logo

маориф

МУАЛЛИМ ОФТОБЕ ДОН…

Дар дунё ду офтоб аст, яке офтоби табиӣ, ки бо нури ҳаётбахши хеш табиатро ҷон мебахшаду дигаре муаллим. Муаллим офтобест, ки бо нури рӯҳпарвари худ даҳрро яксар рӯшан мекунад. Ақл, шараф, виҷдон ва олами ботинии инсонҳоро ҷон бахшида, тарбия менамояд. Аз ин лиҳоз аҷдодони бузурги мо Паёмбарро муаллим мегуфтанд.

Ин суханонро рӯи коғаз оварда, пеши назарам симои омӯзгори асиле ҷилвагар мегардад. Ин омӯзгор муаллим Мамаданбар аст. Айёми навҷавонии ӯ дар ноҳияи Вахши зархез паси сар шудааст. Дар аснои мактабхонӣ дар дилаш меҳри муаллим шудан пайдо шуда, соли 1992 донишҷӯи факултети филологияи тоҷики Донишкадаи давлатии Қӯрғонтеппа ба номи Носири Хусрав гардид. Пайваста баъди дарс ба назди устодонаш рафта, аз онҳо барои мутолиа адабиёти иловагӣ хоҳиш мекард, ба саволҳои пайдошудааш аз устодон ҷавоб меҷуст. Баъдан дар факултети филологияи Донишгоҳи давлатии шаҳри Хоруғ таҳсилро идома бахшида, онро соли 2000 бомуваффақият хатм намуд.
Тӯли 5 сол дар деҳаҳои Шошбувад, Шохиризм ва Бидизи Болои ноҳияи Роштқалъа ба шогирдон аз фанни забону адабиёти тоҷик дарс гуфт. Бо вуҷуди ҷавон будан худро чун омӯзгори хушсалиқа нишон медод. Аз он хурсанд мешуд, ки шогирдонаш ба дарси ӯ меҳр пайдо кардаанд, ӯро чун муаллим дӯст медоранду бесаброна дарсашро интизорӣ мекашанд. Аҳли деҳаи Роштқалъа ӯро чун муаллими заҳматкаш дӯст медоштанду ҳурмат мекарданд ва дар навбати худ дар зиндагӣ дастгираш буданд. Дар мактаб омӯзгорони соҳибтаҷриба кам набуданд, аммо Мамаданбари ҷавон тавонист, ки дили хонандагонро ба даст орад.
Соли 2000 ӯро сарвари сарпарастони мактаб ва ду сол баъд сардори иттиҳодияи методии байни мактабҳо аз фанни забон ва адабиёти тоҷик таъйин намуданд. Вай байни муаллимони забон ва адабиёти тоҷики мактабҳо дарсҳои кушод ташкил мекард, ба омӯзгорони нав ба кор омада пайваста ёрии методӣ мерасонд. Мактаб бояд ба маънои томаш мактаб бошад, мегуфт Мамаданбар. Дар корҳои ҷамъиятии мактаб ҳам фаъолона иштирок мекард, ҳам маслиҳатчии дигарон буд. То ба кор омаданаш мактаб кабинети забон ва адабиёти тоҷик надошт. Онро ташкил карда, бо аёниятҳои худсохти зебо оро дод, ки шогирдон бо мамнунӣ аз он истифода мебурданд. Шуъбаи маорифи ноҳия малака ва донишу қобилияти вайро ба назар гирифта, соли 2007 муовини директор оид ба таълиму тарбия таъйин намуд. Бо талоши ӯ кори таълиму тарбия ва ободонии мактаб рӯз аз рӯз чашмрас мешуд. Дар он солҳо бархе аз омӯзгорон маълумоти олӣ надоштанд. Ӯ ин гуна омӯзгоронро барои таҳсил дар шуъбаҳои ғоибонаи Донишгоҳи давлатии шаҳри Хоруғ тавсия дод ва ин масъала низ дар мактаб ба тадриҷ ҳалли худро ёфт.
Ҳоло Мамаданбар Давлат-қадамов директори мактаби таҳсилоти миёнаи умумии рақами 33-и ноҳияи Роштқалъа аст, ки он дар ноҳия намунавист. Кору фаъолияти муаллимон М. Саломатшоев, Ҳ. Саидшоева ва С.  Ҳайдаров қобили таҳсин буда, нозирони шуъбаи маорифи ноҳия аз соҳибкасб будани онҳо қаноатманданд. Имрӯз дониши хонандагон хеле хуб аст.
Дар мактаб хонандагон дар курсҳои омӯзиши забони англисӣ, технология ва информатика, забони тоҷикӣ ва математика бо шавқу завқи зиёд иштирок менамоянд. Хонандаи синфи 11 Раҳмати Шодибекзода ду маротиба дар озмуни фаннии вилоятӣ ҷои дуюмро ишғол намуд. Инчунин толибилмони мактаб Л. Худоёрбекова ва О. Наимзода дар озмуни техникони ҷавон дар вилоят сазовори ҷои дуюм шуданд.
Дар тӯли 4 сол бо ташаббуси ӯ бинои таълимгоҳ пурра таъмир шуд. Боми он тунукапӯш ва дохили синфхонаҳо низ мувофиқи талабот таъмир гардиданд. Дар баробари ин бинои чор синфхонаи дигар бомпӯш шуда, мавриди истифода қарор гирифт. Дар як гектар замини назди бинои таълимии нав зиёда аз 1200 бех дарахтони сояафкан сабзонда, боғ бунёд карданд ва гирди онро 524 метр девор бардошта, аз болои он симтӯр кашиданд. Аз масофаи 200 метр барои шодоб намудани дарахтони боғ бо истифода аз лӯлаҳо об оварданд. Ҳамчунин дар атрофи мактаб гулдонҳо сохта, дар онҳо гулҳои рангоранг шинонданд. Маблағи барои ин ободкорӣ сарфшуда аз ҳисоби замини ёрирасони мактаб ба даст омадааст. Бо ин иқдоми наҷибаш мактаби мазкур дар озмуни ободонии ноҳия сазовори ҷои аввал гардид.
Беҳтарин баҳо ба заҳмати муаллим ин муҳаббати шогирдон ва эҳтироми мардум аст, ки ӯ бо меҳнати ҳалоли худ ҳардуро сазовор шудааст.
Дар шаъни чунин соҳибкасбони заҳматкаш бузургворе фармудааст:
Муаллим офтобе дон, ки метобад ба баҳру бар,
Зи нури хеш равшан мекунад ӯ даҳрро яксар.

Сайфулло ШУКРУЛЛОЕВ, нафақахӯр


Баёни ақида (0)    Санаи нашр: 7.03.2014    №: 46    Мутолиа карданд: 989

20.02.2020


БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД


Дар сомонаҳои дигари Тоҷикистон хонед