logo

ҳуқуқ

БАҲСИ ҲУҚУҚУ ОЗОДӢ ВА УҲДАДОРИҲОИ ҲАРБӢ

Мавзӯи ҷалби ҷавонон ба сафи Қувваҳои Мусаллаҳи Ҷумҳурии Тоҷикистон аз масъалаҳоест, ки пайваста дар меҳвари гуфтугӯву баҳсҳо қарор мегирад. Вале мушоҳида мешавад, ки таҳлилу баррасиҳо атрофи ин мавзӯъ бештар дар ду мавсими даъват ба миён омада ва боз муддате фаромӯш мегардад.

Тавре хонандагон иттилоъ доранд, нақшаи даъвати ҷавонон ба Артиши миллӣ дар мавсими гузашта (апрел - май) пеш аз муҳлат ба иҷро расид. Ин дар ҳолест, ки сифати беҳтар касб кардани ҷалби ҷавонон ба хидмати ҳарбӣ ва иҷрои нақшаи даъват пеш аз муҳлат сол ба сол ба маҷрои нав ворид мешавад. Аммо бо вуҷуди пешрафтҳои чашмрас дар ин самт камбудиҳо низ ҳастанд. Ҳанӯз оид ба саркашии ҷавонон ва ё василаи маҷбуран ҷалб намудани онҳо ба хизмати ҳарбӣ, бесалоҳиятӣ дар кори комиссияҳои тиббӣ гузориш мешавад, ки масъулони Раёсати ташкил ва сафарбарии Ситоди генералии Қувваҳои мусаллаҳ дар суҳбат бо «Ҷумҳурият» борҳо ба ин нукта ишора карда буданд.
Равзанаи бурунрафт аз ин мушкилро коршиносон дар он мебинанд, ки бояд робитаи доимии ниҳодҳои марбутаи давлатӣ бо мактабу маориф, зерсохторҳои Кумитаи ҷавонон, варзиш ва сайёҳӣ ба роҳ монда шавад. Дар ин сурат талошҳо оид ба тарбияи маънавӣ ва ҳарбию ватанпарастии ҷавонон натиҷаовар хоҳад буд.
Дар ин робита, мақомоти иҷроияи маҳаллии ҳокимияти давлатии ноҳияи Фирдавсии шаҳри Душанбе ҷиҳати баланд бардоштани маърифати ҳуқуқии шаҳрвандон, сифати таълиму тарбия, сатҳи худшиносиву худогоҳии миллӣ ва тарғиби ғояҳои ватандӯстӣ тадбирҳои судманд меандешад. Дар ҳамоиши навбатие, ки таҳти унвони «Инсон, ҳуқуқ ва озодиҳои он» Ваколатдор оид ба ҳуқуқи инсон, намояндагони мақомоти иҷроия,  ҳифзи ҳуқуқ, ҷамоатҳо, рӯҳониён ва ҷомеаи шаҳрвандӣ татбиқи бандҳои алоҳидаи қарори шӯрои ноҳиявиро мавриди назар қарор доданд, ки баланд бардоштани маърифати ҳуқуқии шаҳрвандон, тарбияи ҳарбӣ - ватандӯстӣ ва шеваҳои ҷалби ҷавонон ба Артиши миллӣ мавзӯи меҳварӣ буд.
Ҷамшед Табаров, раиси ноҳияи Фирдавсӣ, дар оғози ҷаласа изҳор дошт, ки Низомномаи «Шӯрои ноҳиявии мутобиқсозию методӣ оид ба таълим ва тарбияи ҳуқуқии шаҳрвандон» бо қарори Шӯрои ҷумҳуриявии мутобиқсозию методӣ оид ба таълим ва тарбияи ҳуқуқии шаҳрвандони Ҷумҳурии Тоҷикистон дар назди Вазорати адлия таҳти №1, аз 25 июни соли 2013, тасдиқ шудааст. Ба гуфтаи ӯ, баланд бардоштани сатҳи донишҳои ҳуқуқӣ, ташаккули ҳисси масъулиятшиносӣ, ватандӯстӣ, эҳтиром ба Конститутсия ва қонунҳои амалкунандаи Ҷумҳурии Тоҷикистон, дарк намудани ягонагии ҳуқуқ, озодӣ ва вазифаҳои асосии инсон ва шаҳрванд, таъмини фаъолияти сиёсии аҳолӣ аз ҳадафҳои аслии ҷаласаҳои шӯро ба ҳисоб мераванд.
Раиси ноҳия хотирнишон кард, ки ҳуқуқу озодиҳои инсон дар Тоҷикистон арзиши олӣ эътироф  шуда, шинохти тамоми арзишҳои дигарро дар доираи манфиат ва манзалати он имконпазир мегардонад, ҳеҷ як манфиат, неъмат ва дороӣ аз инсон ва ҳуқуқу озодиҳои ӯ боло буда наметавонад. Ҳама чиз дар давлат ва ҷомеа барои қонеъ гардондани талаботи инсон равона шудааст.  Ҳамчунин Ҷамшед Табаров гуфт, ки таъмини риоя ва бевосита амалӣ шудани ҳуқуқу озодиҳои инсон ва ҳифз намудани онҳо маънои онро надоранд, ки дар ҳеҷ як маврид онҳо маҳдуд карда намешаванд. «Конститутсия ва қонунҳо ҳолатҳои истисноиро пешбинӣ ва муайян кардаанд, ки дар сурати мавҷудияти онҳо давлат метавонад ҳуқуқу озодиҳои шахси алоҳида ё гурӯҳи алоҳидаи шаҳрвандонро маҳдуд намояд».
Зариф Ализода, Ваколатдор оид ба ҳуқуқи инсон дар ин ҳамоиш таъкид намуд, ки агар мо дар роҳи татбиқи босамари «Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2009-2019» муваффақ  шавем, ба пешрафтҳои чашмрасе ноил хоҳем шуд. Ин барнома, ки бо Қарори Ҳукумати Ҷумҳурии Тоҷикистон, аз 29 апрели соли 2009, таҳти № 253 тасдиқ шудааст, метавонад шуур ё маърифати ҳуқуқии аҳолиро тақвият бахшад. Маълум шуд, ки надоштани донишҳои умумии ҳуқуқӣ ва нокифоя будани сатҳи маърифати ҳуқуқӣ мушкилотеро дар пай доштааст. Чунончи, соли 2014 ба унвонии Ваколатдор оид ба ҳуқуқи инсон дар Ҷумҳурии Тоҷикистон 3 ҳазору 252 муроҷиат ворид шудааст, ки ба гуфтаи Зариф Ализода 65 дарсади онҳо ба ин ниҳод дахл надорад. - Ин аз надонистани тартиби муроҷиат, ҳаллу баррасии мушкилоти пешомада аст. Аз ин рӯ, баланд бардоштани маърифати ҳуқуқии шаҳрвандони мо бисёр зарур аст, - гуфт Зариф Ализода.
Дар ҷараёни ҷаласа масъалаи тайёр намудани ҷавонон ба хизмати ҳарбӣ, вазъи корҳои тайёрии ҳарбию ватандӯстӣ дар байни ҷавонон, аз ҷумла дар муассисаҳои таълимии таҳсилоти миёнаи умумии ноҳия мавриди баҳс қарор гирифт. Дар ин робита, Обид Усмонов, комиссари ҳарбии ноҳия, гузориш дода, аз ҳамоҳангии сохторҳои марбута ҷиҳати омодасозии ҷавонон ба хизмати ҳарбӣ ва ҷалби онҳо ба сафи Қувваҳои Мусаллаҳи кишвар истиқбол кард.
Мудири маорифи ноҳия Раҳмоналӣ Табаров нахуст соатҳои барои таълими тайёрии ҳарбӣ ҷудошударо, ки дар ҳафта як соат аст, нокифоя хонд. Гуфт, ки ҳарчанд дар 18 мактаби ноҳия 18 нафар омӯзгори фанни тайёрии ҳарбӣ машғули таълиманд, аммо на ҳамаи онҳо тахассуси низомӣ доранд: «Аксарияти мактабҳо бо синфхонаҳои махсусгардондашуда ва аслиҳаи барои омӯзиш пешбинишуда таъмин нестанд ва борҳо ба вазоратҳои маориф ва илм, мудофиа муроҷиат кардем, аммо ин мушкил роҳи ҳалли худро пайдо накард».
Зикр шуд, ки феълан дар Комиссариати ҳарбии ноҳияи Фирдавсӣ 13 ҳазору 171 нафар ҷавон ҳамчун афроди қобили хизмат (даъватшаванда) сабти ном шудаанд. Вале, бо вуҷуди корҳои фаҳмондадиҳӣ ва робитаи доимӣ бо ҷомеа, мактабу маориф иҷрои нақша ё ҷалби ҷавонон ба сафи Қувваҳои Мусаллаҳ дар ноҳия, ки беш аз 150 нафарро дар мавсими гузашта ташкил додааст, бе мушкилӣ муяссар намешавад.
Аз баҳсу баррасиҳо маълум гардид, ки ҳанӯз ба иллати паст будани масъулияти шаҳрвандӣ, эҳсоси худшиносиву ватанпарастӣ майли ҷавонон ба хизмати ҳарбӣ камранг аст. Аз сӯи дигар, омилҳои иқтисодиву иҷтимоӣ, муҳоҷирати корӣ низ яке аз сабабҳое дониста мешаванд, ки ҷалби бомароми ҷавонон ба артишро халалдор месозанд.

Фирӯзи РАҲМОНИЁН, «Ҷумҳурият»     


Баёни ақида (0)    Санаи нашр: 6.06.2015    №: 117    Мутолиа карданд: 921
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед