logo

маориф

ҲИСОР: НИГАРОНӢ АЗ «ҲАШАРМАКТАБ»-ҲО

Аз  140 муассисаи таҳсилоти умумӣ ва миёнаи ноҳияи Ҳисор 52 мактаб бо усули ҳашар сохта шудааст. Агар 9 мактаби «ҳашарӣ» дар садама қарор дошта бошад, 10 - 15  мактаби дигари  «ҳашарӣ» рӯ ба вайроншавист.

Мудири шуъбаи маорифи ноҳия Назрӣ Асадзода дар ин бора мегӯяд, ки бе лоиҳа, бе тарҳи меъморӣ, бе таҳкурсии асосӣ  саросемавор сохтани чунин  «ҳашармактабҳо» ба ҷараёни таълим зиёновар аст.
Дар мактаби таҳсилоти миёнаи умумии рақами 73, ки дар деҳаи Лолазори Ҷамоати деҳоти  Алмосии ноҳияи Ҳисор воқеъ аст, соли 1976 бо усули «ҳашари бобоӣ», бе ягон лоиҳа аввал 4, баъдтар 5 синфхонаи «лойдевор» сохтанд. Муассисаи таълимии мазкур ба анборхона шабоҳат дорад. Барои 115 нафар хонанда фақат як майдончаи пурлою ноҳамвори волейболбозӣ вуҷуд дораду халос. 
Соли 2008 баъди бориши барфи вазнин боми мактаби тариқи  ҳашар бунёдёфта  фурӯ рехт. Ҳамон вақт, мақомоти иҷроияи маҳаллии ҳокимияти давлатии ноҳия барои тармими боми мактаб 1400 сомонӣ ҷудо карда буд. Имрӯз  бошад, оид ба навгонӣ ва таҷҳизоти утоқҳои фаннӣ  дар ин муассиса сухан гуфтан муҳол мебошад. Солҳост, ки мактаб аз назарҳо дур мондааст.
Мактаби таҳсилоти умумии рақами 83 ба таълиму тарбияи 240 нафар хонанда вобаста шудааст. Директори муассиса Рустам Салоҳов гуфт, ки мактаби мазкур соли 1948 дар асоси як синфхонаи боғча - яслӣ арзи вуҷуд намуда, баъдан 4 синфхонаи иловагӣ бо усули ҳашар аз гилу лой сохта шуд, ки ҳоло деворҳояш фурӯ рафта истодааст. Аз сабаби набудани ҳуҷраи алоҳида китобхонаи мактаб дар нимаи як вагони шикаста, ки анборро мемонад, ҷойгир мебошад. Китобҳои дарсӣ, бадеӣ, илмӣ болои ҳам чида шудаанду  вазъияти ногувор доранд. Дар ин ҳолат оид  ба беҳбудии  раванди таълиму тадрис сухане гуфтан нашояд.           
Муассисаҳои таҳсилоти асосӣ ва умумии рақамҳои 41, 82, 62, 36, 35, 43, 44, 27 низ ҳолати садамавӣ доранд. Чунон ки дар боло ишора рафт, мувофиқи хулосаи ташкилотҳои дахлдор дар ин мактабҳо низ таълиму тарбия гайриимкон аст.  Ситоди ҳолатҳои фавқулода ва прокуратураи ноҳия хулоса бароварданд, ки дар 11 мактаби садамавии ноҳия таҳсилу дарсомӯзӣ имконнопазир мебошад.
Бинои шуъбаи маорифи ноҳия, ки соли 1932 ба истифода дода шудаасту дар ҳолати вайроншавист, ба азнавсозӣ эҳтиёҷ дорад.  Воқеан, баъди талошҳои зиёди мудири шуъбаи маориф Н.Асадзода сохтмони бинои нави шуъба қариб як сол пеш оғоз гашта бошад ҳам, ба қавле сохтмон «гӯшти уштур» хӯрд. Аз сабаби нарасидани маблағ кори сохтмон қатъ гардидааст. Мактаб- интернати сустбиноён, мактаб- интернати касалиҳои полимиелит ба таъмири  саросарӣ эҳтиёҷ доранд.       
То таҷлили  3000 - солагии Ҳисор вақти кам мондааст.  Имрӯзҳо бо мусоидати давлату ҳукумат, хоса таваҷҷуҳи бевоситаи Сардори давлат аз ҳисоби буҷети ҷумҳуриявӣ сохтмони даҳҳо иншооти муҳими маъмуриву маишӣ бо маром идома дорад. Баробари мавриди истифода қарор гирифтани онҳо Ҳисор воқеан шодмон ва кӯчаву хиёбонҳои тозабунёдаш шаҳрбоб хоҳад шуд.
Дар ин радиф хуб мебуд, ки оид ба азнавсозии қисман муассисаҳои таълимӣ, ки даҳсолаҳо пеш ба тариқи ҳашар сохта шудаанд, аз тарафи муассисаҳои дахлдор то рӯзи ҷашн чорае андешида ва амалӣ мешуд.
 
Убайдулло РАҲИМОВ, 
рӯзноманигор


Баёни ақида (0)    Санаи нашр: 21.07.2015    №: 146    Мутолиа карданд: 635

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед