logo

маориф

КОМЁБИҲОИ МАКТАБИ ПРЕЗИДЕНТӢ

Ин боргоҳи маърифат ҳамагӣ чор сол боз фаъолият дошта бошад ҳам, дар тамоми манотиқи Бадахшон шуҳрати зиёдеро касб кардааст. Мактаби президентӣ барои хонандагони болаёқати шаҳри Хоруғ сохта шуда, 16 августи соли 2011 Сарвари кишвар Эмомалӣ Раҳмон дар ҷараёни сафари корӣ ба шаҳру навоҳии Вилояти Мухтори Кӯҳистони Бадахшон онро расман мавриди истифода қарор дод. Имрӯз дар ин таълимгоҳ қариб 800 нафар, аз ҷумла беш аз 300 духтар таҳсили илм доранд. Мавҷудияти хобгоҳи махсус имкон медиҳад, ки дар ин ҷо 135 нафар хонандагон аз ноҳияҳои гуногуни вилоят ба таҳсил фаро гирифта шаванд.
Мактаби президентии шаҳри Хоруғ дорои бинои замонавӣ буда, бо таҷҳизоти муосири таълимӣ муҷаҳҳаз мебошад. Дар ихтиёри омӯзгорону толибилмон 35 синфхона, 13 кабинети фаннӣ, 4 устохона, 2 синфхонаи компютерӣ, кабинетҳои лингафонӣ, таълими технологияи иттилоотии ба шабакаи интернет пайваст, озмоишгоҳҳо, толори варзишӣ ва маҷлисгоҳ барои 300 ҷойи нишаст қарор дорад.
- Ҳамаи ин шароитҳои баланди таълиму тадрис, ки Ҳукумати кишвар муҳайё намудааст, моро водор месозад, ки дар роҳи баланд бардоштани сатҳи донишомӯзӣ ва ахлоқи наврасон бештар талош варзем, - мегӯяд Арамбегим Маҳтобшоева, директори Мактаби президентӣ барои хонандагони болаёқати шаҳри Хоруғ. - Ба ин мақсад мо аз ибтидои фаъолияти муассисаи таълимӣ ба хоста гирифтани кадрҳои педагогӣ таваҷҷуҳи бештар зоҳир намудем. Зеро дар муассисаҳои таълимӣ таъминот бо кадрҳои омӯзгорӣ як омили муҳими пешрафт маҳсуб меёбад. Ҳамаи 55 нафар омӯзгорони мактаб дар асоси озмун ба кор қабул шудаанд. Ҳамзамон ба такмили маҳорати касбии омӯзгорон ва тарғиби таҷрибаи пешқадам диққати ҷиддӣ дода шуд. Бо ин мақсад дар мактаб 12 иттиҳодияи методии фаннӣ амал мекунад. Ҳамчунин дар давоми танҳо як соли таҳсил 15 нафар омӯзгорон дар курсҳои такмили ихтисос маҳорати худро сайқал доданд. Кабинети методии мактаб гӯшаи махсуси бо адабиёти таълимӣ - методӣ муҷаҳҳаз дорад, ки муаллимон, махсусан кадрҳои ҷавон аз онҳо васеъ истифода мебаранд. Гузарондани дарсҳои намунавӣ дар мактаб ба ҳукми анъана даромадааст. Ин тадбирҳо имкон доданд, ки имрӯз мактаб бо омӯзгорони баландихтисос, дорои унвони баланди касбӣ пурра таъмин бошад.
 - Истифодаи васеъ аз технологияи муосири таълим, омӯхтану мавриди истифода қарор додани таҷрибаи пешқадами ҳамкасбони ватаниву хо-риҷӣ имкон дод, ки сифати дониши толибилмон рӯз то рӯз беҳтар гардида, маҳорату малакаи донишомӯзии онҳо сайқал ёбад, - гуфт Алидод Абдолбеков, муовини директор оид ба корҳои таълимӣ. - Санҷишҳо нишон медиҳанд, ки толибилмон оид ба барномаи таълимии қисми зиёди фанҳо дониши устувор доранд. Ширкати фаъолонаи шогирдони мактаб дар олимпиадаҳо низ аз ин шаҳодат медиҳад. Мактаби президентӣ дар ин самт дар байни муассисаҳои таълимии вилоят пешсаф мебошад. Соли ҷорӣ дар олимпиадаи номии вилоятӣ 8 нафар шогирдони мо иштирок намуданд, ки аз онҳо 6 нафар соҳиби ҷойи аввал ва 2 нафари дигар ҷойи дуюм гардиданд. Дар олимпиадаи мактабҳои президентӣ бошад, 2 нафар соҳиби медалҳои тиллоиву биринҷӣ ва 7 нафар сазовори Ифтихорномаи Вазорати маориф ва илм шуданд. Як нафар аз олимпиадаи ҷумҳуриявии фанҳои табииву риёзӣ бо медали биринҷӣ баргашт.  Дар олимпиадаи ҷумҳуриявӣ оид ба фанҳои умумӣ 3 нафар толибилмони мактабамон соҳиби медали биринҷӣ гардиданд. Дар олимпиадаи байналмилалии математикони ҷавон хонандагони синфи 11 Р. Мардонова ва Н. Абдуллоева медалҳои нуқра ва биринҷӣ гирифтанд. Ҳамин тариқ, дар олимпиадаҳои сатҳҳои гуногуни фаннии се соли таҳсили охир дар пойтахти мамлакат, Туркия, Русия ва ғайра толибилмони мактаб соҳиби 17 медал, аз ҷумла 6 медали тилло гардиданд. Аз рӯи натиҷаи кори конфронси илмии ҷумҳуриявии Академияи хурди Академияи илмҳои Ҷумҳурии Тоҷикистон 2 нафар хонандагони мактаби президентӣ Аъзо - корреспонденти академия гардида, бо медали хотиравӣ қадр шуданд.
 Иштироки толибилмони мактаб дар сабқатҳои варзишӣ низ ҳар сол беҳтар мегардад. Танҳо дар соли таҳсили 2013 -2014 варзишгарони мо аз мусобиқаҳои сатҳҳои гуногун 12 медал, аз ҷумла як медали нуқра ба даст оварданд.
 - Масъалаи дигаре, ки имрӯз мавриди таваҷҷуҳи маъмурияти мактаб қарор гирифтааст, ин ободонии бинои он ва гирду атроф, ҷиҳозонидани кабинетҳои таълимӣ мебошад.- илова кард А. Маҳтобшоева.- Ба ин мақсад дар маъракаи омодагӣ ба соли таҳсили равон аз буҷети мактаб ва ёрии волидон 13 ҳазор сомонӣ сарф гардида, 11 ҳазор сомонии ҷудонамудаи мақомотҳои иҷроияи ҳокимияти давлатии вилояту шаҳр низ ба ин самт равона шуданд.
Мактаби президентӣ барои кӯдакони болаёқат дар шаҳри Хоруғ як гӯшаи зебоманзари шаҳр ба ҳисоб меравад. Ҳавлии мактаб сол то сол ба боғи дилнишине бештар шабоҳат пайдо мекунад. Танҳо дар мавсими имсолаи сабзкориву ниҳолшинонӣ дар гирду атрофи мактаб 250 бех ниҳоли арча, 300 бех дарахтони мевадиҳанда ва 300 бех гули садбаргу 2000 бех гулҳои гуногуни ороишӣ шинонда шуда, парвариш ёфта истодаанд.
Имрӯзҳо дар назди мактаб бинои нави манзили истиқоматӣ барои 20 омӯзгор қомат афрохта истодааст. Омӯзгорон умед бар он доранд, ки зимни сафари имсолаи Президенти кишвар ба Вилояти Мухтори Кӯҳистони Бадахшон ниёзмандон калиди хонаро аз дасти сарвари муаззами худ хоҳанд гирифт.

 Раҳмони ГУЛЗОР,
«Ҷумҳурият»


Баёни ақида (0)    Санаи нашр: 11.09.2014    №: 177    Мутолиа карданд: 1009

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед