logo

маориф

ТАЛОШИ УСТОДОН БЕСАМАР НЕСТ

Машғулияти пайваста  ва дастгирию рӯҳнавозӣ яке аз усулҳои муҳими касби омӯзгорист. Он ҷойе ки талош ҳаст, самар дар пайи дорад. Ин аст, ки дар пешрафти шогирдоне, ки ғолиби озмунҳои байналмилалӣ ва ҷумҳурӣ мегарданд, талоши устодон ва роҳбарияти мактаб андак нест. Мисоли ин гуфтаҳоро метавонем аз талошҳои омӯзгорони литсей - интернати президентии шаҳри Душанбе намуна орем. 11 нафар  хонандагони  литсей- интернати президентии шаҳри  Душанбе узви вобастаи  Академияи  хурди  илмҳо  шуданд. Хонандагон доир ба мавзӯъҳои  «Бемории ВИЧ - СПИД», «Саломатӣ дар баландкӯҳ», «Тамокукашӣ  ва  зарари он», «Ғадуди сипаршакл», «Хӯрдашавии дандон», «Нашъамандӣ - вабои  аср»  корҳои  илмӣ ҳимоя карда,  дипломи дараҷаи 1 - уми Академияи хурди  илмҳоро  ноил шудаанд.
Баҳром Исмоилзода, директори литсей - интернати мазкур, мегӯяд, ки шогирдон дар чанд ҷабҳаи илмӣ фаъоланд. Аз ҷумла  иштироки Меҳрон  Нуралиев, хонандаи синфи 7 дар конфронси сатҳи ҷаҳонӣ  ҳамроҳ бо  Сарвари давлат  дар Кореяи Ҷанубӣ  ва бо забони анлгисӣ муаррифӣ кардани кори илмиаш дар мавзӯи  об яке аз ин дастовардҳо мебошад.
- Талош дорем, ки омӯзиши барномаҳои равоншиносиро ба роҳ монем, зеро маҳз набудани заминаҳои маърифати равоншиносӣ дар мактабҳо боиси ба ҷиноят даст задани хонандагон мегардад. Талош бояд кард, ки ба  шогирдон машварати равонӣ дода шавад. Тасмими дигари мо ба роҳ мондани ҳамкорӣ байни литсей - интернатҳо мебошад. Мо литсей - интернати шаҳри Турсунзодаро шарик интихоб кардем,- зикр кард Баҳром Исмоилзода.
Дар муассисаи мазкур 1009 хонанда ба таълим фаро гирифта шудааст. Таълим бо забони русӣ ва тоҷикӣ ҷараён дорад. Зимнан муассиса яке аз муассисаҳои муваффақ мебошад. Ғолиби озмунҳои сатҳи байналмилалист. Соли ҷорӣ шогирдони мактаб дар озмуни байналмилалӣ дар Қазоқистон ҷойи дувумро  ноил шуданд.
Қурбон Қурбонов, муовини директор оид ба корҳои таълим, мегӯяд, ки шогирдон талош доранд бо таври инфиродӣ дар озмунҳои байналмилалии  шабакавӣ  иштирок кунанд:
- Ба шогирдон оид ба озмунҳои сомонавӣ иттилоъ медиҳем. Аллакай чанд нафар бо таври инфиродӣ дар ин озмунҳо ба қайд гирифта шуданд ва довталаб ҳастанд.
Роҳбарияти литсей мегӯянд, ки талоши дигари онҳо бо тариқи тестӣ ба роҳ мондани санҷишҳои шогирдон мебошанд. -  Ин иқдом аз як тараф шаффофияти санҷишҳоро фароҳам орад, паҳлуи дигар дастрасии шогирдонро бо фановариҳои замон қуллай мегардонад. Зеро дар замони муосир довталабӣ ва таҳсил тавассути интернет низ ба роҳ монда шудааст,- мегӯяд  Баҳром  Исмоилзода.
Вақте ин гузориш таҳия мешуд, Сироҷиддин Сироҷов, хонандаи литсейи мазкур аз Озмуни байналмилалии шаҳри Маскав бо нишондиҳандаи беҳтарин баргашт.
Нуктаи ҷолибе, ки дар фаъолияти литсей таваҷҷуҳи моро ҷалб кард, назорати навории ҳар як синф мебошад, ки имкон медиҳад, фаъолияти омӯзгор ва хонанда шаффоф бошад. Бахусус дар шароите, ки аксари волидайн аз сифати таълим изҳори нигаронӣ мекунанд, ки гӯиё на ҳама омӯзгор шуда метавонад. Роҳбарияти мактаб ҳар рӯз баъди ба охир расидани соати дарсӣ аз рӯйи сабт дарсҳоро таҳлил мекунанд. Назорати навории синфхонаҳо омӯзгорро дар иҷрои вазифааш масъулиятшинос мегардонад, тартиботро ба низом меоварад. Нуктаи дигар ҷалби шогирдон ба дарси иловагӣ ва машғулиятҳост, ки мунтазам ба роҳ монда шудааст.

Ҳарамгули ҚОДИР,
«Ҷумҳурият»


Баёни ақида (0)    Санаи нашр: 19.06.2015    №: 126    Мутолиа карданд: 845

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед