logo

мулоқотҳо

Мулоқоти Эмомалӣ Раҳмон бо Дмитрий Медведев

24 феврал Президенти Ҷумҳурии Тоҷикистон Эмомалӣ Раҳмон бо сафари корӣ дар Федератсияи Русия қарор дошт.
Масоили ҷорӣ ва дурнамои муносибатҳои гуногунҷанбаи Тоҷикистону Русия зимни мулоқоти кории сарони ду давлат - Эмомалӣ Раҳмон ва Дмитрий Медведев дар қароргоҳи Завидовои Президенти Федератсияи Русия дар вилояти Твер баррасӣ шуданд.
Президенти Ҷумҳурии Тоҷикистон Эмомалӣ Раҳмон аз болоравии ҳаҷми мубодилаи молу маҳсулот миёни ду кишвар изҳори қаноатмандӣ карда, таъкид дошт,  ки маблағи умумии он, сарфи назар аз бӯҳрони ҷаҳонии молиявӣ, бори аввал дар зарфи 18 сол аз 1 миллиард доллари амрикоӣ гузашт. "Ин аз вуҷуди имкону захираҳои фаровони рушди ҳамкориҳои иқтисодию тиҷоратии ду кишвар гувоҳӣ медиҳад", - таъкидан изҳор дошт Сардори давлати Тоҷикистон Эмомалӣ Раҳмон.
Дмитрий Медведев бори дигар Эмомалӣ Раҳмонро даъват намуд, ки дар соли равон  ба Федератсияи Русия сафари давлатӣ анҷом диҳад ва дар ин робита изҳор дошт: "Фикр мекунам мулоқоти имрӯза омодагие хубе мешавад ба сафари давлатии Шумо ба Федератсияи Русия. Мо тамоми рӯзномаи муносибатҳои Тоҷикистону Русияро баррасӣ менамоем".
Сарони ду давлат аз он, ки ба наздикӣ  Нерӯгоҳи барқи обии "Сангтӯда-1" пурра ба кор дароварда мешавад, изҳори қаноатмандӣ карданд ва таҷрибаи дар он касбнамудаи мутахассисони ду кишварро дар сохтмони се нерӯгоҳи миёнаиқтидори дигар, ки дар Тоҷикистон бо саҳмгузории Русия бояд сохта шавад, арзишманд арзёбӣ намуданд.
Таъкид гардид, ки лоиҳаҳои гидроэнергетикии Тоҷикистон дорои аҳамияти бузурги умумиминтақавӣ мебошанд. 
Ба иҷрои қарордодҳое, ки  зимни сафари расмии Президенти Федератсияи Русия Дмитрий Медведев ба Тоҷикистон моҳи августи соли 2008 ба имзо расида буданд, таваҷҷӯҳи махсус зоҳир гардид.
Дар маркази диққат ҳамкориҳои иқтисодии Тоҷикистону Русия қарор гирифт, пеш аз ҳама дар соҳаҳои гидроэнергетика ва истихроҷи нафту газ ва маъданҳои кӯҳӣ.
Масъалаи вобаста ба ҳамкориҳои ҳарбӣ-сиёсӣ ва ҳарбӣ- техникӣ низ аз мавзӯъҳои асосии сӯҳбат буд.
Таваҷҷӯҳи зиёд ҳамчунин ба танзими муҳоҷирати меҳнатӣ ва ҳифзи ҳуқуқи шаҳрвандони Тоҷикистон дар Федератсияи Русия зоҳир карда шуд.
Ҳар ду ҷониб бори дигар ҳавасмандии худро ба ифтитоҳи филиали Донишгоҳи давлатии Маскав ва ду мактаби олии дигари Русия дар Тоҷикистон таъкид намуда, рушди ҳамкориҳоро дар соҳаҳои маориф, илму фарҳанг ва иттилоот омили муҳими таҳкими муносибатҳои анъанавии дӯстона маънидод карданд. 
Иҷрои қарорҳое, ки дар саммитҳои Созмони Аҳдномаи амнияти дастаҷамъӣ ва Ҷомеаи иқтисодии АврОсиё 4 феврали соли равон дар шаҳри Маскав қабул шуда буданд ва муҳокимаи авзои кунунии Афғонистон, рушди ҳамкориҳо дар минтақаи Осиёи Марказӣ ва ҳамчунин ҳамгироиҳои зидди терроризму экстремизм ва гардиши ғайриқонунии маводи мухаддир аз масоили мавриди таваҷҷӯҳи сарони ду давлат дар мавзӯъҳои байналмилалӣ буданд.
Шаби 24 ба 25  феврали соли равон Президенти Ҷумҳурии Тоҷикистон Эмомалӣ   Раҳмон баъди анҷоми сафари бобарори корӣ аз шаҳри Маскави Федератсияи Русия ба Ватан баргашт.


Баёни ақида (0)    Санаи нашр:    №:    Мутолиа карданд: 897
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед