logo

маориф

ИҚДОМИ ШОИСТАИ РАИСИ ШАҲР

Солҳост, ки пулситонӣ аз хонандагон дар мактабҳои таҳсилоти миёнаи умумии шаҳри Душанбе як амали нонавиштае шудааст. Аз ин «маърака», ки аз оғози таҳсил то интиҳои он идома меёбад, ғайр аз чанд хонандаи ятиму камбизоат дигар ҳама маблағи пешбинишударо бояд супоранд. Синфҳо табақабандӣ шуда, пардохти маблағ аз ҷониби мудирони дабистонҳо аз 20 то 50 – 60 сомонӣ муайян гардидааст. Ҳоло ин оғози кор аст. Ғайр аз ин ороиши синф бо пардаю либосовезаку гулу гулдону ҳаққи фаррошу посбонҳо ва ҳақу ҳуқуқҳои дигар низ бар зиммаи волидайни хонандаҳост. Яъне волидайн аз мактаб гӯиё қарздоранд ва бояд онро ҳар моҳ пардохт намоянд. Акнун тасаввур кунед, ки хонавода ду-се ва ё аз ин зиёд мактабхон дорад. Агар волидайн соҳибкор, бозоршин ва ё маошу даромади хуб дошта бошад, дарди бахайр аст. Агар не, чӣ кор кунад? Хулоса маблағҳои ҷамъугиршуда ба дасти сарвари мактаб мерасад ва ҳақ ба ҳақдор расидагӣ барин касе истифодаи мақсадноки онро пайгирӣ наменамояд. Пайгирӣ ҳам намоӣ, чизеро исбот карда наметавонӣ. Чунки на рӯйхат ҳасту на имзои волидон. Солҳост, ки ин ришваситонӣ чун оина рушан аст, аммо сохтори давлатие барои аз байн бурдани он чорае намеандешад. Ҳама даст болои даст интизори амру фармонеанд, ки шояд аз болои дастуре содир гардад. Муддатҳост, ки волидон аз ин амали носавоб дар мактабҳо шикваю норозигӣ доранд, аммо масъулони соҳа онро инкор мекунанд.
Маҳмадсаид Убайдуллоев, раиси шаҳри Душанбе, оқибати ин мушкилоти сардаргиреҳу сардаргумро эҳсос намуда, 18 апрели соли равон дар маросими бахшида ба «Рӯзи пойтахт» дар Муассисаи давлатии «Душанбе – Плаза» ба ҳозирин гуфт: «То вақте дар вазифа ҳастаму зинда ҳастам, Худо насиб накунад, оянда надорад он роҳбари мактабе, ки аз хонандагон пул меситонад. Ҳатто аз мактаби таърифии рақами як сар карда. Ҳоли ҳозир омӯзгорони пойтахт ҳадди ақал 800 – 1000 сомонӣ маош мегиранд, ки агарчи зиёд ҳам нест, аммо бад ҳам нест. Дигаргунии эволютсионӣ дар мафкураи ҳар як сокини пойтахт бояд ҷой дошта бошад. Мардум, ки аз мо хизматҳои сифатнокро интизоранд, Худо насиб гардонад, иҷро мекунем».
Ин иқдому таъкиди қатъии раиси шаҳр табъи дили волидони хонандаҳо шуд. Агар иҷроиши он ҷиддан сурат гирад, ҳар хонадони пойтахт аз як мушкилӣ раҳо шуда, асабашон оромиш меёбад. Дигар нидои фарзандон, ки: «муаллим гуфт пули мактаба биёр» дар гӯшҳояш чун хор намехалад. Албатта, дар ин миён маззахӯракшудаҳо як муддат «сардард» мешаванд, вале ин дард муваққатист, мегузарад.
Ришва то имрӯз ба маънои куллаш касеро хушбахт накардааст. Карда бошад ҳам муваққатан. Аммо аз меҳнати худ пули ҳалол ба каф овардан чизи дигар аст. Аз касе қарздору муттаҳам нестиву хобат бароҳат аст, виҷдонат ҳам азоб намедиҳад. Хоса барои омӯзгор, ки вазифаи касбиаш нуру зиё бахшидани кошонаи тори маърифати шогирдон аст. Омӯзгор бояд таҷассумгари кулли хислатҳои ҳамидаи инсонӣ ва барои шогирдон намунаи ибрат, пайравию ифтихор бошад.
Худо кунад, чунин бошад ва пулситонӣ на танҳо дар пойтахти мамлакат, балки дар кулли мактаби ҷумҳурӣ дар ҳар шакли будааш аз беху бунёдаш решакан гардад.

У. МУРОД,«Ҷумҳурият» 


Баёни ақида (0)    Санаи нашр: 26.05.2015    №: 108    Мутолиа карданд: 1103
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед