logo

суханрониҳо

МО БОЯД ҶОМЕАИ БОСУБОТУ ШУКУФОНИ ХАЛҚҲОИ ОСИЁРО БАРПО НАМОЕМ

Суханронии Президенти Ҷумҳурии Тоҷикистон Эмомалӣ Раҳмон дар Машварати ҳамгироӣ ва тадбирҳои боварӣ дар Осиё, шаҳри Шанхай, Ҷумҳурии Мардумии Чин, 21 майи соли 2014

Муҳтарам ҷаноби Раис,
Ҷалолатмаобон,
Хонумҳо ва ҷанобон!
Машварати мо дар давраи барои Осиё масъулиятнок ҷамъ омадааст: минтақаи васеъ, ки сарнавиштҳои таърихии халқу давлатҳо дар он зич пайвастаанд, дар манзари ситезаҷӯиҳо ва хавфу хатари нав рушди боварибахши иқтисодию маънавӣ, саъю кӯшиш баҳри тараққию пешрафти устувори муштаракро намоиш медиҳад.
Халқҳои Осиё, ки бо таърихи ғанитарини умумӣ ва гуногунии фарҳангҳои ба худ хос байни худ алоқаи канданашаванда доранд, пурра дарк менамоянд, ки роҳи сӯи сулҳу шукуфоӣ аз фароҳам овардани муҳити бехатару суботе мегузарад, ки онро дар масоҳати васеи байни се уқёнус фақат бо саъю кӯшишҳои якҷоя метавон таъмин кард.
Бо дарназардошти ин Машварати ҳамгироӣ ва тадбирҳои боварӣ дар Осиё мақоми барномаи амалиро барои мубодилаи васеъ ва ошкорои афкор дар бораи роҳҳое касб мекунад, ки сӯи таҳкими ҳамкории амалӣ ба манзури таъмини сулҳу субот, ҳамфикрӣ ва расидан ба созиши умумиосиёӣ аз рӯи масоили мубрами имрӯза мебаранд.
Шубҳае нест, ки Чини дӯст, ки дастовардҳои таъсирбахши сиёсати ислоҳот ва ошкороро намоиш медиҳад, ба таҳкими минбаъдаи ҳамкории бисёрҷониба дар Осиё ба хотири сулҳу шукуфоии муштарак ҳиссаи махсуси навоваронаи худро мегузорад.
Ҳамтоёни муҳтарам!
Тайи ду даҳсолаи баъди ба миён омадани ғояи даъвати Машварат ҷаҳон, умуман, ва Осиё, аз ҷумла, ба куллӣ тағйир ёфтанд. Аз як тараф ҷаҳонишавӣ имконияти рушди иқтисодиро фароҳам овард, аз ҷониби дигар хавфу хатар ва ситезаҷӯиҳои нав пайдо шуда, монеаи рушду шукуфоии якҷоя мегарданд.
Масоиле, ки дар як қисми қитъаи Осиё ба миён меоянд, дар қитъаи дигар равшан зоҳир мешаванд. Рушди иқтисодӣ ва суботи иҷтимоии як кишвар ба беҳдошти аҳволи мардуми давлатҳои дигари Осиё таъсири мусбат мерасонанд.
Ҳамзамон, проблемаҳои шадиди қашшоқию бекорӣ, хусусан дар байни ҷавонон, терроризми байналмилалӣ, гардиши ғайриқонунии маводи мухаддир ва ҷинояткорӣ дар сарҳад, чун пештара мавриди ташвиши умумии мо қарор доранд.
Ҳамаи ин аз баҳамвобастагии ҷудонашаванда, яъне аз масъулияти мутақобила барои сарнавишти Осиё шаҳодат медиҳад. Вазифаи умумии мо иборат аз пайдо намудани тасмимҳои судманд барои якҷоя бартараф намудани душвориҳо ва пурра истифода намудани имкониятҳоест, ки дар ҷаҳони тағйирёбандаи имрӯза дучори онҳо мешавем.
Вазъияти Афғонистон аз ҷумлаи мавзуъҳои мубрами рӯзномаи ҷаҳон аст.
Мо набояд роҳ диҳем, ки Афғонистони ҷабрдида бо мушкилоти худ якка монад.
Вазифаи умумии мо иборат аз он аст, ки бо мақоми асосии СММ халқи афғонро дар расидан ба орзую умедҳояш баҳри сулҳ ва рушду адолат ҳамоно дастгирӣ намоем. Халқи диловару боистеъдоди Афғонистон бояд ҳамраъии моро бо қувваи нав ҳис кунад ва ин ҳамраъӣ бояд бо кӯмаки дарозмӯҳлати байналмилалӣ амалӣ гардад. Мо фақат бо ҳамин шарт метавонем боз Афғонистони мустақили босуботу озод аз терроризму ҷинояткориҳои вобаста ба маводи мухаддир, Афғонистони шукуфонро бинем.
Сатҳи нави ҳамкории байни Эрон ва МАГАТЭ - ро, ки роҳи сӯи ҳалли ҳамаи масоили марбут ба барномаи ҳастаии Эронро мекушояд, бо қаноатмандии зиёд қайд менамоем.
Хонумҳо ва ҷанобони муҳтарам!
Осиё хонаи умумии мост. Ҳамаи мо хоҳони онем, ки дар хонаи умумии мо сулҳу субот ҳукмфармо бошаду тафовути сатҳи рушди иқтисодиро ҳаракат бар сӯи пешрафти умумӣ ба тартиб дарорад.
Мо бояд иқтидори Машваратамонро пурра истифода намоем, то ки дар заминаи муколамаи васеъ, саъю кӯшиши умумӣ баҳри рушди устувори иқтисодӣ ва амнияти муштарак ҷомеаи босуботу шукуфони халқҳои Осиёро барпо намоем. Вақт ва саъю кӯшишҳое, ки барои расидан ба ин мақсади олӣ лозиманд, набояд моро ба изтироб оранд.
Муҳим аст, ки ниҳодҳои ба таври судманд амалкунандаро собитқадамона тақвият бахшида, ҳамкории байниминтақавиро дар Осиё устуворона вусъат диҳем. Масалан, кооператсияи байни Созмони Ҳамкории Шанхай ва АСЕАН қудрати зиёде дорад. Ташаббуси дурандешонаи Раиси ҶМЧ Си Ҷинпин дар бораи эҳёи пурраи Роҳи бузурги хушкигарду баҳрии абрешим аз дурнамои васеи ҳамкории иқтисодӣ ва муколамаи фарҳангҳо бархурдор аст.
Ба фикрам, ибтикороти нави амалӣ ва ғояҳои наве, ки Раиси ҶМЧ зимни суханрониаш дар Машварати мо баён кард, барои ба минтақаи сулҳу субот, ҳамкории судманд ва рушди устувор табдил додани қитъамон қобили дастгирии якдилонаанд.
Ояндаи Осиё дар замони ҷаҳонишавӣ аз бисёр ҷиҳат вобаста ба худи мост. Осиё дар таърихи тамаддуни ҷаҳон борҳо муҳаррики рушди умумӣ буд. Дар рӯзҳои мо бисёр давлатҳои Осиё мисолҳои рӯҳбаландсози рушди иҷтимоию иқтисодиро намоиш медиҳанд. Мо ба таҷрибаи ғуншуда такя намуда, метавонем ва бояд роҳи бунёди Осиёи шукуфону бехатарро кушоем, ки ояндаи дурахшонро барои халқҳоямон таъмин кунад.
Ҷумҳурии Тоҷикистон омода аст, ки дар ин раванди созандагӣ фаъолона иштирок намуда, саҳми худро ба расидан ба мақсаду вазифаҳои таҳкими ҳамгироии байни Осиё дар бахшҳои ҳарбию сиёсӣ, иқтисодӣ, гуманитарӣ ва бахшҳои дигаре гузорад, ки дар ҳошияи Машварати мо мувофиқа шудаанд.
Ташаккур барои таваҷҷуҳатон.


Баёни ақида (0)    Санаи нашр: 22.05.2014    №: 96    Мутолиа карданд: 538

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед