logo

маориф

ДОВТАЛАБЕ, КИ БАҲОЯШ 5/5 ШУД

Дар мактаби байналмилалии президентии ноҳияи Бохтар даври чоруми олимпиадаи ҷумҳуриявӣ аз фанҳои ҷамъиятӣ - гуманитарӣ миёни хонандагони мактабҳои миёнаи таҳсилоти умумӣ, литсей, гимназия ва мактабҳои президентӣ доир гардид.
Саноат Шокирзода, хонандаи мактаби таҳсилоти миёнаи умумии №29-и ноҳияи Мастчоҳ ва ғолиби ҷойи сеюми олимпиадаи даври вилоятӣ дар даври ниҳоии олимпиадаи ҷумҳуриявӣ бо маҳорати тафсири ашъори классикон ва бехато навиштани иншо ва истифодаи калимаву ибораҳои сабки тасаввуфӣ барандаи ҷойи аввал шуд.

Дар ин озмун 226 нафар хонанда аз фанҳои забон ва адабиёти тоҷик, забонҳои англисиву русӣ, асосҳои давлат ва ҳуқуқ, таърих донишу маҳорати худро санҷиданд.
Дар маросими ифтитоҳи олимпиада вазири маориф ва илм Нуриддин Саид, муовини вазири маориф ва илм Тоҷинисо Маҳмадова, масъулон Абдуҷаббор Алиев, Шокир Гадоев, сардорони раёсат ва мудирони маорифи шаҳру вилоятҳо, омӯзгорон ва падару модарон ширкат варзиданд.
Нуриддин Саид дар маросими шурӯи олимпиада изҳор дошт, ки мақсад аз баргузории озмунҳои фаннӣ дарёфти истеъдодҳо, тарбия ва раҳнамоии онҳост ва дар баробари пешниҳоди истеъдодҳо натиҷаи фаъолияти омӯзгоронро низ ошкор месозад.
Сипас, хонандагон бо низомнома ва шартҳои олимпиада шинос гардида, аз рӯйи фанҳо ба гурӯҳҳо тақсим шуданд.
Ҳамасола рафти озмун аз ҷониби гурӯҳи нозирони таъсиснамудаи вазорат ё омӯзгорон назорат мегардид. Имсол назорат ба дӯши донишҷӯёни донишгоҳҳо вогузор гардид, яъне ҳайати ҳакамонро касе намешинохт, на масъулин, на омӯзгорон, на волидайн ва на хонандагон. Ин иқдом ба хотири таъмини шаффофият ва риоя гардидани талаботи низомнома аз ҷониби довталабон буд. Доварон корҳои хаттиро дар ҳузури довталабон санҷида, баҳо гузоштанд.
Чун натиҷаи санҷиши иншои хонандагон аз фанҳои забон ва адабиёти тоҷик ба охир расид, раиси ҳакамон Шарифмурод Исрофилниё зикр сохт, ки дар қиёс ба солҳои қаблӣ хонандагони мактабҳо нисбат ба хонандагони литсейю гимназияҳо фаъолтар ба назар мерасанд.
-Имсол як нафар хонанда аз ноҳияи Мастчоҳ иншои ҷолиб навишт. Ин довталаб Саноат Шокирзода калимаву истилоҳ ва мафҳумҳоеро истифода кардааст, ки ҳунари корбарии онҳоро танҳо дар аҳли тасаввуф дидан мумкин аст, - иброз дошт Шарифмурод Исрофилниё.
Дар ҳақиқат, ин довталаб на танҳо дар иншонависӣ, инчунин, дар қироату тафсири шеър ҳам ба истилоҳ ҳамаро қоил кард. Ӯ ягона довталабест, ки аз иншо баҳои 5/5 гирифт.
Бо вуҷуди ин ҳама, ба хотири бовар ҳосил намудан, бо супориши бевоситаи вазири маориф ва илм Саноат дубора мавриди имтиҳони устодон қарор гирифт. Ӯ ба саволҳои устодон бе мушкилӣ посух доду байтҳои пешниҳоднамудаи онҳоро аз ашъори шоирони классику муосир ба осонӣ тафсир кард. Ин ҳам дар ҳолест, ки Саноат дар озмуни вилоятӣ сазовори ҷойи сеюм гардида буд. Воқеан, мисли ӯ кам набуданд нафароне, ки бе ишғоли ҷои сазовор (дар даври сеюм) дар озмуни ҷумҳуриявӣ пирӯз шуданд. Ин ҳолат аз чӣ бозгӯ мекунад? Беэътиноӣ? Беадолатӣ? Ва ё чизи дигар…?
Даъвогарони асосӣ бештар аз фанҳои забон ва адабиёти тоҷик ва забони англисӣ буданд. Тавре мушоҳида кардем, аз довталабон дида омӯзгорони онҳо бештар муддаӣ буданд. Ончунон ки ҳакамон бо худи омӯзгорон суолу ҷавоб мекарданд. Бо вуҷуди талошу кӯшишҳо, ҳатто даъвоҳои зиёд, касе наметавонист ба ҳадаф бирасад ё баҳои худро тағйир бидиҳад, зеро баҳои гузоштаи ҳайати ҳакамон воқеӣ ва шаффофият таъмин гардида буд.
Озмун ҷамъбаст гардид. Вазири маориф ва илм ба ғолибон мутаносибан медалҳои тилло, нуқра, биринҷӣ ва дигар туҳфаҳои хотиравии кумитаи тадорукоти озмунро тақдим намуд.
Нуриддин Саид ба масъулон дастур дод, ки ба ҳамаи иштирокдорон Ифтихорномаи Вазорати маориф ва илм, ба омӯзгороне, ки барои омода намудани хонандагон заҳмат кашидаанд, Ифтихорнома ва нишони «Аълочии маориф ва илми Ҷумҳурии Тоҷикистон» тақдим карда шавад. Ҳамчунин, зикр шуд, ки иштирокдороне, ки соҳиби ҷой нагардиданд, метавонанд дар олимпиадаҳои даставию номӣ ширкат варзанд.

Ҳарамгули ҚОДИР, «Ҷумҳурият»


Баёни ақида (0)    Санаи нашр: 6.05.2014    №: 83-84    Мутолиа карданд: 2497

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед