logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ҲУҶҶАТИ ЭЛЕКТРОНӢ"

Моддаи 1. Ба Қонуни Ҷумҳурии Тоҷикистон аз 10 майи соли 2002 "Дар бораи ҳуҷҷати электронӣ" (Ахбори Маҷлиси Олии Ҷумҳурии Тоҷикистон, с. 2002, №4, қ.1, мод. 308; с. 2005, №12, мод. 637) тағйиру иловаҳои зерин ворид карда шаванд:
1. Номи Қонун бо ҳарфҳои калон навишта шавад.
2. Бобҳои Қонун бо рақамҳои арабӣ ишора карда шаванд.
3. Дар тамоми матни Қонун калимаҳои "муомилаи", "муомилоти", "МУОМИЛАИ" ва "МУОМИЛОТИ" мувофиқан ба калимаҳои "гардиши", "ГАРДИШИ" иваз карда шаванд.
4. Номи боби 1 дар таҳрири зайл ифода карда шавад:
"МУҚАРРАРОТИ УМУМӢ".
5. Дар моддаи 1:
- сархатҳо бо аломати дефис "-" ишора карда шаванд;
- сархати дуюм бо мазмуни зайл илова карда шавад:
"- гардиши ҳуҷҷати электронӣ- системаи тартибдиҳӣ, истифода, нигоҳдорӣ ва мубодилаи ҳуҷҷатҳои электронӣ бо истифодаи воситаҳои электронии коммуникатсияи омма;";
- дар сархати ҳаштум калимаи "субъекти" ба калимаҳои "субъекте, ки" иваз карда шуда, баъд аз калимаи "иттилоотӣ" калимаи "мебошад" илова карда шавад.
6. Дар моддаи 4:
 -номи модда дар таҳрири зерин ифода карда шавад:
"Моддаи 4. Қонунгузории Ҷумҳурии Тоҷикистон дар бораи ҳуҷҷати электронӣ";
- дар матни модда пас аз калимаи "дигар" калимаҳои "санадҳои меъёрию ҳуқуқии" ба калимаҳои "санадҳои меъёрии ҳуқуқии" иваз карда шуда, пас аз калимаҳои "инчунин санадҳои" калимаи "меъёрию" хориҷ карда шавад.
7. Дар сархати дуюми моддаи 6 калимаи "реквизитҳоест" ба калимаҳои "нишонаҳое бошад" иваз карда шавад.
8. Дар моддаи 10:
- дар қисми якум калимаи "тартиботи" ба калимаҳои "тартиби муқарраргардидаи" иваз карда шавад;
- қисми дуюм дар таҳрири зайл ифода карда шавад:
"Таҷдиди ҳуҷҷати электронӣ дар дигар объекти моддии аз ҳомили мошинӣ ҷудошаванда, ба ғайр аз коғазӣ ва ё нусхаи он дар ҳомили коғазӣ, ки ба таври дахлдор тасдиқ нашудааст, эътибори ҳуқуқии нусхаи ҳуҷҷати электрониро надорад.". 
9. Дар моддаи 11:
- аз қисми дуюм калимаи "дар" хориҷ карда шуда, калимаҳои "талаб карда шавад," ба калимаҳои "пешбинӣ намояд," иваз карда шаванд;
- аз қисми чорум калимаҳои "аз тарафи" хориҷ карда шуда, калимаҳои "ҳуҷҷат талаб карда шавад," ба калимаҳои "ҳуҷҷатро пешбинӣ намояд," иваз карда шаванд;
- ба қисми панҷум баъд аз калимаи "электронӣ" калимаҳои "пешбинӣ шудааст," илова карда шаванд.
10. Дар қисми дуюми моддаи 16 ва матни моддаи 20 калимаҳои "Тартибот," ва "тартибот" мувофиқан ба калимаҳои "Тартиби" ва "тартиби" иваз карда шаванд.
11. Дар қисми дуюми моддаи 18 калимаҳои "аввали" ва "нишондодашуда" мувофиқан ба калимаҳои "якуми" ва "зикргардида" иваз карда шаванд.
12. Дар матни моддаи 19 калимаи "ҳаққонияти" ба калимаи "аслияти" иваз карда шавад.
13. Дар моддаи 23:
- ба номи модда пас аз калимаи "Нигоҳдории" калимаи "асли" илова карда шуда, калимаи "он" ба калимаи "онҳо" иваз карда шавад;
- ба матни модда баъд аз калимаи "байнибонкӣ" калимаҳои "ва додани нусхаи онҳо" илова карда шаванд.
14. Боби 5 дар таҳрири зайл ифода карда шавад:
"БОБИ 5. МАСЪУЛИЯТИ ШАХСОНЕ, КИ ДАР СОҲАИ ГАРДИШИ ҲУҶҶАТҲОИ ЭЛЕКТРОНӢ ФАЪОЛИЯТ МЕКУНАНД
Моддаи 24. Масъулияти шахсоне, ки дар соҳаи гардиши ҳуҷҷатҳои электронӣ фаъолият мекунанд
Шахсони воқеӣ ва ҳуқуқӣ, ки ба хизматрасонӣ дар соҳаи гардиши ҳуҷҷатҳои электронӣ машғуланд, тибқи қонунгузории Ҷумҳурии Тоҷикистон дар назди муштариёни худ барои хизмат нарасонидан ё сифати номуносиби хизматрасонӣ, инчунин барои зарари ба онҳо расонидашуда масъул мебошанд.
Шахсони аз рӯи вазифаҳои хизматиашон ҳуқуқи дастрасӣ ба маълумоти дар ҳуҷҷатҳои электронӣ мавҷудбуда дошта, ки паҳн кардани онҳо манъ ё маҳдуд карда шудааст, барои махфияти онҳо тибқи қонунгузории Ҷумҳурии Тоҷикистон шахсан масъул мебошанд.".
15. Дар номи боби 6 калимаи "МУНОСИБАТҲОИ" ба калимаи "ҲАМКОРИИ" иваз карда шавад.
16. Ба Қонун боби 7 бо мазмуни зайл илова карда шавад:
"БОБИ 7. МУҚАРРАРОТИ  ХОТИМАВӢ
Моддаи 26. Ҷавобгарӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.".
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон  Эмомалӣ РАҲМОН
ш. Душанбе, 28 декабри соли 2012, №  908

 

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни
Ҷумҳурии Тоҷикистон "Дар бораи ҳуҷҷати электронӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳуҷҷати электронӣ" қабул карда шавад.

Раиси Маҷлиси намояндагони
Маҷлиси Олии Ҷумҳурии Тоҷикистон          Ш. ЗУҲУРОВ
ш. Душанбе, 10 октябри соли 2012 №  939

Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳуҷҷати электронӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳуҷҷати электронӣ"-ро баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳуҷҷати электронӣ" ҷонибдорӣ карда шавад.

Раиси Маҷлиси миллии Маҷлиси
Олии Ҷумҳурии Тоҷикистон                М. УБАЙДУЛЛОЕВ
ш. Душанбе, 13 декабри соли 2012 №  449


Баёни ақида (0)    Санаи нашр: 5.01.13    №: 3-8    Мутолиа карданд: 724

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед