logo

иҷтимоиёт

Мӯътабартарин занҳои дунё кадоманд?

Латифнимаи инсоният, ки ҳастиро зеб мебахшад,-занҳои соҳибмаърифати кордону ғаюр ба мисли Ланн Лаверти Елсененс (роҳбари нави ширкати Саноко), Гейл Келли (роҳбари бонки муқтадири австралиягии Вестпак) ё Ҷейн Мендилло (ки ишқи илм ӯро то раҳбарии яке аз бузургтарин муассисаҳои илмию молиявии ҷаҳон, бо сармояи 35 миллиард доллар, расонд) торафт бештар мардҳоро аз курсии мансабҳои олӣ тела дода, «ҷой»-ашонро мегиранд.

«Forbes»- маҷаллаи бонуфузи ҷаҳонӣ барои соли рафта рейтинги садаи мӯътабартарин занҳои дунёро ба табъ расонд.
Хидмати арзанда дар рушди иқтисоди кишвар, сиёсати ягона ва қатъии демократӣ, иродаи матин, сифатҳои зебандаи шахсият-росткорӣ ва симои дилкаш имконият додаанд Ангела Меркел-канслери федералии Олмон бори савум ва дилпурона унвони «Мӯътабартарин зани дунё»-ро соҳиб шавад.
Мақоми ифтихории баъдиро дар рейтинг Шейла Бейр-раиси ширкати федералии суғуртаи амонатпулиҳо (бонки асосии амонатии ИМА) ба даст овард, ки дар шароити бӯҳрони молиявии ҷаҳонӣ бо талош мардумро аз васвасаю воҳимаи пулӣ боздоштанист.
Индра Нуви-соҳибкорзани амрикоӣ, ки  истеҳсолу тиҷорати нӯшобаро дар ҳама гӯшаҳои ҷаҳон ба даст гирифта, дар талоши кушодани бозорҳои тиҷоратии нав  ба нав аст, сазовори ҷойи сеюм гашт.
Ангела Брели, сарвари ширкати суғуртавии Well Point (ИМА), Синтия Керролл, директори ширкати  Anglo American (Британияи Кабир), Ирен Розенфелд, директори ширкати  Kraft Foods (ИМА) сегонаи дуюми пешсафони рейтингро ташкил медиҳанд.
Дар рӯйхати 100-нафара 23 зани сиёсатмадор, 54 соҳибкор-тоҷир, боз кормандони матбуот, муассисаҳои гуногуни ғайритиҷоратӣ ҳастанд.
Сеяки садаи рейтингиро «навакҳо»-онҳое ташкил медиҳанд, ки обрӯяшон дар афзоиш аст. Онҳо ҷойи касонеро гирифтаанд, ки эътиборашон пайваста мекоҳад.
Кондолиза Райс (аслан аз боиси иҷрокунандаи «беҳис»-и супоришҳои Ҷорҷ Буш буданаш) ба ҷанҷолҳои сиёсие, аз қабили нооромсозии Покистон, пуштибонии Исроил, бадшавии муносибатҳо бо Русия ғӯтида, эътибори худро хеле паст зад. Баръакс, эътибору манзалати Ҳилларӣ Клинтон (ҳарчанд довталаби мансаби президентӣ шуда натавонист) боло рафт.
Занҳои ғайриамрикоӣ сол ба сол бештар нуфузу эътибор пайдо намуда, мавқеи амрикоиёнро тангтар месозанд, ҳарчанд ҳанӯз  ҳам амрикоизанҳо дар садаи  «Forbes»  аз ҳама зиёдтаранд. Аз Британияи Кабир панҷ зан, аз Чин чор, Фаронса, Ҳиндустон ва Ҳолланд сенафарӣ шомили рӯйхат шудаанд. Бори аввал аз кишвари Марокаш Ҳинд Буҳиа, директори генералии Биржаи захираҳои Касабланка, ба рӯйхати занҳои маъруфтарини ҷаҳон (ҷойи 29) дохил гашт.
Аз Федератсияи Русия дар рӯйхат ду кас аст: Валентина Матвиенко- губернатори Санкт- Петербург (ҷойи 31) ва Гулҷон Молдаҷонова- директори генералии ширкати «Базовый элемент» (ҷойи 37).
Президенти Аргентина Кристина Фернандес ҷойи сездаҳум, вазири иқтисоди Фаронса Кристина Лагара ҷойи чордаҳум, сарвазири Украина Юлия Тимошенко ҷойи ҳабдаҳумро соҳиб гаштанд.
Президенти ширкати «Интеко»- ҳамсари шаҳрдори Маскав Елена Батурина, ки сармояаш аз миллиард доллар боло рафта, аспсаворӣ, теннисбозӣ ва бо журналистон ҷанҷол карданро дӯст медорад, дар рӯйхати «50 зани соҳибкору тоҷири бонуфузи Русия», ки маҷаллаи «Финанс» дарҷ намуд, дар ҷойи аввал аст. Аммо барои Елена Батурина дар рӯйхати садгонаи «Forbes» ҷой ёфт нашуд.
Дар рӯйхати «Финанс» Олга Белявсева, ҳамдорои ширкати «Лебединский» бо 330 миллион доллар дар ҷойи дуюм, директори генералии ширкати «Сибир» Наталия Филева дар ҷойи сеюм ва Гулҷон Молдаҷонова дар ҷойи ҳафтум қарор доранд.
Аммо рейтингдиҳии ҳам « Forbes», ҳам «Финанс» ҷилои воқеии ҳақиқат нест. Дар баҳогузориҳо ба ҳар зан аз чанд ҷиҳат (вазифа, ҳолати шаҳрвандӣ, эътибор, сармоя баҳо медиҳанд ва бе истифодаи «мантиқи занона» ва «дарки занона» тартиб додани рейтинг ҳам мушкил аст. Агар зан шавҳардор бошад, обрӯи шавҳар дар як вақт обрӯи зан аст. Пас, ӯ бояд чӣ гуна баҳогузорӣ шаваду зане, ки шавҳараш рафта  (ё…),мисли Лариса  Сатиева, ки бо рафтани шавҳараш якбора ба сармояи азим ва ҳамдороии ширкати «Автомир» соҳиб гардидааст, чӣ тавр?
Саволҳо ва нодақиқиҳо зиёданд, аммо ҳақиқати яқин ягонаву мутлақ аст: занҳо – фариштаҳои заминӣ, аз ҳама гуна рейтингу баҳогузориҳо болотар, саодати зиндагӣ, гармию хушӣ, балки биҳишти имрӯзу фардои моанд.

Таҳияи А. Сайидвалӣ


Баёни ақида (0)    Санаи нашр:    №:    Мутолиа карданд: 360

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед