logo

ҳуқуқ

РОБИТАИ МАКТАБУ ОИЛА БОЯД ТАҚВИЯТ ЁБАД

Сарвари давлат дар мулоқоту вохӯриҳои хеш ба тифлони бесарпаноҳ ва аз навозиши падару модар маҳрум таваҷҷуҳи ҳамешагӣ зоҳир намуда, аҳли ҷомеаро барои дастгирии онҳо мунтазам раҳнамоӣ менамояд. Ин масъала дар Паёми имсолаи Президент низ хеле хайрхоҳонаву дилсӯзона садо дод. Мутаассифона, бархе занону мардоне, ки саробони оилаанду Худованд ба онҳо фарзандони дӯстрӯро лоиқ донистааст, ба сабаби бемаърифатӣ ва надонистани роҳҳои таълиму тарбия фарзандони худро нодуруст тарбия намуда, ба камол мерасонанд. Бештари ин гуна волидон бо мактаб алоқаи зич надоранд. Аз болои фарзандони хеш назорат намебаранд. Як қисми волидон ин бори вазнинро ҳамеша ба дӯши омӯзгорони таълимгоҳҳо мепартоянд. Ҳол он ки Қонуни Ҷумҳурии Тоҷикистон «Дар бораи масъулияти падару модарон дар таълиму тарбияи фарзанд» ҳанӯз аз моҳи июни соли 2011 мавриди амал қарор дорад ва риояи он аз тарафи ҳам падару модарон ва ҳам омӯзгорону шогирдон шарт аст. Масалан, дар банди якуми моддаи 15 - и қонуни мазкур омадааст: «Дар ҳолати иҷро накардан ва ё ба тариқи дахлдор иҷро накардани уҳдадориҳои вобаста ба таълиму тарбияи фарзанд, ки дар ин қонун ва дигар санадҳои меъёрии ҳуқуқии Ҷумҳурии Тоҷикистон пешбинӣ шудаанд, падару модар ва омӯзгор тибқи қонунгузории Ҷумҳурии Тоҷикистон ба ҷавобгарӣ кашида мешаванд».
Мутаассифона, баъзе падару модарон бехабаранд, ки ҳеҷ гоҳ мактабу кӯдакистон меҳру муҳаббати волидайнро иваз карда наметавонад. Бар замми ин, бархе аз онҳо дарк намекунанд, ки чаро фарзандашон гапнодаро, коргурез ва бадмаст ё сигоркаш шудааст. Дар ин хусус беэътиноии мактабу маориф ва таъсири бади кинофилму муҳитро дар тарбия баҳона мекунанд.
Дастурҳои нахустини ҳаёт-ро кӯдак дар оила мегирад. Ба ақидаи мутахассисон тайи солҳои охир ҷомеаи моро на танҳо хавфи буҳрони иқтисодӣ, балки буҳрони маънавӣ низ таҳдид мекунад. Ин буҳрон ба он далолат мекунад, ки байни мактабу оила робита мустаҳкам нест.
Оила мактабест, ки бо махсусиятҳои хеш дар парвариши ақлонию зеҳнӣ ва ҷисмонии мо нақши муҳимро мебозад. Бинобар ин, баҳри мустаҳкам намудани муносибати мактабу оила аз ҳама гуна имконот бояд истифода бурд, то таълиму тарбия натиҷаҳои мусбат ба бор оранд.
Бо тавлиди нахустфарзанд мафҳуми оила зуҳур мекунад. Дар баробари ин, моро як навъ ҳушдор медиҳад, ки дар пойдору бобақо мондани он ба саҳлангорӣ роҳ надиҳем. Бояд, ки ҳама аъзои оила мавқеи хешро дар он муайян карда бошанд, дар афзудани буҷети он саҳми боризе гузошта тавонанд. Ҳамин ки ҳамдигарфаҳмиву мусолиҳа байни калонсолони оила ба вуқӯъ пайваста, робитаи волидайн бо мактаб тақвият меёбад, фарзандон аҳамияти таълим ва тарбияро дар оила ва мактаб амиқ дарк менамоянд, ҷомеа рушд намуда, барои расидан ба ҳадафҳои рушди ҳазорсола ноил мегардем.

Зиннатгул САФАРОВА,
мудири шуъбаи
Раёсати асноди ҳолати шаҳрвандии
Вазорати адлияи Ҷумҳурии Тоҷикистон дар вилояти Хатлон


Баёни ақида (0)    Санаи нашр: 23.05.2015    №: 107    Мутолиа карданд: 926

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед