logo

маориф

НИГАРОНӢ АЗ МАКТАБҲОИ САДАМАВӢ

Вазири маориф ва илми кишвар Нуриддин Саидов гуфт, ки соли гузашта мактабҳои таҳсилоти миёнаи умумиро аз биноҳои садамавӣ ва вагону хонаҳои шахсӣ бароварданд, аммо мақомоти иҷроияи маҳаллии ҳокимияти давлатии шаҳри Панҷакент аз 10 мактаби дар ҳолати садамавӣ қарор дошта изҳори нигаронӣ мекунанд.
Хусрав Абдуназаров, раиси шаҳри Панҷакент, зимни нишасти матбуотӣ гуфт, ки айни ҳол 38 мактаби таҳсилоти миёнаи умумӣ ба таъмири асосӣ ниёз дорад.
- Дар қаламрави шаҳр 88 мактаби таҳсилоти миёнаи умумӣ, 42 мактаби таҳсилоти асосӣ,1 гимназия, 2 литсей ва 1 мактаби хусусӣ фаъолият доранд. Соли ҷорӣ дар ҳамкорӣ бо Вазорати маориф ва илм мактабҳои садамавиро аз таъмири асосӣ бароварданием,- илова кард раиси шаҳри Панҷакент.
Дар ҳоле, ки раиси шаҳри Панҷакент аз ҷой доштани мактабҳои садамавӣ изҳори нигаронӣ мекунад, дар Вазорати маориф ва илм мегӯянд, ки чунин мактабҳо вуҷуд надоранд.
Мирбобо Раҳматуллоев, муовини аввали вазири маориф ва илм, зимни нишасти матбуотӣ изҳор дошт, ки феълан ягон мактаби таҳсилоти миёнаи умумӣ дар вагон ва бинои садамавӣ қарор надоранд:
- Тибқи супориши Президенти кишвар соли 2013 4 мактаби дар хонаҳои шахсӣ қарордоштаи ноҳияи Балҷувон ба биноҳои нав кӯчид ва сохтмони мактаби № 31- и ноҳияи Восеъ, мактаби № 58- и  ноҳияи Фархор ва мактаби № 45- и  шаҳри Панҷакент ба итмом расида, бо таҷҳизоти замонавӣ таъмин гаштанд.
Сокинони деҳаи Файзободи ноҳияи Мир Сайид Алии Ҳамадонӣ мегӯянд, ки бинои мактаби таҳсилоти миёнаи умумии № 4-и онҳо ҳам дар ҳолати садамавӣ қарор дорад.
-  Мактаби мо солҳои аввали ҳоки-мияти шӯравӣ сохта шудааст, ҳатто тахтаҳои фарш шикастанду хонандагон бо эҳтиёт қадам мегузоранд, - мегӯяд Гулҷаҳон Каримова, сокини деҳаи мазкур.
Шариф Абдулҳамид, хабарнигори ҳафтаномаи «Омӯзгор», аз ҳолати садамавӣ ва ғайрисанитарии макотиби деҳоти ноҳияи Шӯрообод ёдовар мешавад. Ба гуфти вай мактаби деҳаи Шоҳон, ки 30 хоҷагӣ дорад, ҳамагӣ шаш синфхона  доштааст. Дар мактаби таҳсилоти миёнаи умумии № 20- и  ноҳия одитарин шароити таҳсил вуҷуд надорад.
Хонандагони деҳаи Ёжидараи ноҳия ҳам аз надоштани мактаб душворӣ мекашанд. Соро Қурбонова, сокини деҳа, гуфт, ки хонандагони синфҳои 1, 2, 3 ва ҳатто 7 дар як синф мехонанд. Мушкилоти нарасидани мактаб, синфхонаҳо, ҷойи нишаст, таъмирталаб ва дар ҳолати садамавӣ қарор доштани биноҳо дар  минтақаҳои дигари кишвар ҳам мавҷуданд. Дар деҳаи Худгифи Сояи ноҳияи Кӯҳистони Мастчоҳ деворҳои бинои мактаби таҳсилоти миёнаи умумии № 7, ки солҳои 80 - уми асри гузашта сохта шудааст, кафидаанду дар сурати заминларза  фурӯ рафтани он аз эҳтимол  дур нест. Мактабҳои № 15 ва № 13- и ноҳия ҳам ин ҳолатро мемонанд. Хатари садама бештар ба мактаби № 26- и деҳаи Пакшифи  деҳоти Лангар таҳдид мекунад. Тарқиши деворҳо «шароитро барои ворид шудани ҳавои сард ба синфхонаҳо» муҳайё кардааст.
Мо кӯшидем, ки назари мақомоти иҷроияи маҳаллии ҳокимияти давлатии ноҳияро оид ба вазъи садамабори мактабҳо бифаҳмем. Аммо гӯшии телефонро касе набардошт.
Ба гуфти мутахассисони Вазорати маориф ва илми кишвар таъмиру сохтмони мактабҳо дар салоҳияти мақомоти иҷроияи маҳаллии ҳокимияти давлатии шаҳру ноҳияҳо қарор дорад. Аксари ҳолат мақомоти мазкур танҳо бо рангу бор кардани мактабҳо масъулияти таъмирро аз дӯши худ меафкананд.
Саидаҳмад Мирзоев, раиси Бунёди миллии иҷтимоии маблағгузории Тоҷикистон, аз татбиқи 38 лоиҳаи бозсозии мактабҳои таҳсилоти миёнаи умумӣ бо харҷи 16 миллион доллар дар  минтақаҳои гуногуни кишвар хабар медиҳад. Ӯ ба мо гуфт, ки 15,4 миллион доллар чун ёрӣ аз давлати Олмон расид, боқимонда саҳми Ҳукумати Тоҷикистон ва сокинон мебошад.
- Ин маблағ барои таъмиру таҷдиди 20 мактаби таҳсилоти миёнаи умумии вилояти Хатлон, ки дар ҳолати садамавӣ буданд ва дар хонаҳои истиқоматии шаҳрвандон ҷой доштанд, сарф шуд. Соли ҷорӣ тарҳи нав бо хазинаи 15,5 миллион сомонӣ барои таъмири 6 мактаби таҳсилоти миёнаи умумии ноҳияҳои Рашт, Нуробод ва Тоҷикобод амалӣ мегардад. Айни ҳол бо далели камбуди моддӣ барномаҳо  барои таъмири мактабҳои садамавӣ ё ба таъмир ниёз доштаи вилоятҳои Суғд ва Кӯҳистони Бадахшон мавриди амал қарор надорад, аммо дар нақша аст, ки ояндаи наздик ин иқдом амалӣ мегардад, - мегӯяд Саидаҳмад Мирзоев.
Соли сипаришуда дар қаламрави кишвар аз ҳисоби ҳамаи сарчашмаҳои маблағгузорӣ 251 бинои муассисаҳои таълимӣ барои 45 169 ҷойи нишаст ба маблағи умумии 334 миллиону 109 ҳазор сомонӣ сохта ба истифода дода шуд ва бинои 19 мактаби таҳсилоти миёнаи умумӣ ба маблағи 8 миллиону 290 ҳазор сомонӣ пурра аз таъмири асосӣ баромад.  
«Ҷумҳурият» вазъи мактабҳои садамавӣ, шароити таълиму  тарбияи онҳоро пайгирӣ намуда, силсилаи матлабҳоро таҳия мекунад. Зеро мактаб ва шароити  дурусти таълим ин мусоидат кардан ба тарбияи ҷавонон - ояндаи ҷомеа мебошад.

Ҳарамгули ҚОДИР, «Ҷумҳурият»


Баёни ақида (0)    Санаи нашр: 15.02.2014    №: 33    Мутолиа карданд: 896
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед