logo

ҳуқуқ

ИЗҲОРОТИ ПРОКУРАТУРАИ ГЕНЕРАЛИИ ТОҶИКИСТОН

Бинобар дар воситаҳои ахбори омма паҳн гардидани маълумоти пурихтилоф нисбат ба собиқ корманди ВКД Ҷумҳурии Тоҷикистон Ҳалимов Гулмурод Прокуратураи генералии Ҷумҳурии Тоҷикистон 3 июни соли 2015 чунин иттилоъ додааст:
28 майи соли 2015 аз ҷониби Прокуратураи генералии Ҷумҳурии Тоҷикистон нисбат ба Ҳалимов Гулмурод Салимович бо моддаҳои 305 (хиёнат ба давлат), 187 қисми 2 (иштирок дар иттиҳоди ҷиноятӣ) ва 4011 (иштирок дар задухӯрдҳои мусаллаҳона ё амалиёти ҷангӣ дар дигар давлатҳо) - и Кодекси ҷиноятии Ҷумҳурии Тоҷикистон парвандаи ҷиноятӣ боз шуд. Худи ҳамон рӯз нисбат ба Г. С. Ҳалимов бо иҷозати суд чораи пешгирӣ дар намуди ҳабс ба таври ғоибона татбиқ гардида,  номбурда мавриди кофтукови байналмилалӣ қарор гирифт.
Маълумоти дар воситаҳои ахбори омма паҳнгардида оид ба он ки гӯё маҳз барои баррасии қазияи Г. Ҳалимов Ситоди махсуси муштараки мақомоти ҳифзи ҳуқуқи Ҷумҳурии Тоҷикистон  созмон  дода  шудааст,  воқеият надорад. Ситоди муштараке, ки айни ҳол фаъолият дорад, ҳанӯз аввали моҳи апрели соли ҷорӣ аз ҳисоби кормандони Прокуратураи генералӣ, ВКД ва КДАМ Ҷумҳурии Тоҷикистон бо мақсади таҳти роҳбарии як ниҳод мутамарказ гардонидани таҳқиқу тафтиши ҳолатҳои иштироки шаҳрвандони Тоҷикистон дар задухӯрдҳои мусаллаҳона ё амалиёти ҷангӣ дар дигар давлатҳо созмон дода шудааст. Роҳбарии тафтиши парвандаи ҷиноятӣ нисбат ба Г. С. Ҳалимовро низ ситоди мазкур ба зимма дорад.
Тафтиш муайян намуд, ки Г. Ҳалимов даст ба хиёнат ба давлат ва савганди афсари милитсияи тоҷик зада, аҳли оила ва фарзандони ноболиғи худро бесаробон гузошта, ба ташкилоти байналмилалии террористии ба ном «Давлати исломӣ», ки ягон умумият бо арзишҳои дини ислом надорад ва ҷиноятҳои даҳшатовари содиркардааш ба амнияти байналмилалӣ ва ҳуқуқу озодиҳои инсон таҳдид мекунанд, пайвастааст.
Айни замон Г. Ҳалимов бар ивази маблағҳои ба ӯ пардохта Ватанашро сиёҳ мекунад ва дар намоиши видеоии сохташуда, ки ҳадафи он тавсифи «Давлати исломӣ» ва сафедкунии ҷиноятҳои даҳшатноки содиркардаи намояндагони он ба воситаи Интернет мебошад, ба сифати «актёр» нақш мебозад. Шубҳае нест, ки Г. Ҳалимовро ба монанди дигар хиёнаткорон тақдири бешарафона интизор аст.
Хабарҳои дар баъзе воситаҳои ахбори омма паҳнгардида оид ба он, ки гӯё бархе аз ҳамхизматон низ бо Г. Ҳалимов  Тоҷикистонро тарк карда, ба «Давлати исломӣ» пайвастаанд, ягон воқеият надоранд. Баръакс, тамоми ҳамкасбони собиқ  кирдори нанговари ӯро қатъиян маҳкум намуданд.

 


Баёни ақида (0)    Санаи нашр: 4.06.2015    №: 115    Мутолиа карданд: 732

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед