logo

президент

БЕҲСОЗИИ ФАЗОИ СОҲИБКОРӢ ПУШТИБОНӢ ХОҲАД ШУД

17 ноябр таҳти раёсати Президенти кишвар, раиси Шӯрои машваратӣ оид ба беҳсозии фазои сармоягузорӣ Эмомалӣ Раҳмон ҷаласаи чордаҳуми шӯрои мазкур баргузор гардид.

Дар ҷаласаи навбатии Шӯрои машваратӣ оид ба беҳсозии фазои сармоягузории назди Президенти Ҷумҳурии Тоҷикистон панҷ масъала: гузориш оид ба рафти иҷрои қарорҳои Шӯрои машваратии назди Президенти Ҷумҳурии Тоҷикистон доир ба беҳсозии фазои сармоягузорӣ, фаъолияти Шӯрои машваратӣ оид ба беҳсозии фазои сармоягузорӣ ва соҳибкорӣ дар вилояти Хатлон, татбиқи Барномаи дастгирии муассисаҳои сохтмонӣ оид ба беҳсозии фазои сармоягузорӣ ва соҳибкорӣ дар соҳаи сохтмон барои солҳои 2012 - 2014, муаррифии натиҷаҳои таҳлил оид ба рушди бозори такрории коғазҳои қиматнок ва биржаҳои фондӣ дар Тоҷикистон ва лоиҳаи рӯзномаи ҷаласаи ояндаи Шӯрои машваратӣ баррасӣ шуд.
Дар оғози кор раиси Шӯрои машваратӣ, Президенти кишвар Эмомалӣ Раҳмон президенти Бонки аврупоии навсозӣ ва рушд Сума Чакрабартиро дар ҷаласаи Шӯрои машваратӣ хайра мақдам гуфта, нақши бонки мазкурро дар татбиқи ислоҳоти иқтисодӣ ва лоиҳаҳои инфрасохторӣ баланд арзёбӣ намуд.
Президенти Бонки аврупоии навсозӣ ва рушд Сума Чакрабарти дар навбати худ оид ба нақши минбаъдаи бонк дар рушди иқтисодии ҷумҳурӣ ва беҳсозии фазои сармоягузориву соҳибкорӣ дар Тоҷикистон, аз ҷумла татбиқи бомароми як қатор лоиҳаҳо дар бахшҳои энергетика, молия, навсозии роҳҳо, тиҷорат ва дастгирии бахши хусусӣ ибрози андеша кард. Бо хушнудӣ тазаккур дода шуд, ки Шӯрои машваратии назди Президенти Ҷумҳурии Тоҷикистон оид ба беҳсозии фазои сармоягузорӣ бо дастгирии Бонки аврупоии навсозӣ ва рушд фаъолият дорад. Бо ёдоварӣ аз фаъолияти босамари шӯрои мазкур таъкид гардид, ки ин бонк минбаъд низ аз фаъолияти он ва ҳам ташаббусҳои дигари Тоҷикистон дар самти беҳсозии фазои соҳибкорию сармоягузорӣ пуштибонӣ хоҳад кард.
Сипас гузориши Котиби масъули Шӯро, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодири Қосим оид ба мушоҳидаҳо аз рафти иҷрои қарорҳои Шӯрои машваратӣ шунида шуд. Зикр гардид, ки қарорҳои дар ҷаласаи сездаҳуми Шӯрои машваратӣ қабулгардида ба беҳтар намудани фазои сармоягузорӣ ва соҳибкорӣ дар бахши суғурта, ташкил ва гузарондани мулоқоти Президенти Ҷумҳурии Тоҷикистон бо соҳибкорону сармоягузорон, ба анҷом расонидани расмиёти шомилшавии Тоҷикистон ба Конвенсияи Гаага, ташкили рейтинги кредитии соҳибихтиёрии Тоҷикистон дар соли равон, рушди саноат ва истеҳсолоти миллӣ равона шудаанд.
Тибқи иттилоъ лоиҳаи Нақшаи чорабиниҳои Ҳукумати Ҷумҳурии Тоҷикистон оид ба беҳсозии фазои сармоягузорӣ ва соҳибкорӣ дар бахши суғурта мукаммал ва ба баррасии Ҳукумати кишвар пешниҳод шуда, Қонуни Ҷумҳурии Тоҷикистон «Дар бораи фаъолияти суғуртавӣ» дар таҳрири нав дар ҳоли таҳияшавӣ қарор дорад.
Тазаккур гардид, ки 29 октябри соли равон Маҷлиси намояндагони Маҷлиси Олии Тоҷикистон Конвенсияи Гаага ё худ Конвенсияи Апостил оид ба бекор намудани легализатсияи ҳуҷҷатҳои расмии хориҷиро ба тасвиб расонд, ки ин барои ҷалби бештари сармояи хориҷӣ ба иқтисодиёти ҷумҳурӣ мусоидат хоҳад намуд.
Бо мақсади ташкили рейтинги кредитии соҳибихтиёрии Тоҷикистон Бонки миллии Тоҷикистон бо агентиҳои рейтингии бонуфузи ҷаҳонӣ Standard & Poor’s ва Moody’s ҳамкорӣ намуда, аз рӯи натиҷаҳои он моҳи декабри соли равон лоиҳаи хулоса ва натиҷаи минбаъдаи корӣ ҷиҳати пешниҳоди рейтинги кредитии соҳибихтиёрии Тоҷикистон манзур мегардад.
Вобаста ба мониторинги иҷрои қарорҳои шӯро ҳамчунин узви шӯро, роҳбари Намояндагии Корпоратсияи байналмилалии молиявӣ дар Тоҷикистон Кристофер Миллер ва намояндаи бахши хусусӣ дар Шӯрои машваратӣ, роҳбари Ассосиатсияи агробизнеси Тоҷикистон Шорауф Шораҳматов изҳори андеша карданд.
Роҷеъ ба масъалаи дуюми рӯзномаи ҷаласа маърӯзаи раиси Шӯрои машваратии минтақавӣ оид ба беҳсозии фазои сармоягузорӣ дар вилояти Хатлон, раиси ин вилоят Давлатшо Гулмаҳмадзода шунида шуд. Аз ҷумла зикр гардид, ки ҳоло дар вилояти Хатлон 19 лоиҳаи давлатӣ бо сармоягузории хориҷӣ амалӣ мешаванд, ки маблағи умумиашон ба 390 миллион доллари амрикоӣ мерасад. Изҳори бовар карда шуд, ки аз ҳисоби Хазинаи давлатии дастгирии соҳибкории хусусӣ низ лоиҳаҳои зиёд, хусусан дар ноҳияҳои кӯҳистон, амалӣ хоҳанд шуд.
Оид ба масъалаи сеюми рӯзномаи ҷаласа раиси Кумитаи сохтмон ва меъмории назди Ҳукумати Тоҷикистон Абдувалӣ Комилзода сухан гуфта, доир ба рафти татбиқи Барномаи дастгирии муассисаҳои сохтмонӣ оид ба беҳсозии фазои сармоягузорӣ ва соҳибкорӣ дар бахши сохтмон барои солҳои 2012 - 2014 гузориш дод.
Дар мавриди масъалаи чоруми рӯзномаи ҷаласа - натиҷаҳои фаъолияти гурӯҳи корӣ оид ба рушди бозори такрории коғазҳои қиматнок ва ташкили биржаи фондӣ, раиси Бонки миллии Тоҷикистон Абдуҷаббор Ширинов гузориш дод. Зимни гузориш, аз ҷумла, ҳисоботи гурӯҳи корӣ бо тавсияҳои мушаххас ва лоиҳаи Нақшаи чорабиниҳои Ҳукумати Ҷумҳурии Тоҷикистон оид ба рушди бозори такрории коғазҳои қиматнок ва биржаҳои фондӣ муаррифӣ карда шуд.
Доир ба ин мавзӯъ ҳамчунин роҳбари Ассосиатсияи бонкҳои Тоҷикистон Изатулло Лалбеков сухан гуфта, оид ба нақши бахши хусусӣ дар рушди бозори такрории коғазҳои қиматнок ва биржаҳои фондӣ ибрози назар намуд.
Роҷеъ ба масъалаи ниҳоии рӯзномаи ҷаласа котиби масъули Шӯро Қодири Қосим маълумот дода, барои баррасӣ дар ҷаласаи ояндаи Шӯрои машваратӣ масъалаи беҳсозии фазои сармоягузорӣ дар соҳаи кишоварзӣ ва рушди тиҷорати аграрӣ (агробизнес) дар Тоҷикистонро пешниҳод намуд, ки он аз ҷониби аъзоёни Шӯрои машваратӣ ҷонибдорӣ гардид.
Дар фарҷоми ҷаласа Президенти кишвар, раиси Шӯрои машваратӣ оид ба беҳсозии фазои сармоягузорӣ Эмомалӣ Раҳмон сухан ронда, ба вазорату идораҳо ва дигар мақомоти масъули давлатӣ вобаста ба ҳар як масъалаи дар ҷаласа баррасишуда дастуру супоришҳои дахлдор дод. Аз ҷумла супориш дода шуд, ки шӯроҳо доир ба беҳсозии фазои сармоягузорӣ дар ҳамаи шаҳру ноҳияҳо таъсис дода шаванд. Таъкид гардид, ки низоми гирифтани иҷозат барои сохтмон тариқи “Равзанаи ягона” ба роҳ монда шавад, то ки ин раванд содда гардад. Ба Бонки миллии Тоҷикистон ва дигар сохторҳои дахлдор дастур дода шуд, барои ба миён овардани заминаи меъёрӣ - ҳуқуқии бозори такрории коғазҳои қиматнок ва ба бозор пешниҳод намудани чунин коғазҳои давлатӣ чораҳои муассир андешида, амалӣ намоянд.

 


Баёни ақида (0)    Санаи нашр: 18.11.2014    №: 224    Мутолиа карданд: 12337

20.07.2018


Мулоқоти Исматулло Насредин бо Йоҳаннес Петерлик

Тоҷикистону Ӯзбекистон: хироҷи роҳ аз байн меравад

Кумитаи кор бо ҷавонон ва варзиш озмуни стипендияҳои Президенти Ҷумҳурии Тоҷикистонро эълон кард

Ҳамаи хатмкардагон бо ҷои кор таъмин мешаванд

РУСТАМИ ШОҲМУРОД: "ВОҲИДҲОИ КОРӢ НАМЕРАСАНД"

ВАКОЛАТДОР ОИД БА ҲУҚУҚИ ИНСОН. САТҲИ МАЪРИФАТИ ҲУҚУҚИИ ШАҲРВАНДОН БОЛО МЕРАВАД

ХАДАМОТИ ЗИДДИИНҲИСОРӢ. САБАБИ БОЛОРАВИИ НАРХИ СӮЗИШВОРИРО ШАРҲ ДОД

КУМИТАИ МЕЪМОРӢ ВА СОХТМОН. САНҶИШ НИШОН ДОД, КИ...

ДДТТ ДАР ҚАТОРИ ДАҲГОНАИ БЕҲТАРИН МАКТАБҲОИ ОЛӢ

НАВОБОД. ИФТИТОҲИ МАРКАЗИ ХИЗМАТРАСОНИИ БОНКӢ

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард


Дар сомонаҳои дигари Тоҷикистон хонед