logo

маориф

Минтақаи Кӯлоб: муассисаҳои томактабӣ намерасанд

Дар шаҳри Кӯлоб муассисаҳои томактабӣ, ки солҳо боз дар мувозинати бархе аз корхонаҳои давлатӣ буданд, дубора ба ҳолати аввала баргардонда мешаванд.
Фаъолияти муассисаи томактабии №10, ки аз соли 1999 ҳамчун дармонгоҳ-беморхонаи тиббӣ дар мувозинати Кумитаи давлатии амнияти миллӣ буд, қатъ шуда, ба ҳолати аввала баргардонда шуд.
Феълан дар шаҳри Кӯлоб 9 муассисаи томактабӣ фаъолият дорад, ки дар онҳо 995 нафар кӯдакони синни томактабӣ ба тарбия фаро гирифта шудаанд. Бино ба иттилои раёсати маорифи шаҳри Кӯлоб фарогирии кӯдакон ба муассисаҳои томактабӣ соли 2013 - 110 нафар зиёд гардида, ба тарбияи кӯдакон 27 мураббӣ  машғуланд.
Анварбӣ Шарифова, мушовири муассисаҳои томактабии Раёсати маорифи шаҳри Кӯлоб, дар суҳбат бо хабарнигори "Ҷумҳурият" иброз дошт, ки бо вуҷуди фарогирии кӯдакон дар муассисаҳои томактабии мавҷуда талабот ба муассисаҳои нав зиёд аст.
"Дар муассисаи томактабии №10, ҳамакнун 200 кӯдак ба тарбия фаро гирифта шудааст. Кӯдакистони № 6, ки солҳои дароз ба таъмир ва таҷҳизондан ниёз дошту фаъолият намекард, ба фаъолият оғоз бахшид. Алҳол 50 кӯдак дар ин ҷо парвариш меёбад",-афзуд Анварбӣ Шарифова.
Тавваҷуҳ ба кӯдакони маъюб аз мадди назари раёсати маориф ва мақомоти иҷроияи ҳокимияти давлатии шаҳри Кӯлоб дур намондааст. Соли ҷорӣ дар шафати кӯдакистонҳои № 3 ва 7 барои  кӯдакони маъюб ду бинои нав сохта, мавриди истифода қарор доданд. Бинои кӯдакистон барои маъюбон дуошёна буда, шароит ва талаботи нигоҳубини онҳо фарқ дорад. Барои тарбияи онҳо мутахассисони махсус омода карда шуданд.
Дар шафати мактабҳои таҳсилоти миёнаи умумии № 21 ва 32 биноҳои иловагӣ - синфхонаҳо барои ҷалби кӯдакони синни томактабӣ таъсис ёфтанд.
Ба гуфти муррабиён ва мутахассисони соҳа сарфи назар аз фаъолияти 9 муассисаи томактабӣ барои қонеъ гардондани талаботи ҷомеа ва фарогирии кӯдакон ба тарбия зарурати кушодани ингуна муассисаҳои томактабӣ вуҷуд дорад. Агарчӣ дар ҳар як маҳаллаи шаҳри Кӯлоб як кӯдакистон фаъолият мекунад.
Дар 21 мактаби таҳсилоти миёнаи умумии шаҳру деҳоти Кӯлоб гурӯҳи  омодагӣ ба мактаб - инкишофи нутқ ташкил шуд, ки ба онҳо кӯдакони синни 5 ва 6 - сола ҷалб шудаанд. Дар наздикии онҳо кӯдакистонҳо фаъолият надоранд. Лоиҳаи мазкур аз соли 2010 бо ташабусси Вазорати маориф ва ЮНИСЕФ (барномаи Созмони Милали Муттаҳид оид ба кӯдакон) роҳандозӣ шудааст, ки айни ҳол 377 кӯдакро ба таълим фаро гирифтааст.
Кӯдакони ин гурӯҳҳо ҳам бо барномаи рушди томактабии аз тарафи Вазорати маориф тасдиқ ва пешниҳодгардида, ки дар ҳамаи муассисаҳои томактабӣ омӯзонда мешавад, фаро гирифта шудаанд. Аммо вақти машғулияти онҳо то нимрӯзӣ пешбинӣ гардидааст. Ба кӯдакон забонҳои англисӣ ва русиро ҳам меомӯзонанд.
Вазъи муассисаҳои томактабӣ дар деҳоти шаҳри Кӯлоб дигар аст. Дар ин ҷо кӯдакистонҳо фаъолият намекунанд, ки ин ҳолат то андозае дар тарбияи то синни мактабии кӯдакон бе таъсир нест.  Аммо дар ноҳияи Восеъ ҳамагӣ як кӯдакистон фаъолият мекунад ва он ҳам дар маркази ноҳия мебошад. Дар он 120 кӯдак ба тарбия фаро гирифта шудааст.
Дар шаҳри Кӯлоб дар маҳаллаҳои кӯдакистон надошта, гурӯҳҳои тайёрии инкишофи нутқ барои синни томактабӣ дар назди мактабҳои таҳсилоти миёна кушодаанд. Дар ноҳияи Восеъ то ба ҳол аз ин таҷриба истифода нашудааст. Дар назди ягон мактаби таҳсилоти миёнаи умумӣ чунин гурӯҳҳои тайёрӣ вуҷуд надоранд. Дар ҳоле ки кӯдакистон зинаи аввалини тарбияи инсон ба ҳисоб рафта, дар рушди зеҳнии онҳо нақши муассир дорад.

Ҳ САНГОВА,
"Ҷумҳурият”


Баёни ақида (0)    Санаи нашр: 24.10.13    №: 141    Мутолиа карданд: 1521
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед