logo

энергетика

СУҒД: ЧАРО БАРҚ ҚАТЪ МЕГАРДАД?

 Бе огоҳӣ қатъ кардани неруи барқ, пасту баландшавии шиддати он фаъолияти муътадили пойгоҳҳои обкашӣ, корхонаҳои саноатии вилояти Суғдро халалдор сохта, боиси аз кор баромадани муҳаррикҳои нодир, таҷҳизоти корхонаҳо гардид ва дар мавсими киштукори баҳорӣ ба кишоварзон душворӣ овард ва ба ташкилоту корхонаҳо зарари ҷиддии молиявӣ расонд.
Дар мақомоти иҷроияи ҳокимияти давлатии вилояти Суғд таҳти раёсати муовини аввали Сарвазири мамлакат Азим Иброҳим машварат оид ба баррасии масоили мубрами рӯз – вазъи фаъолияти пойгоҳҳои обкашӣ дар мавсими киштукори баҳорӣ, таъминот бо қувваи барқ, ҷараёни истеҳсолот дар корхонаҳои саноатӣ, бунёди корхонаҳои нав, аз ҷумла тез-тез рух додани ҳолати қатъи қувваи барқ аз ҷониби масъулони Ширкати Саҳомии Холдингии Кушодаи «Барқи тоҷик» ва Агентии беҳдошти замин ва обёрии ҷумҳурӣ баррасӣ ва таҳлил гашт.
- Дар як моҳ 16 маротиба барқ қатъ шуда, боиси шикасти қисмҳои зарурии муҳаррикӣ гардид, - мегӯяд Зарифҷон Вализода, - сардори Раёсати беҳдошти замин ва обёрӣ дар вилояти Суғд, - якбора ва ё беогоҳӣ қатъ кардани қувваи барқ ба пойгоҳҳои обкашӣ аз лиҳози техникӣ ва молиявӣ оқибатҳои гарон меоварад. Дар сурати беогоҳӣ қатъ кардани барқ миқдори зиёди оби дар лӯлаҳо мавҷуда  якбора  бозпас гашта, сабаби аз кор баромадани қисмҳои зиёди муҳаррик мегардад ва зарур меояд, ки мутахассисон дар он лаҳзаҳое, ки ба кишоварзон об зарур аст, аз паси таъмир шаванд, ки, албатта, ин вақт талаб мекунад. Соли гузашта танҳо бо ҳамин ҷурм Раёсати беҳдошти замин ва обёрии вилоят зиёда аз 1 миллиону 200 ҳазор сомонӣ зарари молиявӣ дид. Маълум аст, ки зироатҳои навоҳии Зафаробод, Ашт, Мастчоҳ, Бобоҷон Ғафуров сад дар сад ва навоҳии Ҷаббор Расулов, Конибодом, Спитамен қисман тавассути пойгоҳҳои обкашӣ обёрӣ мешаванд. Аз ин хотир дар муҳлати муайяншудаи агротехникӣ анҷом додани кишти баҳорӣ ба фаъолияти муназзами таҷҳизоти обкашӣ вобастагӣ дорад.
Роҳбарони чандин корхонаҳои саноатии вилоят низ аз муътадил таъмин нагаштани неруи барқ ва ҳолатҳои беогоҳӣ хомӯш кардани барқ изҳори нигаронӣ доштанд. Аз ҷумла Ҷамшед Каримов, директори корхонаи «Олими Каримзод», воқеъ дар ноҳияи Мастчоҳ, иброз дошт, ки хомӯшшавии ғайриинтизори барқ боиси аз кор баромадани дастгоҳҳои гаронарзиш мешаванд.
Дар ин коргоҳ низ фақат дар як моҳи охир 17 ҳолати беогоҳӣ хомӯш шудани неруи барқ мушоҳида шудааст.
Муовини аввали Сарвазири мамлакат Азим Иброҳим масъулонро ба мувофиқаи комил дар кори байниидоравӣ даъват карда, ҷиҳати ислоҳи ноҷӯриҳо дастури мушаххас дод.
Ҷовиди АШТӢ, «Ҷумҳурият»


Баёни ақида (0)    Санаи нашр: 15.05.2015    №: 101    Мутолиа карданд: 12908

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед