logo

маориф

КИТОБҲОИ ДАРСӢ БА ТАКМИЛ НИЁЗ ДОРАНД

Вазорати маориф ва илми кишвар тасмим гирифтааст, ки оид ба таҳияи китобҳои дарсии ҷавобгӯ ба талаботи замон бо муаллифон ва омӯзгорони мактабҳои таҳсилоти миёнаи умумӣ муҳовара доир намуда, баъди омӯзиши афкори умум дар ин бахш таълифи китобҳои дарсиро ба роҳ монад. Муҳовараи нахустин дар вилояти Суғд баргузор гардид, ки он камбудиҳои ҷиддии баъзе китобҳои дарсиро дар ҳузури муаллифон мавриди баррасӣ қарор дод.
Дар нахустин  вохӯрии омӯзгорони фаъоли шаҳру ноҳияҳои вилоят бо муаллифони китобҳои дарсии «экология», «биология» ва «табиатшиносӣ», ки дар Муассисаи таълимии давлатии махсусгардонидашудаи хонандагони болаёқати Ҷамоати деҳоти Хистеварзи ноҳияи Бобоҷон Ғафуров баргузор шуд, Р. Мирбобоев, муовини аввали вазири маориф ва илм, О. Каримзода, сардори Раёсати маорифи вилояти Суғд, Ғ. Бобиев,  президенти Академияи таҳсилоти Тоҷикистон, К. Исоев, директори Маркази таҳия, нашр ва муомилоти китобҳои дарсӣ, илмию методӣ ва М. Савлатов, А. Давлатов, Т. Сатторзода, муаллифон ширкат намуданд.
Раҳматулло Мирбобоев иброз дошт, ки “имрӯз зарурати таҳияи китобҳои дарсии ба замони муосир мувофиқ ба миён омадааст. Вохӯрии муаллифони китобҳои дарсӣ бо омӯзгорони фаъоли вилояти Суғд имкон медиҳад, ки омӯзгорон доир ба мушкилоти тадриси фанҳои таълимӣ  бо муаллифон суҳбати рӯ ба рӯ дошта бошанд. Мақсаду маром ва рисолати ҳар яки мо дар сатҳи баланд, дар рӯҳияи ватандӯстию хештаншиносӣ тарбия намудани насли наврас аст”.
Ғ. Бобиев, президенти Академияи таҳсилоти Тоҷикистон, аз тасмими Вазорати маориф ва илм оид ба таҳияи барномаҳои таълим ва китобҳои дарсии “насли нав” иттилоъ дод.  Бино ба гуфтаи ӯ айни замон таҳияи барномаҳои таълимӣ дар арафаи анҷомёбист ва таълифи китобҳои дарсӣ бо диди наву мувофиқ ба таҳсилоти замони муосир шурӯъ мегардад.  Бинобар тағйир ёфтани нақшаи таълимӣ барои муассисаҳои таҳсилоти миёнаи умумӣ зарурати таълиф ва такмили китобҳои дарсӣ ба 68 фанни таълимӣ ба миён омадааст. Барои хонандагони муассисаҳои таълимоташон бо забони давлатӣ таълиф ё такмили 25 китоби дарсӣ, барои хонандагони муассисаҳои таълимоташон бо забони русӣ 32 китоби дарсӣ ва барои хонандагони муассисаҳои таълимоташон бо забони ӯзбекӣ 11 китоби дарсӣ пешбинӣ шудааст, ки бояд то аввали соли хониши 2015 - 2016 чоп ва дастраси хонандагон гардонида шавад.
Сипас, муаллифон оид ба муҳтавои китобҳои дарсӣ изҳори  андеша намуданд. Аз ҷумла Абдулло Давлатов, муаллифи китоби дарсии “Экология” барои синфи 9, номзади илмҳои биологӣ, доир ба бобҳои мавзӯи китоби дарсӣ ёдовар шуд, ки фанни экология пеш аз ҳама таълимоти эволютсиониро дар бар мегирад ва ин фан ба тағийроти куллӣ ниёз дорад.
- Мо, муаллифонро зарур аст, ки дар ҳар нашри такрорӣ тағйироти илми муосирро ба инобат гирем ва омода ҳастем аз эроду пешниҳоди омӯзгорони муҳтарам баҳравар гардем, - гуфт муаллиф.
Тоир Сатторзода, муаллифи китоби дарсии “Зоология” барои синфи 8, доктори илмҳои биологӣ, атрофи китоби дарсии мавриди назар ибрози андеша намуда, аз ҷумла зикр кард, ки дар нашри аввал барои таълифи китоби дарсии “Зоология” муҳлати муқарраршуда хеле маҳдуд буд. Бинобар ин, аксари мавзӯъҳои китоби дарсӣ гуногун ҷойгузорӣ шуда буданд. Дар нашри такрорӣ ҳамаи камбудиҳо ислоҳ ва  ба он расму тасвирҳои ҷолиб ворид шуданд.
Чунин муҳовараҳо дар вилоятҳои дигари кишвар ҳам дар назар аст.

Ҳарамгули ҚОДИР,
“Ҷумҳурият”


Баёни ақида (0)    Санаи нашр: 7.07.2015    №: 137    Мутолиа карданд: 2451
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед