logo

мулоқотҳо

Президент сафири нави Фаронсаро ба ҳузур пазируфт

28 январ Президенти Ҷумҳурии Тоҷикистон Эмомалӣ Раҳмон ҳамчунин аз Сафири фавқулодда ва мухтори Фаронса дар Тоҷикистон Анри Зиппер де Фабианӣ эътимоднома қабул намуд.
Зимни сӯҳбати Сардори давлат Эмомалӣ Раҳмон бо Анри Зиппер де Фабианӣ, ки баъди супурдани эътимоднома сурат гирифт, масоили ҷорӣ ва дурнамои муносибатҳои Тоҷикистону Фаронса баррасӣ шуданд.
-Фаронса, ки бо Тоҷикистон ҳамгироии гуногунҷанба дорад, шарики асосии мо дар қитъаи Аврупо аст, - изҳор дошт Президенти мамлакат Эмомалӣ Раҳмон.
Пеш аз ҳама аз сатҳи ҳамкориҳои ҳарбӣ-сиёсии ду кишвар изҳори қаноатмандӣ карда шуд.
Густариши ҳамкориҳои иқтисодӣ, бахусус ҷалби сармояи Фаронса ба татбиқи лоиҳаҳои судовари инвеститсионии Тоҷикистон, аз ҷумла дар соҳаи афзалиятноки гидроэнергетика, амри зарурӣ ва идомаи мантиқии ҳамгироиҳои мавҷуда маънидод гардид.
Дар робита бо нақшаҳои ҳамкории иқтисодӣ миёни ду кишвар Анри Зиппер де Фабианӣ аз ҷумла изҳор дошт:
-Тоҷикистон метавонад ба  дастгирӣ ва кӯмаки амалии Фаронса баҳри раҳоӣ ёфтан аз бунбасти коммуникатсионӣ ва  татбиқи лоиҳаҳои гидроэнергетии худ эътимод бандад.
Вай инчунин таъкид намуд, ки баҳри шиносоии бештари Тоҷикистон ба мардуми Фаронса ва ҷалби сармоягузорони кишвараш ба ин ҷо кӯшиши зиёд ба харҷ медиҳад.
Дар мулоқот ҳамчунин атрофи авзои кунунии Афғонистон ва зарурати рушди ҳамкориҳои минтақавӣ дар Осиёи Марказӣ гуфтугӯи судманд сурат гирифт.

* * *
-Барои ман шарафи бузург насиб гардид, ки эътимодномаи худро ба Эмомалӣ Раҳмон, Президенти Ҷумҳурии Тоҷикистон, баъди ду рӯзи ба Душанбе ташриф оварданам, супорам. Ман ин таваҷҷӯҳро ҳамчун нишони муносибатҳои некбинонаи ҳар ду кишвар арзёбӣ мекунам,- иброз дошт ба хабарнигорон Сафири фавқулодда ва мухтори Фаронса дар Тоҷикистон Анри Зиппер де Фабианӣ пас аз дидору гуфтугӯ бо Эмомалӣ Раҳмон, Сардори давлати Тоҷикистон.
Қабули самимона ва сӯҳбати басо гуворо дар ҳузури Президент маро ҳамчун сафир водор месозад, ки барои тавсеаи ҳамкориҳои иқтисодӣ ва фазои сармоягузорӣ аз Фаронса ба Тоҷикистон бо ҷалби лоиҳаҳои гуногун саҳми назаррас дошта бошам. Дар мулоқот бо Ҷаноби Олӣ дар доираи ҳамкориҳо бо Иттиҳоди Аврупо ба ду ҷанбаи муҳим- таҳкими сарҳадоти давлатии Тоҷикистон ва рушди муносибатҳои иқтисодӣ таваҷҷӯҳи махсус зоҳир шуд.
Ҷониби Фаронса кӯшишҳои пайгиронаи ҷониби Тоҷикистонро дар мубориза ба муқобили гардиши ғайриқонунии маводи мухаддир, терроризм ва сулҳу субот дар минтақа ҳамаҷониба қадр мекунад. Дар ин самт Иттиҳоди Аврупо, ба вижа Фаронса чанд лоиҳаи мушаххасро тарҳрезӣ намудааст, ки татбиқи амалии онҳо ба манфиати Тоҷикистон ва кулли кишварҳои минтақа хоҳад буд.
Анри Зиппер де Фабианӣ гуфт, ки ман дар Париж бо намояндагони Институтҳои бонуфузи кишварамон, аз ҷумла Институти кӯҳкорӣ, сӯҳбат доштам. Онҳо ба захираҳои табиии Тоҷикистон таваҷҷӯҳи хоса доранд ва ба боварӣ метавонам гӯям, ки дар шаш моҳи баъдӣ чанд лоиҳаи вижа дар Париж тарҳрезӣ ва дар Тоҷикистон мавриди татбиқ қарор мегиранд.
Айни замон дар Фаронса силсилаи лоиҳаҳои муштараки сармоягузорӣ ба иқтисодиёти Тоҷикистон мавриди баррасӣ қарор доранд, ки якеи онҳо бунёди аэровокзали нави Душанбе аст. Ҳукумати Фаронса ба ин мақсад 17 миллион евро тахсис додааст.
-Коршиносон дар Фаронса ба натиҷаи ҳамкориҳои мутақобилан судманди ҳар ду кишвар баҳои баланд медиҳанд, ки ин бегуфтугӯ ба манфиати мардумони Тоҷикистону Фаронса хоҳад буд,- гуфт дар анҷоми нишасти матбуотӣ Анри Зиппер де Фабианӣ, Сафири фавқулодда ва мухтори Фаронса дар Тоҷикистон.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 709

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед