logo

суханрониҳо

ИЗҲОРОТИ МАТБУОТӢ

Эмомалӣ Раҳмон, Президенти Ҷумҳурии Тоҷикистон, пас аз мулоқот бо Президенти Ҷумҳурии Исломии Афғонистон Ҳомид Карзай, Афғонистон, 26 марти соли 2014

Ҷалолатмаоби гиромӣ,
Намояндагони муҳтарами расонаҳои ҳамагонӣ,
Дӯстони азиз,
Сафари расмии кунунии мо ба рӯзҳое рост омад, ки кишвару мардуми бародари Афғонистон мизбони ҷашни байналмилалии Наврӯз мебошанд ва таҷлили ин ҷашни хуҷаста ва рӯҳангези муштаракро дар сатҳи баланд созмондиҳӣ намудаанд.
Мехоҳам Шумо, Ҷалолатмаоб, дӯстон ва тамоми мардуми бародари Афғонистонро бо Наврӯзи ҷаҳонӣ сидқан табрик гӯям ва ба ҳамагон рӯзгори наврӯзӣ орзу намоям.
Наврӯз дар суннати бостонӣ ва арзишманди мо сароғози ҳама некиҳо ва хубиҳо, созандагӣ, ободӣ ва сарсабзӣ, ниятҳо ва ормонҳои бузург аст.
Ва ин рӯҳи Наврӯз дар силсилаи мулоқоту музокирот ва муколамаи дӯстонаи мо бо Ҷалолатмаоб ҳар лаҳза эҳсос мешуд.
Меҳвари онҳо – баррасӣ ва таъйини роҳҳо ва шеваҳои густариш ва рушди ҳамаҷонибаи муносибатҳои дӯстонаи мо ва тақвияти дӯстии таърихии мардумони бародари мо буд.
Мо аз рушди босуръати ҳамкории ду кишвар, қабл аз ҳама дар арсаҳои зербиноӣ, энергетика, иқтисод, тиҷорат, маориф, фарҳанг, ҳунар ибрози ризоият намуда, зарурати истифодаи имконоти амалан номаҳдуд ва шеваҳои навину муассирро таъкид намудем.
Бо ин ҳама, дар мулоқоту музокирот таваҷҷуҳи хос ба татбиқи барномаҳои таърихӣ ва ниҳоят судовар, қабл аз ҳама хати бузурги барқи КАСА-1000, роҳи оҳани Тоҷикистон-Афғонистон-Туркманистон сурат гирифт.
Мо хоҳони талоши фаъол ва ҳадафманд дар татбиқи ин тарҳҳо мебошем, зеро онҳо на танҳо нақши транзитӣ ва стратегии кишварҳои моро, балки муносибатҳои дӯстонаи моро низ ба сатҳи сифатан нав боло хоҳанд бурд.
Мо ҷонибдори иқдомоти муассир дар таъмини Афғонистон бо барқ мебошем ва дар ин росто омодаем тамоми кумаку мусоидати имконпазирро анҷом диҳем.
Мо дар шароити хуруҷи қариб-ул-вуқӯи неруҳои Эътилофи байналмилалӣ аз Афғонистон ба тақвияти бештари равобити сохторҳои амниятӣ, марзӣ ва низомӣ, ҳамчунин сохторҳои адлӣ ва додгоҳии кишварҳоямон ба манзури посухи усулӣ ва муассир ба таҳдиду хатарҳои муштарак ва таъмини амнияту субот ва пешрафти ҳамагонӣ таъкид намудем.
Ҷумҳурии Тоҷикистон субот, амният ва пешрафти Афғонистонро омили бунёдии суботу амнияти пойдор ва пешрафти минтақа арзёбӣ менамояд. Мо хоҳони ширкати васеътар ва фаъоли Афғонистон дар ҳамкории минтақавӣ ва созмони муассир ва бонуфуз – Созмони ҳамкории Шанхай мебошем. Мо имсол раёсати ин созмонро ба дӯш дорем ва дар тақвияти нақши он мусоидати фаъол хоҳем намуд.
Ба ақидаи мо ҳамкории ҳамаҷониба ва муассири Тоҷикистону Афғонистон, саъю талоши фаъол ва ҳамоҳанги ду кишвар имкони онро муяссар месозанд, ки ҳамкории минтақавӣ густариш ёбад ва суботу амният дар минтақа тақвият гардад.
Ҳар ду ҷониб хоҳони густариши ҳамкории босамар ва дарозмуддати кишварҳои исломӣ мебошанд. Мо бар онем, ки кишварҳои дорои имконоти саршор ва ҳатто изофии молӣ метавонанд бо сармоягузорӣ дар барномаҳои бузурги зербиноӣ ва иқтисодӣ ҳам амали хайру исломӣ анҷом диҳанд ва ҳам суди бузург ба даст оранд.
Тоҷикистон ҷонибдори идома ва тавсеаи бештари кумаку мусоидатҳои ҷомеаи ҷаҳонӣ ба кишвари бародари Афғонистон мебошад.
Мо тақвияти бештар ва такмили стратегияи мубориза бо терроризмро амри ҳаётӣ барои субот ва амнияти минтақа ва ҷаҳон арзёбӣ менамоем.
Мо ҳамагон хуб огоҳ ҳастем, ки баъди чанд рӯз дар Афғонистон интихоботи Раисҷумҳури кишвар баргузор хоҳад шуд. Бо изҳори орзуи муваффақият ба ин рӯйдоди муҳиму тақдирсоз мо таъкид карданӣ ҳастем, ки сарнавишти афғонҳоро бояд худи мардуми Афғонистон муайян намояд. Орзумандем, ки ин раванд ба таҳкими ваҳдати миллӣ ва тақвияти давлатдории бародарони мо мусоидати фаъол намояд.
Мехостам таъкид намоям, ки тамоми мулоқоту музокироти мо дар фазои эътимоди комил, самимият, ҳусни ният ва созандагӣ анҷом гирифтанд. Мо роҷеъ ба ҳама мавзӯот ва масоил дидгоҳи ягона ва ё ниҳоят наздик доштем.
Мехоҳам бори дигар аз даъвати сафари расмӣ, мулоқоту музокироти басо судманд, пазироии ниҳоят дӯстонаи Ҷалолатмаоб Ҳомид Карзай ва тамоми мардуми бародари Афғонистон ибрози сипос намоям. Ман ба дурнамои неки Афғонистони бародар итминони комил дорам ва орзумандам, ки тамоми фарзандони ин хиттаи бостонӣ барои пешрафту саодати он талоши созанда ва ҳадафманди ҳаррӯзӣ намоянд.
 


Баёни ақида (0)    Санаи нашр: 28.03.2014    №: 57    Мутолиа карданд: 556

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед