logo

маориф

Марҳабо, соли хониш!

Таҳсил дар мактабҳои кишвар бо дарси сулҳ оғоз ёфт

Аз кӯчаҳои атрофи мактаб гурӯҳ-гурӯҳ хонандагон ҳамроҳи волидайн бо  дастагулҳои тару тоза, либоси идона ба бар вориди саҳни мактаб шуданд. Сукути муваққатии мавсими таътил шикаст ва фазои рӯҳангези идонаву тараддуди мактабиён дар ҳавлии махзани маърифат лангар афканд. Кӯдаконе, ки бори аввал ба остонаи мактаб қадам ниҳодаанд, шодон гоҳ ба як сӯ ва гоҳ ба сӯи дигар зиракона нигариста, бо қалбҳои пур аз орзу гом ба ҷониби фардои дурахшон бардоштанд. Наврасон  рӯҳияи болидаи онҳоро дида, побанди андешаҳои нек лаҳзае дар амвоҷи ёдҳои ширину рангин савори сафинаи хотирот даст рӯйи даст якҷо бо ҳамсабақони худ ба маҳали маҳфили Рӯзи дониш наздик шуданд. Фазои рӯҳангезу тароватбор ва нидои муҳити ҷаззобу дилнавоз гӯё мегуфт: "Марҳабо соли нави хониш, марҳабо!".
Абдуфаттоҳ Ҳотамов, директори Гимназия-интернати Тоҷикистону Русия  "Ҳотам ва П.В.", ҷамъомадагонро гирди ҳам хонда,  хонандагону омӯзгоронро бо фарорасии соли нави хониш табрик гуфт.
Лаҳзае  чанд ба ҳозирин аз дастовардҳову музаффариятҳои толибилмони муассиса дар соли таҳсили гузашта иттилоъ дод. Хабари сад дарсад қабул шудани хатмкардагони гимназия-интернати мазкур ба донишгоҳҳои олии кишварҳои Русия (асосан шаҳрҳои Маскав, Санкт-Петербург), Украина, Белорус, Куриёи Ҷанубӣ, Олмон, Ҷопон ва Австрия дар дили ҳозирин шуълаи тобони умед ба ояндаи неки фарзандонро фурӯзон намуд. Ҳама ба ифтихори 106 нафар омӯзгори варзидаи гимназия ва хонандагони болаёқату муваффаққи он  сано гуфтанд. Онҳо шоистаанд, зеро танҳо дар соли таҳсили 2012-2013 шогирдони гимназия дар олимпиадаҳои ҷумҳуриявӣ фаъолона ширкат намуда, сазовори 11 медал, аз ҷумла се тило гардиданд. Дастовардҳояшон дар олимпиадаҳои байналмилалӣ низ қобили таҳсин аст.
Имсол дар муассисаи таълимии номбурда 700 нафар хонанда ба намояндагӣ аз халқияту миллатҳои гуногуни Тоҷикистон ба таҳсил шурӯъ карданд.
Тамоми муваффақиятҳои бадастомадаро сарвари гимназия А.Ҳотамов ба соҳибистиқлолии кишвар, сиёсати хирадмандона ва созандаи Президенти мамлакат Эмомалӣ Раҳмон мансуб медонад ва шукр менамояд, ки дар фазои озоду сулҳомез бо доштани шароиту имконоти хуб шогирдон машғули донишандӯзӣ мегарданд.
Лаҳзаи задани занги аввал фаро расид. Ба эҳтимоми хонандаи синфи якум Гесӯ Исматуллоева ва синфи нуҳум Акбар Худойназаров садои хуши зангӯла дар саҳни мактаб ва атрофи он танин андохт. 70 нафар хонандагони синфи якум бо роҳбаладии хонандагони синфҳои болоӣ вориди синфхонаҳо гаштанд ва соли нави хониш бо дарси сулҳ оғоз шуд…
Мо ба онҳо гуфтем:

Тавоно бувад, ҳар кӣ доно бувад,
Ба дониш дили пир барно бувад.

Гулрухсор ФАЙЗУЛЛОЕВА,

аксбардор Эмоми НАЗАРИЁН,  "Ҷумҳурият"


Баёни ақида (0)    Санаи нашр: 6.09.13    №: 117-118    Мутолиа карданд: 1236
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед