logo

муҳоҷират

Нома ба Президенти Ҷумҳурии Тоҷикистон

Мӯҳтарам Эмомалӣ Раҳмон!
Мо, як гурӯҳ тоҷикистониён, ки дар вилоятҳои Свердлов, Тюмен ва Челябински Федератсияи Русия бо ҳукми тақдир кор ва умр ба сар мебарем, ҳамеша аз вазъи иҷтимоиву иқтисодии кишварамон бохабарем. Ҳарчанд дур аз кишвари азизамон бошем ҳам, бо ҳисси баланди миллӣ мисли модар ватанамонро дӯст медорем.
Тавре ки ба ҳамаи мо маълум аст, имрӯз Ватани азизамон аз норасоии қувваи барқ танқисӣ мекашад. Мавриди ёдоварист, ки соли гузашта аз норасоии барқ қисме аз беморхонаҳо, мактабҳо фаъолияти дилхоҳ  надоштанд, баъзе кӯдакон ва пиронсолон дар беморхонаҳо бистарӣ гардиданд.
Мо медонем, ки Тоҷикистон аз ҷиҳати захираҳои об дар ҳудуди Иттиҳоди Давлатҳои Мустақил ҷойи дуюм ва дар Осиёи Марказӣ ҷойи якумро ишғол менамояд, аммо ҳамагӣ 5 фоизи ин иқтидори бузурги гидроэнергетикӣ (520 млрд. Квт/с) истифода мешавад. Бо сабабҳои нарасидани сармоя сохтмони нерӯгоҳи барқи обии Роғун ва дигар нерӯгоҳҳои барқи обӣ тӯл кашида истодаанд.
Мо сиёсати хирадмандонаи Шуморо ҳаматарафа дастгирӣ намуда, дар роҳи раҳонидани Ватани азизамон аз вартаи бӯҳрони энергетикӣ ва иҷрои  нақшаҳои бузурги соҳа комёбиҳо таманно дорем.
Мо дарк намудаем, ки муҳоҷирони меҳнатии тоҷик имкониятҳои бузург доранд. Ба ҳамагон маълум аст, ки дар Федератсияи Русия 300 ҷамъияти тоҷикон, соҳибкорони инфиродӣ, роҳбарони ширкатҳои гуногун кор ва фаъолият менамоянд. Шукронаи Яздони Пок, ки ҳамаи мо шароити хуби зиндагӣ дорем. Бинобар ин, ҳамчун шаҳрванди Ватан омода ҳастем, ки дар иҷрои  сохтмони нерӯгоҳҳои нави барқи обӣ иштирок намуда, саҳми шахсии худро аз сидқи дил  ба иқтисодиёти Тоҷикистон гузорем.
Аз фурсат истифода бурда, ба ҳамаи ташкилотҳои ҷамъиятӣ, миллӣ, маданӣ, соҳибкорон ва ҳар як шаҳрванди Тоҷикистон, ки дар ҳудуди Федератсияи Русия кор ва зиндагӣ доранд, бо ҳисси баланди миллӣ ва ифтихори ватандорӣ муроҷиат менамоем, ки лоиҳаи «Энергетикаи муҳоҷирони Тоҷикистон»-ро дастгирӣ карда, ҷиҳати дар амал тадбиқ шудани он саҳми шахсии худро гузоранд.
Бо арзи эҳтиром ба Шумо, мӯҳтарам Ҷаноби Олӣ, муроҷиат карда, хоҳиш менамоем, ки ба дастгирии пешниҳоди мо барои муайян сохтани механизми сармоягузорӣ ва ҷалби сармояи тоҷикони муқими Федератсияи Русия ба Ҳукумати Ҷумҳурии Тоҷикистон дастур диҳед.
Мо боварии комил дорем, ки баъди муайян шудани механизми мушаххаси сармоягузории лоиҳаҳои сохтмони нерӯгоҳҳои барқи обӣ ҳар як фарзанди баору номуси тоҷик, ки дар Федератсияи Русия истиқомат менамояд, қарзи шаҳрвандии худро ба ҷо оварда, мувофиқи имконият ихтиёран барои сохтмони нерӯгоҳҳои барқи обии ватанамон ҳиссаи шахсии худро мегузорад.
Ба Шумо - Ҷаноби Олӣ барои дастгирии ҳамаҷонибаатон миннатдории худро баён намуда, умри дарози бобаракат, саломатии бардавом ва комёбиҳои беназирро орзу мекунем.

Бо камоли эҳтиром Ф. МИРЗОЕВ- раиси ҷамъияти «Сомон», ш. Екатеринбург, Х. ҲАЙДАРОВ - раиси ҷамъияти «Дидор», ш. Екатеринбург, А. КАРИМОВ  – раиси ҷамъияти тоҷикони муқими ш. Тюмен, И. РАҶАБОВ  – раиси маркази миллӣ-фарҳангии тоҷик -«Сомониён», ш. Челябинск, С. ИДИЕВ - директори ҶММ «Ориён-Урад», ш. Екатеринбург, Ш. ДАВЛАТОВ - директори ҶММ «Уралский центр занятости мигрантов», ш. Екатеринбург, С. РАҲИМҶОНОВ - менеҷери агентии муҳоҷирати Нелегатов ист», ш. Екатеринбург, И. НЕЪМАТОВ - соҳибкори инфиродӣ, ш. Екатеринбург, Ш. НУРИДДИНОВ  – директори ҶММ «Юристконсулт», ш. Екатеринбург.


Баёни ақида (0)    Санаи нашр:    №:    Мутолиа карданд: 1048

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед