logo

илм

Самари илм басо ширин аст

Убайдулло Қурбонов, чун олими варзида, тарбиятгари бемисл, микроҷарроҳ, ҷарроҳи тармиму пластики чирадаст, сарвари мушфиқу ғамхор, имрӯз дар кишвар ва берун аз он шуҳрати зиёд дорад.
Соли 1984 факултаи муолиҷавии Донишкадаи давлатии тиббии Тоҷикистон ба номи Абуалӣ ибни Синоро хатм кардааст.

Солҳои 1984 - 2005 ординатори клиникии кафедраи ҷарроҳии госпиталии ДДТТ, ҷарроҳ, мудири шуъбаи ҷарроҳии тармимӣ ва пластикӣ, муовини директори Маркази илмии ҷумҳуриявии ҷарроҳии дилу рагҳо ва қафаси сина буд.
Соли 2004 ба унвони доктори илмҳои тиб мушарраф гардидааст.
Аз моҳи августи соли 2005 ректори Донишгоҳи давлатии тиббии Тоҷикистон ба номи Абуалӣ ибни Сино мебошад.
Шуҳрату маҳбубияти ӯ пас аз ин зиёдтар гардид. Дар донишгоҳ чун воқеан таҳаввулот кард, таҳаввулоти назаррас. Сатҳи таълиму тарбия боло рафт. Нахуст тамоми шароитро фароҳам овард. Китобҳои тадрисӣ ба забони давлатӣ таълифу нашр гардиданд. Ҳафтавору маҷаллаи илмӣ таъсис дода шуд. Устодон дар дохил ва берун аз кишвар ба бозомӯзӣ фаро гирифта шуданд, такмили ихтисос намуданд. Омӯзгорон ба муҳимтарину умдатарин мавзӯъҳо рӯ оварданд, рисолаҳои илмӣ таълиф ва кашфиётҳову ихтироъҳо карданд. Дар мушкилтарин навъҳои ҷарроҳӣ ва табобати бемориҳо ба дастовардҳои бузург ноил гардиданд.
Дар нишастҳои матбуотӣ ҳамчун сарвари таълимгоҳ, донандаи хуби соҳа ба пурсишҳои хабарнигорони воситаҳои ахбори омма бо тамкини хос посухҳои мушаххасу пухта медод. Ҳеҷ саволро беҷавоб намегузошт. Агар пурсише ҳам ба фаъолияти ӯву омӯзгоронашон иртибот намегирифт, аз посух бо узре канора намегирифт. Баръакс, бо ишорае нозук, пас аз зикри он, ки бо корашон иртибот надорад, ҳатман посух медод.
Аз ҳамин нишастҳо дарёфтем, ки аз ибтидо роҳи омӯзишу илм барояш ҳамвор набуда ва ба мушкилиҳо рӯ ба рӯ гардидааст. Аммо бо сабру таҳаммул, саъю кӯшиши пайваста ва азму иродаи қавӣ онро пушти сар мекардааст.
Посухҳояш моро ба дурнамои фаъолияти худу устодони донишгоҳ, пешрафти донишҷӯён ва рушди соҳа умедвор месохт. Ҳақиқати бисёре аз гуфтаҳояш бо дастовардҳо аён мегардид.
Убайдулло Қурбонов дар марказҳои бузурги тиббии Маскав, Санкт - Петербурги Русия, Франкфурти лаби Майн, Гиссени Олмон, Залсбурги Австрия такмили ихтисос ва сайқали донишу маҳорати касбӣ кардааст. Наздики 200 асару мақолаи илмӣ дар ҳаммуаллифӣ таълиф намудаву дар рӯзномаҳову маҷаллаҳои илмии кишвар ва берун аз он ба табъ расондааст.
Дар ҳамоишҳои бузурги илмии Австрия, Англия, Франсия, Олмон, Русия, Узбекистон ва дигар кишварҳои пешрафтаи ҷаҳон ширкат варзидаву маърӯзаву гузоришҳои илмӣ намудааст. Соҳиби кашфҳо ва ихтироъҳои зиёд мебошад.
Соли равон силсилапажӯҳишҳои У. Қурбонов, доктори илми тиб, профессор, К.Ортиқов, доктори илми тиб, профессор, А. Давлатов, номзади илми тиб, ки иборат аз 40 мақолаи илмӣ, 24 кашфиёт ва 18 навовариро дар бар мегирифт, барои дарёфти Ҷоизаи давлатии Тоҷикистон ба номи Абуалӣ ибни Сино дар соҳаи тиб пешниҳод шуда буданд. Рӯзнома ба хотири дастгирии онҳо маводеро ба табъ расонд, ки дастовардҳои даҳсолаи (солҳои 2001-2011) онҳоро дар соҳаи илми микроҷарроҳӣ ва ҷарроҳии таҷдиду тармим барои алоқамандон тавзеҳ медод.
Ин пешниҳод оид ба тармими нуқси инкишофи панҷа, ҷарроҳии рагу торҳои асаби осебрасидаи дасту по ва рафъи изҳои сӯхтагию контрактура дар панҷа, бандҳои дасту пойу гардан буд. Ҳамин тавр, имкон фароҳам омад, ки минбаъд нуқсҳои ҷисмонию эстетикӣ бартараф гарданд ва он одамонро нороҳат насозанд.
Мутахассисони соҳа эътироф намудаанд, ки онҳо воқеан ба илми микроҷарроҳӣ, махсусан ҷарроҳии таҷдидиву тармимӣ, усулҳои навро ворид сохтанд, ки арзишу аҳамияти зиёди илмӣ доранд ва дар пешрафти соҳа мусоидат мекунанд.
Муаллифони силсилапажӯҳишҳо дар арафаи ҷашни Истиқлоли давлатӣ ба ин ҷоизаи пуршараф ноил гардиданд.
Аҳли эҷоди рӯзномаи "Ҷумҳурият" ва хонандагони сершумораш Убайдулло Қурбонов ва шариконашро ба Ҷоизаи давлатии Тоҷикистон ба номи Абуалӣ ибни Сино табрику таҳният гуфта, боз ҳам дастовардҳои беназирро таманно мекунанд ва тандурустияшонро мехоҳанд.

Абдулқодири РАҲИМ,
"Ҷумҳурият"


Баёни ақида (0)    Санаи нашр: 21.09.13    №: 123-124    Мутолиа карданд: 1346

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»

Прокурорҳои генералии СҲШ мубориза бо нашъафурӯшӣ ва қочоқро баррасӣ намуданд

Таъкиди сарвазири Гурҷистон аз зарурати беҳсозии муносибат бо Россия

Ҷаҳон дар як сатр

01.10.2019


Тоҷикистон 48 зиндониро ба Афғонистон интиқол дод

Намояндагони комиссияи Аврупо барои музокирот ба Беларус мераванд

Ҳукуматдорони Ироқ сарҳад бо Сурияро кушоданд

Дар Ӯзбекистон дар ду соли охир 238 мактаби нав бунёд ёфт

Ҷаҳон дар як сатр

30.09.2019


Мулоқоти Қоҳир Расулзода бо Антониу Гутерриш

Иштироки Сироҷиддин Муҳриддин дар иҷлосияи солонаи вазирони корҳои хориҷӣ


Дар сомонаҳои дигари Тоҷикистон хонед