logo

номаҳо

«КӮЗАИ НАВУ ОБИ ХУНУК»

Муассисаи давлатии коммуналии «Душанбенақлиётхадамотрасон» мақолаи «Кӯзаи наву оби хунук ё қарори раиси шаҳр чаро иҷро намешавад?»-ро, ки дар рӯзномаи «Ҷумҳурият» № 7 (22 312) аз 9 январи соли 2014 ба чоп расидааст, рӯзи 4 апрели соли 2014 дар ҷаласаи назоратии назди директори муассиса бо иштироки роҳбарони аввали корхонаю ҷамъиятҳои нақлиётии шаҳри Душанбе мавриди баррасӣ қарор дод.

Бояд қайд кард, ки иҷрои Қарори раиси шаҳри Душанбе № 260 аз 30 майи соли 2011 «Дар бораи ворид намудани тағйирот ба Қарори раиси шаҳри Душанбе аз 24 майи соли 2011, № 251 «Дар бораи тарифҳои ҳамлу нақли мусофир дар шаҳри Душанбе» зери назорати ҳамарӯзаи мутасаддиёни соҳаи нақлиёт қарор дорад. Ҳар рӯзи душанбе дар назди муовини соҳавии раиси шаҳри Душанбе ва рӯзи ҷумъа дар назди директори Муассисаи давлатии коммуналии «Душанбенақлиётхадамотрасон» бо иштироки роҳбарони аввали корхонаю ҷамъиятҳои нақлиётии шаҳри Душанбе ҷаласаҳо баргузор мегарданд, ки дар он проблемаҳои соҳа ҳаллу фасл мешаванд. Ҳамзамон барои қабули арзу шикояти шаҳрвандон Сомонаи иттилоотии хизматрасониҳои коммуналӣ «Мо метавонем» арзи вуҷуд дорад, ки шаҳрвандон арзу шикояти худашонро метавонанд тариқи ин сомона ирсол намоянд.
Барои шаффофияти иҷрои ин қарор дар ҳамаи воситаҳои нақлиёти мусофирбари шаҳр, ки бо ҷамъиятҳои иҷозати мусофиркашонидошта шартномаи ҳамкорӣ доранд, арзиши роҳкиро насб карда шудааст. Инчунин телефонҳои ҷамъияти хизматрасон, мақомоти назораткунанда ва мақомоти иҷроияи ҳокимияти давлатӣ дар шаҳри Душанбе насб карда шудаанд, ки шаҳрвандон метавонанд бевосита муроҷиат намоянд.
Мо борҳо тариқи воситаҳои ахбори омма ба шаҳрвандон муроҷиат кардаем, ки мақсади асосии мо хизматрасонӣ ва таъмини бехатарии мусофирон мебошад ва хоҳиш кардем, ки барои осон кардани кори ронанда роҳкиро пешакӣ тайёр карда ва хуб мешуд, ки бе бақия пардохт намоянд. Воситаи нақлиёти ҳаракаткунанда мувофиқи суръати техникӣ дар як сония аз 18 то 22 метр масофаро тай мекунад ва дар вақти ба бақия додан машғул будани ронанда ягон ҳолати нохуш рӯй доданаш аз эҳтимол дур нест.
Нақлиётчиёни пойтахт шаҳрвандони муҳтарамро барои ҳамкорӣ даъват намуда, аз он шахсоне, ки барои ислоҳи камбудиҳои ҷойдошта бо далелҳои мушаххас ҳам тариқи рӯзномаю маҷаллаҳо ва ҳам тариқи сомонаи иттилоотии хизматрасониҳои коммуналӣ - «Мо метавонем» муроҷиат менамоянд, миннатдор мебошанд. Зеро танҳо дар ҳамбастагӣ мо метавонем камбудиҳои ҷойдоштаи нақлиёти мусофиркашонии шаҳри Душанберо ислоҳ намоем.

Ф. САИДОВ,
директори Муассисаи давлатии коммуналии «Душанбенақлиётхадамотрасон»

Посухи ҳавоӣ
P.S. Хонандаи азиз, ин гуна ҷавобро дар урфият «Аз сар соқит кардан» мегӯянд. Яъне дар ин муддат аз ҷониби ин «хидматгузорони халқ» ягон кори назаррас ба анҷом нарасидааст. Ронандаҳо имрӯз ҳам беибо ва шарму ҳаё ба ягон мусофир бақия намедиҳанд. Ва парво ҳам надоранд, ки қарораш чисту онро кӣ баровардааст.
Муҳтарам Ф. Саидов ба ҷойи он, ки мусофиронро «бақияи худро, ҳаққи худро аз ронандаҳо талаб кунед», гӯяд, насиҳат мекунад, ки роҳкироро пешакӣ тайёр кунед». Ӯ гӯё намедонад, ки қариб ҳар ронанда пулчин гуфтанӣ хидматгор дорад. Ва аз ҳар мусофир роҳкиро гирифта, бақия доданро фаромӯш мекунад. Аз ҳар мусофир ҳар рӯз ҳазорҳо 20 - дирамаву 40 - дирамаи бақия ба ҷайби ронандаю пулчин меравад. Ва ин амали носавобро муҳтарам Ф. Саидов ва дигар хидматрасонҳои соҳаи нақлиёти шаҳр хуб медонанд, вале аз чист, ки пайи ислоҳи он тадбири мушаххасе намеандешанд?
Ба ин савол кӣ ҷавоб мегӯяд?


Баёни ақида (0)    Санаи нашр: 12.04.2014    №: 68    Мутолиа карданд: 680

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед