logo

илм

ЗЕБОИОФАР

Конструктор ва ё нақшофар шуғли мураккаб аст. Лоиҳакашӣ, меъморӣ, нақша ва дигару дигарҳоро фаҳмидан мумкин аст. Агар барои наққош ва ё рассоми хуб гардидан як-ду сифати асосии касбӣ зарур бошад, барои конструктор – муҳандиси сохтмон нокифоя ҳастанд, зеро саҳни фаъолияти ӯ фарохтар асту агар ҷаҳонбинии васеъ, дониши мукаммал ва замонавӣ, маҳорати кордониву ҳалли муаммоҳо, истеъдоди бузурги нақшакашӣ ва амсоли инҳоро надошта бошад, тарҳи сохтаи ӯ зуд аз байн меравад. Дар ин ҷода итминонамон ба бузургии Махфират Зокирова, ба иродаи қатъиву матонати қавии ӯ комилтар мегардад, ки касби аз ҳама душворро баҳри худ интихоб намудааст.
Махфиратбону тамоми ҳаёташро ба конструксия бахшид ва дар ин соҳа нуфузи бештаре пайдо намудааст. Бо маҳорати баланд аз рӯи барномаҳои гуногун дар компютер нақшаҳои бузургро мекашад.
– Мо аз рӯи нақшаи меъморон кор мекунем. Меъмор дар бораи ҷойгиршавии хона, баландӣ, баромад нақшаашро тайёру тасдиқ менамояд ва ба мо пешниҳод мекунад. Баъд аз рӯи ин чӣ қадар зарур будани масолеҳи сохтмон, дар кадом сатҳ ва чуқурӣ ва ё хок сохта шудани биноро мо, муҳандисони сохтмон, муайян месозем.
Ӯ баъди хатми Донишгоҳи политехникӣ ба шаҳри Хуҷанд ба филиали Институти лои-ҳакашӣ чун муҳандис ба кор омад ва қариб 40 сол мешавад, ки фаъолият дорад. Алҳол сармуҳандиси ҶДММ «Суғдшаҳрофар» мебошад.
Вақте пурсидам, ки чӣ сабаб шуд, ки аз оилаи шоир Аминҷон Шукӯҳӣ муҳандис-конструктор баромад, ӯ гуфт, ки ҳама хоҳарону бародарон дар интихоби касб озод будем ва падар ба хоҳиш ва майлу рағбати мо нигоҳ карда, шароит муҳайё месохт. Бо роҳи падар бародарам Карим Шукӯҳӣ рафтааст ва шеър меофарад. Алҳол дар Амрикосту ба воситаи сайти «Фейсбук» шеърҳояшро ҳам ба забони русӣ ва ҳам тоҷикӣ пешкаши хонандагон мегардонад. Шеърҳои падарро низ тарҷума мекунад. Падарам Аминҷон Шукӯҳӣ ба фанни математика шавқу ҳаваси беандоза доштанд, мисолу масъалаҳоро ҳал мекарданд. Аз хориҷа ба ман бештар аз риёзиёт китоб меоварданд. Медонистанд, ки дар илми дақиқ лаёқат дорам ва таваҷҷуҳам ба ин фанҳо бештар аст.
Ҳуҷраи кории бонуи меҳнатқарин пур аз овезаҳои расмҳои гуногуни биноҳои замонавӣ ва хуштарҳу зебо буду рӯи мизашро баробари ашъори падар китобҳои Ҳофизу Есенин ва Александр Блок оро медоданд, ки вақтҳои фароғатӣ ба мутолиаи онҳо машғул будааст.
Наслҳое, ки таълиму тарбияи хуб дида ба воя расидаанд, дар муборизаи ҳаёт ҳар монеаи пешомадаро бартараф ва ҳар навъ мушкилоти моддию маънавиро ҳал хоҳанд кард. Ба симои бузург ва матонати беназири ин зан нигариста, фикр мекунам ҳамин далелу рақамҳо кофист, ки ба нақши имрӯзаи зан дар ҷамъият баҳогузорӣ намоем, ки воқеан саҳми бонувон дар ҷомеа зина ба зина боло рафтан дорад. Рисолати аслии зани тоҷик соҳибмаърифатӣ ва пеш аз ҳама сабурии ӯст ва чун анъана меҳнатқарин буду ҳаст ва мемонад ва дар оянда низ аз ин беҳтару хубтар хоҳад гашт.

Ҷаҳонсозу ҷаҳонороӣ, эй зан,
Сутуни гунбади миноӣ, эй зан.
На танҳо қалъаи дилҳоӣ, эй зан,
Ки ҳатто қалъаи дунёӣ, эй зан.

Гулҷаҳон ТУРСУНЗОДА, «Ҷумҳурият»


Баёни ақида (0)    Санаи нашр: 8.03.2014    №: 47    Мутолиа карданд: 907

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед