logo

маориф

АСОСГУЗОРИ МАКТАБИ НАВИ ИҚТИСОДИ СИЁСӢ

Ҳаёти имрӯза собит менамояд, ки мактабҳои илмию эҷодӣ дар ривоҷу равнақи таҳқиқу эҷоди самтҳо нақши назаррас доранд.  Ин  қабил  мактабҳо худ аз худ ташаккул намеёбанд. Онҳо тавассути заҳмату талошҳои тӯлонии абармардону сарсупурдагони бахшҳои мухталифи  илм  рӯйи кор меоянд. 
Ба ин гурӯҳи сарсупурдагон профессор, мушовири илмии кафедраи «Муносибатҳои иқтисодии байнал-милалӣ»-и факултети молиявию иқ-тисодӣ Мамадёр Мамадназарбековро мансуб донистан мумкин аст, зеро то лаҳзаҳои охирини ҳаёт дар таҳлилу пешрафти илми иқтисодӣ  корҳои назаррасе анҷом додааст.
Дониши мукаммали дар тӯли солҳо андӯхта, таҷрибаи зиндагии ғанӣ, иштироки мустақим дар раванди амалигардонии дастовардҳои илмӣ, малакаи таҳқиқотӣ ба ӯ имкон дод, ки падидаю  ҳодисоти мураккабу баҳсталабро таҳлил ва ҷамъбаст намояд. Аз ин лиҳоз  Мамадёр Мамадназарбековро дар ҷумҳурӣ ҳамчун муҳаққиқи дақиқсанҷ, мутафаккири иқтисодон мешиносанд.
Ба қалами устод 225 таълифот ва корҳои илмӣ, аз ҷумла 18 монография, рисола ва мақолаҳои илмӣ мансубанд, ки таҳқиқи самтҳои мухталифи илми иқтисодиро дар бар мегиранд. Устод Мамадёр Мамадназарбеков на танҳо дар ҷумҳурӣ, балки дар хориҷи кишвар низ бо асарҳои хеш дар соҳаи андӯхти сармоя, рушди иқтисодӣ, сармоягузорӣ, ҳамгироии иқтисодӣ ва сармояи зеҳнӣ маъруф аст. Дар таҳқиқи масъалаҳои такрористеҳсоли ҷамъиятӣ, афкори иқтисодии халқи тоҷик, омодасозии китобҳои дарсӣ ва илмию методӣ саҳми назаррас дорад. Ӯ аз зумраи иқтисодшиносонест, ки тавонист фикру ақидаҳои хешро амалан оид ба масъалаҳои баҳсноки назарияи иқтисодӣ баён намояд. Аз ин рӯ ҳамчун асосгузори мактаби нави иқтисоди сиёсӣ дар Тоҷикистон эътироф гаштааст.
Дар асарҳои устод, ки ба назарияи рушди иқтисодӣ бахшида шудаанд, масъалаҳои муҳими рушд ва инкишофи макроиқтисодии кишвар мавриди таҳқиқоти амиқу ҳаматарафа қарор мегиранд. Нуқтаи назари муаллиф ва хулосаҳои илмии он дар рисолаҳои зерин ба табъ расидаанд: «Андӯхт ва инкишофи иқтисодии Тоҷикистон» (1972), «Ҳосилнокии меҳнат: омилҳои рушд» (1984), «Сиёсати иҷтимоӣ ва иқтисоди бозорӣ» (1991).
Мамадёр Мамадназарбеков му-ҳаққиқи боистеъдод, кордон ва меҳнатдӯст буд ва бо иштироки бевосита ва сарварии ӯ китоби дарсии «Иқтисодӣ  сиёсӣ» ба забони тоҷикӣ тарҷума гардид, ки китоби рӯимизии донишҷӯёни макотиби олӣ мебошад. Устод на танҳо иқтисодчӣ, олими назарияшинос, балки таҳиягари силсилаи зиёди асарҳои ҷамъбастию сиёсӣ ва илмӣ ба ҳисоб меравад. Вай зиёда аз 20 мақолаи Энсиклопедияи Cоветии Тоҷикро таҳия намуда, 42 китоб ва садҳо мақолаҳои маҷаллаҳои соҳавиро таҳрир кардааст. Таърихи иқтисодии кишварҳои хориҷӣ, иқтисодиёти Тоҷикистон ҳамчун қисми таркибии комплекси ягонаи хоҷагии халқи ИҶШС, мафкураи иқтисодии мутафаккирони тоҷик дар давраи эҳё, масъалаҳои иқтисодӣ дар эҷодиёти Аҳмади Дониш ва Садриддини Айнӣ, низоми иқтисодии феодализми шарқӣ ва инъикоси он дар асарҳои классикони адабиёти форсу тоҷик аз ҳамин шуморанд.
Дар баробари фаъолияти илмӣ профессор дар тарбия ва омода намудани мутахассисони баландихтисос саҳми арзанда дошта, таҳти роҳбарии ӯ 25 нафар рисолаҳои номзадӣ ҳимоя кардаанд. Маҳз дар давраи роҳбарии ӯ дар кафедраи назарияи иқтисодӣ тавассути аспирантура 80 нафар рисолаҳои номзадӣ, 8 нафар рисолаҳои докторӣ ҳимоя кардаанд.
Вай яке аз профессороне буд, ки аз мероси ғании ходимони адабиёти форсу тоҷик ва маърифатпарварони Шарқ ба таври васеъ истифода мебурд.
Ташкилотчии намоёни илми иқ-тисод ба шумор меравад. Солҳои зиёд ба ҳайси котиби Шӯрои илмии махсус оид ба ҳимояи рисолаҳои номзадӣ аз иқтисоди сиёсӣ, раиси бахши иқтисоди сиёсии Шӯрои илмию техникии Донишгоҳи давлатии Тоҷикистон, аъзои Шӯрои омӯзиши қувваҳои истеҳсолкунандаи Академияи илмҳои Ҷумҳурии Тоҷикистон, аъзои таҳририяи Сарредаксияи илмии Энсиклопедияи Советии Тоҷик оид ба иқтисодиёт, Шӯроҳои таҳририи маҷаллаҳои илмию назариявӣ фаъолият намудааст.
Олими хеле сахтгиру серталаб, вале ниҳоят хоксору фурӯтан буд. Садоқату дилсӯзӣ ба кор ва хоҳиши омӯзгорӣ яке аз хислатҳои хуби мавсуф ба шумор мераванд. Шахсоне, ки тайи солҳои тӯлонӣ бо ӯ якҷоя кор кардаанд, нағз медонанд, ки агар устод ба коре шурӯъ мекард, бо тамоми ҳастиаш ба он дода мешуд. Ҳамчун донандаи хуби забони тоҷикӣ бо тамоми қувва тайи солҳои охири ҳаёташон аз пайи таҳияи «Фарҳанги истилоҳоти иқтисодии русӣ-тоҷикӣ» буд ва онро ба анҷом расонда, барои чоп пешниҳод намуд.
Давоми беш аз шаст соли фаъолияти меҳнатиаш, бо маърӯзаҳои илмӣ дар симпозиуму конфронсҳои илмии байналмилалӣ, минтақавӣ ва ҷумҳуриявӣ, мусоҳиба ва мизҳои гирди илмӣ фаъолона иштирок мекард ва машъалафрӯзи ин чорабиниҳо буд.
Ҳукумати  Тоҷикистон саҳми устодро дар рушди илми Ҷумҳурии Тоҷикистон ба назар гирифта, ӯро бо Ифтихорномаи Президиуми  Шӯрои Олӣ, медалҳо «Барои меҳнати шуҷоатнок», «Меҳнати  шоиста», унвони Аълочии маорифи Ҷумҳурии Тоҷикистон ва унвони фахрии Арбоби илму техникаи Тоҷикистон қадр кардааст.

М. САИДМУРОДОВА,
мудири кафедраи муносибатҳои иқтисодии байналмилалии Донишгоҳи давлатии Тоҷикистон,

М. ТАҒОЕВ, 
муаллими калони кафедраи муносибатҳои иқтисодии байналмилалӣ,

Ф. ИМОМЁРБЕКОВ,  ассистенти кафедраи муносибатҳои иқтисодии байналмилалӣ


Баёни ақида (0)    Санаи нашр: 15.02.2014    №: 33    Мутолиа карданд: 1093

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед