logo

ҳукумат

Маҷлиси навбатии Ҳукумат

31 октябр таҳти раёсати Президенти кишвар, Раиси Ҳукумати Ҷумҳурии Тоҷикистон Эмомалӣ Раҳмон маҷлиси навбатии Ҳукумати ҷумҳурӣ баргузор гардид.
Дар оғози маҷлис Барномаи корҳои оморӣ барои соли 2014, Нақшаи миёнамуҳлати муташаккилона кӯчондани муҳоҷирони экологӣ барои солҳои 2014 - 2016 тасдиқ карда шуд.

Вобаста  ба  корҳои оморӣ Сарвари давлат Эмомалӣ Раҳмон таъкид дошт, ки “ҳисоботҳо, хусусан доир ба ҳаҷми истеҳсоли маҳсулот, новобаста ба шакли моликияти истеҳсолкунандагон, бояд дақиқ бошанд, то ки нақшаю барномаҳои давлатӣ низ дар асоси онҳо дақиқу самарабахш таҳия, қабул ва амалӣ карда шаванд”.
Лоиҳаҳои як зумра қонунҳо доир ба ворид намудани тағйиру иловаҳо ба чанд қонуни амалкунандаи кишвар маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шуд. Тағйиру иловаҳо, аз ҷумла ба қонунҳо “Дар бораи суғуртаи иҷтимоии давлатӣ”, “Дар бораи бехатарии саноатии иншооти истеҳсолоти хатарнок” ва Кодекси ҷиноятии Ҷумҳурии Тоҷикистон пешниҳод гардид. Ҳамчунин хулосаҳои Ҳукумати Ҷумҳурии Тоҷикистон ба лоиҳаҳои қонунҳо “Дар бораи иҷора” ва “Дар бораи ҳуҷҷатҳои тасдиқкунандаи шахсият” маъқул дониста шуда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол гардид.
Консепсияи сиёсати ҳуқуқи ҷиноятии Ҷумҳурии Тоҷикистон ва Қоидаҳои бақайдгирии давлатии шахсони ҳуқуқӣ, соҳибкорони инфиродӣ, филиал ва намояндагиҳои шахсони ҳуқуқии хориҷӣ тасдиқ  шуд.
Ба мақомоти иҷроияи маҳаллии ҳокимияти давлатии шаҳри Ваҳдат ва ноҳияи Панҷ барои тақсим ба аҳолии ба