logo

ҳукумат

ЭЪТИМОД БА МУТАХАССИСОНИ ҶАВОН ВА СОҲИБМАЪРИФАТ

27 феврал таҳти раёсати Президенти Ҷумҳурии Тоҷикистон, Раиси Ҳукумати кишвар Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.

Дар маҷлиси навбатӣ нахуст масъалаи кадрҳо баррасӣ шуд ва зимни он роҳбарони як қатор муассисаҳои таҳсилоти олии ҷумҳурӣ ва дигар сохторҳо иваз гардиданд.
Ҳамин тариқ, бо амру фармонҳои Президент ва қарорҳои Ҳукумати Ҷумҳурии Тоҷикистон афроди зайл ба ин мақомҳо таъ-йин шуданд:
Абдулҳаким Розиқзода - раиси муассисаи давлатии Комиссияи олии аттестатсионии назди Президенти Ҷумҳурии Тоҷикистон;
Лутфия Абдулхолиқ - ректори Донишкадаи идоракунии давлатии назди Президенти Ҷумҳурии Тоҷикистон; 
Идигул Қосимзода - ректори Донишкадаи давлатии забонҳои Тоҷикистон ба номи Сотим Улуғзода;
Сайъало Мирзоев - директори иҷроияи филиали Донишгоҳи давлатии Маскав ба номи Михаил Ломоносов дар шаҳри Душанбе;
Алидод Расулов - сардори Хадамоти давлатии назорат дар соҳаи маорифи Вазорати маориф ва илми Ҷумҳурии Тоҷикистон;
Муҳибулло Зувайдуллоев - директори муассисаи таълимии давлатии Мактаби байналмилалии президентӣ дар шаҳри Душанбе;
Исматулло Шодиев - директори муассисаи давлатии Маркази барномаҳои байналмилалии назди Президенти Ҷумҳурии Тоҷикистон;
Баҳром Исмоилов - директори Литсей - интернати президентӣ барои кӯдакони лаёқатманди Ҷумҳурии Тоҷикистон  дар шаҳри Душанбе;
Ориф Табаров - директори Муассисаи таълимии давлатии мактаби президентӣ барои хонандагони болаёқат дар ноҳияи Бохтари вилояти Хатлон;
Ҳабибулло Саъдуллоев  - директори Муассисаи давлатии рушди соҳибкорӣ дар соҳаи кишоварзӣ;
Фирдавс Усмонов – директори муассисаи давлатии Фонди дастгирии соҳибкории назди Ҳукумати Ҷумҳурии Тоҷикистон;
Сайфиддин Давлатов - сардори Раёсати илму маърифати Дастгоҳи иҷроияи Президенти Ҷумҳурии Тоҷикистон;
Фармондеҳи Қӯшунҳои дохилӣ  Хуршед Муҳаммадзода - узви ҳайати мушовараи Вазорати корҳои дохилӣ;
Мадиброн Саидзода ва Озод Юсупов аъзои ҳайати мушовараи Агентии хоҷагии ҷангали назди Ҳукумати Ҷумҳурии Тоҷикистон;
Ҳамчунин Назира Ғаффорова, Заробиддин Файзуллозода ва Сулаймон Зиёев бо розигии Президенти Ҷумҳурии Тоҷикистон муовинони раиси вилояти Суғд таъйин шуданд.
Бо мувофиқаи Президенти Ҷумҳурии Тоҷикистон ба вазифаҳои зайл таъйин гардиданд:
Ғуломқодир Бобиев – президенти Академия таҳсилоти Тоҷикистон;
Ҳакимхон Валиев - сардори Раёсати маорифи вилояти Хатлон;
Осим Каримов - сардори раёсати маорифи вилояти Суғд.
Тавре аён гардид, аксари кадрҳои ба вазифаҳои пурмасъулият таъйиншуда мутахассисони ҷавон, соҳибмаърифат, забондон ва дорои ҷаҳонбинии муосир мебошанд. Аз ҷумла, ду нафаре, ки ба вазифаи ректор дар муассисаҳои таҳсилоти олӣ таъйин шуданд, занони ҷавону фаъол ва болаёқатанд.
Хотиррасон бояд намуд, ки чунин талабот доир ба интихоб ва ҷобаҷогузории кадрҳо дар вазифаҳои роҳбарӣ дар Паёми имсолаи Президенти кишвар ба Маҷлиси Олии Ҷумҳурии Тоҷикистон ба миён гузошта шуда буд.
Сарвари давлат Эмомалӣ Раҳмон дар назди кадрҳои ба мақомҳои нав таъйиншуда вазифаҳои мушаххас гузошта, аз ҷумла таъкид намуд, ки дар мубориза бо коррупсия - ин падидаи нангини ҷомеа, ҳамеша фаъол бошанд.
Сипас раиси Кумитаи давлатии идораи замин ва геодезия дар бораи заминҳои мавҷуда, тақсимоти онҳо аз рӯйи гурӯҳҳо, намудҳо ва заминистифодабарандагони ҷумҳурӣ ба ҳолати 1 январи соли 2015 ҳисобот дод.
Тавре зикр гардид, дар 24 соли охир 109 ҳазор га замин барои қитъаҳои наздиҳавлӣ ба аҳолӣ ҷудо карда шудааст. Аз ин хотир Сарвари давлат Эмомалӣ Раҳмон дастур дод, ки заминҳои кишоварзии бо ин ва дигар сабабҳо камшуда аз ҳисоби дигар сарчашмаҳо, аз ҷумла тавассути азхуд намудани заминҳои бекорхобида барқарор ва зиёд гардиданд.
Ҳамчунин дастур дода шуд, ки барои дар майдони беш аз 600 ҳазор га бунёд намудани боғҳои ба содирот нигарондашуда заминҳои лалмии ба ин ҳадаф мувофиқ муайян карда шаванд.   
Тартиб ва меъёрҳои тарҳи ҳиссаҷудокуниҳо ба фондҳои захиравии суғуртавӣ, Барномаи рушди низоми адлия барои солҳои 2015-2020, Барномаи рушди Китобхонаи миллии Тоҷикистон барои солҳои 2015 - 2020 ва санадҳои дигари меъёрии ҳуқуқӣ тасдиқ гардид.
Ба як қатор қонунҳои амалкунанда, аз ҷумла ба қонунҳо “Дар бораи суғуртаи мутақобила”, “Дар бораи таҳсилоти миёнаи касбӣ” ва ба Кодекси мурофиаи ҳуқуқвайронкунии маъмурии Ҷумҳурии Тоҷикистон тағйиру иловаҳо маъқул дониста шуда, ба Маҷлиси намояндагони Маҷлиси Олии Ҷумҳурии Тоҷикистон пешниҳод шуд.
Дар фароварди маҷлис Сарвари давлат Эмомалӣ Раҳмон таваҷҷуҳи масъулонро ба вусъати корҳои роҳсозӣ ҷалб намуда, аз ҷумла дастур дод, ки лоиҳаҳои навсозии роҳҳои мошингарди Кӯлоб - Шӯрообод, Душанбе-Қӯрғонтеппа, Дарвоз - Ванҷ ва Обигарм - Нуробод ҳарчи зудтар таҳия ва пешниҳод шаванд. Таъкид гардид, ки  ба корҳо барои оғози навсозии роҳи мошингарди хиёбони Исмоили Сомонии пойтахт дар қитъаи аз назди пайкараи Абуалӣ ибни Сино то дарвозаи ғарбии шаҳри Душанбе суръат бахшида шавад.  
Дастуру супоришҳои мушаххас доир ба омодагӣ ба истиқболи сазовор аз Наврӯзи хуҷаста ва вусъат додани киштукори баҳорӣ ва ниҳолшинонӣ ироа гардид.
Ҳамзамон дастур дода шуд, ки фаровонии маҳсулоти озуқа дар бозори истеъмолӣ, аз ҷумла тавассути ярмарка - фурӯши маҳсулот бо нархҳои дастрас таъмин карда шавад.
Аз мардуми кишвар даъват ба амал оварда шуд, ки дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон ва мақомоти намояндагии маҳаллӣ, ки рӯзи 1-уми март баргузор мегардад, фаъолона иштирок намоянд.
 


Баёни ақида (0)    Санаи нашр: 28.02.2015    №: 43    Мутолиа карданд: 10895

22.11.2017


Мулоқоти Шукурҷон Зуҳуров ва Ҷузе Алфонсо Зегбе Камарена

Густариши ҳамкориҳо бо Ҳиндустон

Дар Рашт таҷҳизоти инноватсионии тибби фосилавӣ ба истифода дода шуд

Мусобиқоти варзишӣ ба ифтихори Рӯзи Парчами давлатӣ

Ҷоми ҷаҳонро ба Тоҷикистон меоранд

Ҷаҳон дар як сатр

Башор Асад ба Русия барои «наҷоти Сурия» изҳори сипос намуд

Небензя: «Теъдоди ҷангиёни «ДИ» дар Афғонистон ба 10 ҳазор нафар расидааст»

Земан: «Ҳамкориҳои Русия бо Чехия вусъат меёбанд»

Теъдоди аҳолии Чин ба 1,399 миллиард нафар расид

Ду ҳавопаймо тавассути интернет – музояда ба савдо рафт

NASA ба Моҳ астронавтҳоро яксола фиристоданист

21.11.2017


Муаррифии китоби «Пешвои миллат ва сиёсати забон»

Таҷлили Рӯзи Президенти Ҷумҳурии Тоҷикистон дар Қирғизистон

Ифтитоҳи бинои раёсати адлияи ВМКБ

«Шабе дур аз Ватан» дар Владикавказ намоиш дода мешавад

Ҷаҳон дар як сатр

Туркманистон аз кишварҳои амнтарини дунё эътироф гардид

Конгресси ИМА аз алоқаи Трамп бо Русия ягон далел наёфт

Ҷустуҷӯи киштии зериобии Аргентина шурӯъ шуд

Олмон ба кӯдакон бастани соатҳои «доно» - ро манъ намуд

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид


Дар сомонаҳои дигари Тоҷикистон хонед