарҷоми музокироти ҳайатҳои Ҷумҳурии Тоҷикистон ва Ҷумҳурии Туркия, 18 декабри соли 2012, Туркия

Муҳтарам намояндагони васоити ахбори омма,
Хонумҳо ва ҷанобон,

Нахуст, мехостам дар ҳузури шумо бори дигар сипоси самимии хешро ба Ҳукумат ва мардуми кишвари дӯсти Туркия барои меҳмоннавозӣ ва ҳусни таваҷҷуҳ нисбат ба ҳайати Тоҷикистон иброз намоям.
Мо аз натиҷаҳои музокироти имрӯза, ки дар фазои ҳусни тафоҳум, эҳтироми мутақобила ва некхоҳӣ ба ҳамдигар баргузор гардиданд, қаноатмандем.
Ҷониби Тоҷикистон мулоқоту суҳбатҳои доиргаштаро идомаи мантиқии муколамаи созандаи байни роҳбарияти олии ду давлат арзёбӣ менамояд.
Басо рамзист, ки сафари кунунии ҳайати Тоҷикистон ба Туркия давраи дар таърихи муосири муносибатҳои мо хотирмон - бистсолагии истиқрори равобити дипломатӣ миёни кишварҳоямонро анҷом мебахшад.
Тайи давраи сипаришуда ҳамшарикии кишварҳои мо марҳила ба марҳила рушд ёфта, имрӯз фарогири доираи васеи робитаҳои сиёсӣ ва ҳамкориҳо дар соҳаҳои гуногуни иқтисоду иҷтимоиёт мебошад. Дар ин замина мавзуи муҳимтарини мулоқоту музокирот ин дарёфти роҳҳо ва воситаҳои густаришу таҳкими минбаъдаи онҳо буд. Дар такя ба имкониятҳои зиёде, ки дар муносибатҳои ду мамлакат мавҷуданд, мо хоҳишмандии худро ҷиҳати ғанӣ гардондани мазмуни ҳамкориҳои ду ҷумҳурӣ дар соҳаҳои бунёдии иқтисод ва бахшҳои воқеии он таъкид кардем.
Соҳаҳои гидроэнергетика, фаъолияти сармоягузорӣ ва таъсиси корхонаҳои муштарак дар бахшҳои истеҳсолии иқтисодиёт, аз ҷумла саноати нассоҷӣ ва кимиё, коркарди маҳсулоти кишоварзӣ, истеҳсоли масолеҳи сохтмонӣ, ҳамчунин туризм ба ҳайси самтҳои ояндадор муқаррар карда шуданд. Дар баробари ин зарурати зиёд кардани ҳаҷми мубодилаи мол ва тавсеаи структураи тиҷорати мутақобила қайд гардид.
Мо бар он ақидаем, ки робитаҳои гуманитарӣ омили муҳими таҳкими заминаҳои иҷтимоии дӯстии безаволи байни мардумони Тоҷикистону Туркия мебошанд. Вобаста ба ин, ҷониби Тоҷикистон ҳавасмандии худро ба тавсеаи муносибатҳои байнидавлатӣ дар соҳаҳои илму маориф, фарҳанг, тандурустӣ ва дигар бахшҳои иҷтимоӣ изҳор кард.
Дар раванди музокирот якчанд санадҳои дуҷониба ба имзо расиданд ва ин амрро мо боз як иқдоми дигари тарафҳо ҷиҳати такони тоза бахшидан ба ҳамкориҳои мутақобилан судманди худ дар соҳаҳои зикргардида арзёбӣ менамоем.
Ҳамзамон бо мавзӯъҳои марбут ба муносибатҳои дуҷониба, мо масъалаҳои алоҳидаи мубрами ҳаёти байналмилалию минтақавиро мавриди мубодилаи афкор қарор додем. Дар масоили сиёсӣ мо ҷонибдории худро аз идомаи ҳамшарикии созандаи байни ду кишвар бо мақсади дарёфти роҳҳои воқеии ҳаллу фасли мушкилоти минтақавию байналмилалии мавҷуда изҳор кардем.
Масъалаҳои таъмини амният ва тақвияти мубориза алайҳи таҳдидҳои замони муосир, ҳамчунин равандҳои ҳамгироии иқтисодии минтақавӣ ва вазъи Афғонистон аз ҷумлаи он мавзӯоте буданд, ки ба онҳо таваҷҷуҳи хоса зоҳир карда шуд. Бояд қайд кард, ки Тоҷикистон ва Туркия дар мавриди масъалаҳои мазкур назари муштарак ва ё бо ҳам наздик доранд.
Зимнан, ҷонибҳо ба мувофиқа расиданд, ки ҳамкориҳояшонро дар ин самтҳо дар доираи созмонҳои байналмилаливу минтақавӣ, аз ҷумла Созмони Милали Муттаҳид, Созмони Амният ва Ҳамкорӣ дар Аврупо, Созмони Ҳамкории Иқтисодӣ, Созмони Ҳамкории Исломӣ тақвият бахшанд.
Бо нияти идомаи пурфайзи муколамаи байни ду мамлакат дар сатҳи олӣ ман аз дӯсти худ, Президенти Ҷумҳурии Туркия, ҷаноби Абдулло Гул, даъват ба амал овардам, ки дар фурсати барояшон муносиб ба Тоҷикистон сафари дӯстона анҷом диҳанд.
Умедворем, ки ин сафар саҳифаи наверо дар муносиботи дӯстонаи ду кишвар хоҳад кушод.
Ташаккур.


Баёни ақида (0)    Санаи нашр: 27.12.12    №: 156    Мутолиа карданд: 648

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед