logo

ҳукумат

Дар ҷаласаи Ҳукумат қариб 40 масъала баррасӣ гардид

25 феврали соли 2009 таҳти раёсати Президенти Ҷумҳурии Тоҷикистон, Раиси Ҳукумати мамлакат Эмомалӣ Раҳмон ҷаласаи навбатии Ҳукумати Ҷумҳурии Тоҷикистон баргузор гардид, ки дар он наздики 40 масъалаи муҳим баррасӣ шуд.
Нахуст ҳисоботи заминҳои мавҷуда, тақсимоти онҳо аз рӯи гурӯҳҳо, намудҳо ва заминистифодабарандагони ҷумҳурӣ дар ҳолати то 1 январи соли 2009 муҳокима ва қабул карда шуд.
Илтимосномаи Маҷлиси вакилони халқи шаҳри Ваҳдат оид ба таъсис додани шаҳраки Нӯъмон Розиқ  дастгирӣ ёфта, ба баррасии Маҷлиси миллии Маҷлиси Олии Ҷумҳурии Тоҷикистон  пешниҳод карда шуд.
Лоиҳаҳои қонунҳо оид ба ворид намудани тағйиру иловаҳо  ба қонунҳои амалкунанда "Дар бораи иҷозатномадиҳӣ ба баъзе намудҳои фаъолият", "Дар бораи ҷамъиятҳои саҳомӣ", "Дар бораи маориф", "Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ" ва пешниҳодҳои Ҳукумати Ҷумҳурии Тоҷикистон ба лоиҳаҳои ду қонуни нав  "Дар бораи чораҳои ҳифзи манфиатҳои иқтисодии Ҷумҳурии Тоҷикистон дар мавриди савдои хориҷии мол" ва "Дар бораи ҳимояи тиббию иҷтимоии шаҳрвандони мубталои диабети қанд" маъқул додиста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон фиристода шуданд.
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Яман дар бораи ҳамкориҳои иқтисодӣ ва техникию илмӣ ва ду санади дигари ҳамкорӣ дар чаҳорчӯби Иттиҳоди иқтисодии Евразия оид ба шабакаи иттилоотонӣ дар соҳаи танзими техникӣ ва чораҳои санитарию фитосанитарӣ ва дар бораи асосҳои ҳамоҳангсозии регламентҳои техникӣ тасдиқи худро ёфтанд.
Қоидаҳо оид ба тартиби барасмиятдарорӣ ва додани раводиди Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ, Барномаи давлатии экологии Ҷумҳурии Тоҷикистон барои солҳои 2009-2019, Низомномаи намунавии муассисаи таҳсилоти миёнаи касбии Ҷумҳурии Тоҷикистон, Нақшаи генералии шаҳраки Дарбанди ноҳияи Нуробод, Нақшаи тадбирҳои омодагӣ ва баргузории ҷашни 110-солагии Қаҳрамони Тоҷикистон Шириншоҳ Шоҳтемур ва Санади интихоби самти барқарорсозӣ ва сохтмони қитъаи Душанбе-Данғара ва нақби Чормағзак бо роҳҳои ба он баранда дар роҳи мошингарди Душанбе-Кӯлоб-Хоруғ-Мурғоб-Кулма- сарҳади Ҷумҳурии Мардумии Чин тасдиқ карда шуданд.
Мақсад аз қабули Қоидаҳо оид ба тартиби барасмиятдарорӣ ва додани раводиди Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ фароҳам овардани тартиби соддаи додани раводид маънидод гардид.
Қарор шуд, ки моҳи октябри соли 2009 дар Тоҷикистон Фестивал-симпозиуми байналмилалии Фалак гузаронда шавад.
Қуллаи беноми баландиаш 6230 метр, ки дар шохаи шимолу ғарби қаторкӯҳҳои Академияи илмҳо воқеъ аст, Қуллаи Озодӣ номгузорӣ шуд. Таъкид гардид, ки имсол ба он экспедитсияи байналмилалӣ бо иштироки кӯҳнавардони зиёда аз 20 кишвари ҷаҳон ташкил карда ва дар болои ин қулла Парчами давлатии Тоҷикистон чун рамзи озодию  истиқлоли давлатӣ гузошта мешавад.
Дар охири ҷаласа Президенти Ҷумҳурии Тоҷикистон Эмомалӣ Раҳмон ба роҳбарони сохторҳои дахлдор оид ба иҷрои натиҷаҳои сафари кории рӯзи 24 феврал ба Федератсияи Русия анҷомдодааш, аз ҷумла дар бораи пурра ба кор даровардани Нерӯгоҳи барқи обии "Сангтӯда-1", муайян намудани механизми сохтмони се нерӯгоҳи нави миёнаиқтидори обӣ, вусъат додани корҳои ҷустуҷӯӣ   дар конҳои газу нафт ва маъданҳои кӯҳӣ, тавсеаи ҳамкориҳои ҳарбӣ-техникӣ ва гуманитарӣ  супоришҳои мушаххас дод.
Сардори давлат Эмомалӣ Раҳмон ҳамчунин дар назди роҳбарони вазорату идораҳои дахлдор оид ба иҷрои буҷети давлатӣ, сарфакорона истифода бурдани маблағҳои буҷетӣ, ҷамъоварии маблағҳои истифодаи барқ ва гази табиӣ, танзими кори бонкҳои саҳомӣ, афзун намудани қарзҳои хурд ба соҳибкорони деҳот, оғози кишту кори баҳорӣ, бунёди ҷойҳои нави корӣ, ташкили намоишҳои ҷойҳои холии корӣ, таҷдиди роҳи мошингарди Душанбе-Данғара, сохтмони роҳи оҳани Ваҳдат-Ёвон ва доир ба дигар корҳои ободонию созандагӣ вазифаҳои мушаххас гузошт.


Баёни ақида (0)    Санаи нашр:    №:    Мутолиа карданд: 954

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД


Дар сомонаҳои дигари Тоҷикистон хонед