logo

ҳуқуқ

ҚОНУН ДОГМА НЕСТ

Тоҷикистон яке аз аввалин мамлакатҳои пасошӯравӣ мебошад, ки дар даврони соҳибихтиёрӣ  қонунгузории  ҷиноятии худро тағйир дод. Зеро ба Кодекси ҷиноятии соли 1961, ки зиёда аз се даҳсола амал намуд,  беш аз 500 тағйирот ворид гашт ва он наметавонист ба таври дахлдор  ҳифзи муносибатҳои нави ҷамъиятии бамиёномадаро таъмин намояд.

Қонунгузории ҷиноятиро сипари ҳимояи давлату давлатдорӣ ва осудагии шаҳрвандон, ҳимояи ҳуқуқу озодиҳои онҳо меноманд. Воқеан, қонунгузории ҷиноятӣ яке аз сарчашмаҳои калидии меъёрҳои ҳуқуқи ҷиноятӣ буда, ба ҷуз он ягон соҳаи ҳуқуқ кирдорҳои ҷиноятиро ба танзим дароварда наметавонад. Вазифаҳои қонунгузории ҷиноятӣ аз ҳифзи ҳуқуқу озодиҳои инсон ва шаҳрванд, амнияти ҷамъиятӣ ва саломатии аҳолӣ, муҳити зист, тартиботи  ҷиноятӣ ва ахлоқ, моликият, ҳимояи сохти конститутсионӣ ва амнияти кишвар аз таҷовузи ҷиноятӣ, таъмини сулҳ ва амнияти башарият, тарбияи шаҳрвандон дар рӯҳияи риояи Конститутсия ва қонунҳои ҷумҳурӣ, инчунин, пешгирии ҷиноятҳо иборат аст. Яъне, он аз Конститутсияи (Сарқонуни) Ҷумҳурии Тоҷикистон маншаъ гирифта, ҳадафи асосиаш ҳифзи ҳуқуқу озодиҳои инсон ва шаҳрванд мебошад.
Бо назардошти он ки меҳвари асосии ҳуқуқи ҷиноятиро дар масъалаи ҷиноят ва ҷазо таъмини адолат ташкил медиҳад, дар моддаи 8 Кодекси ҷиноятии Ҷумҳурии Тоҷикистон принсипи адолат чунин ифода ёфтааст: «Ҷазо ва чораҳои дигари дорои хусусияти ҳуқуқии ҷиноятӣ, ки нисбат ба шахси ҷиноятсодирнамуда татбиқ мешаванд, бояд одилона бошанд, яъне, ба хусусияту дараҷаи хавфнокии ҷамъиятии ҷиноят, ҳолатҳои содир намудани он ва шахсияти гунаҳкор мувофиқ бошанд».
Бино ба ақидаи ҳуқуқшиноси фаронсавӣ Монтескё Шарл-Луи де Секонда, қонунҳо бояд ба хусусиятҳои ҷисмонии мамлакат, иқлим, сифати хок, тарзи ҳаёти халқҳои маскуни он, дини аҳолӣ, хулқу атвор ва расму таомули миллатҳо ва омилҳои дигар мувофиқат кунанд. Аз ин хулоса баровардан лозим, ки қонун догма нест ва ҳама гуна санад, аз ҷумла, қонунгузории ҷиноятӣ низ, вобаста ба тараққиёти давлат, ҷомеа, шароити иҷтимоию сиёсӣ ва муносибатҳои ҷамъиятӣ эҳтиёҷ ба такмил дорад. Қонунгузории ҷиноятӣ танҳо бо роҳи ворид намудани тағйиру иловаҳо ба Кодекси ҷиноятии Ҷумҳурии Тоҷикистон  такмил дода мешавад.
Масъалаҳои муҳиме, ки баъди қабули Кодекси ҷиноятӣ боиси такмили қонунгузории ҷиноятӣ дар кишвар гардиданд, ба  гуманизатсия ё худ инсонгароӣ мутобиқ гардондани меъёрҳои Кодекси ҷиноятӣ, ҳимояи ҳуқуқу озодиҳои инсон,  пурзӯр намудани ҷавобгарии ҷиноятӣ вобаста ба ҷиноятҳои ба муқобили амнияти ҷамъиятӣ ва саломатии аҳолӣ равонашуда рабт доштанд.
Бо мақсади амнияти кишвар ва  ҷилавгирӣ аз иштироки ҷавонон дар задухӯрдҳои кишварҳои хориҷӣ ба моддаи 4011 «Ҷалб ва иштироки ғайриқонунии шаҳрвандони Ҷумҳурии Тоҷикистон ва шахсони бешаҳрванд дар воҳиди мусаллаҳ, задухӯрди мусаллаҳона ё амалиёти ҷангӣ дар қаламрави дигар давлатҳо» чунин эзоҳ ворид гардид: «Шахсе, ки ихтиёрӣ аз иштироки ғайриқонунӣ дар воҳиди мусаллаҳ, задухӯрди мусаллаҳона ё амалиёти ҷангӣ дар ҳудуди дигар давлатҳо то қатъ гардидани фаъолияти воҳиди мусаллаҳ, анҷом ёфтани задухӯрди мусаллаҳона ё амалиёти ҷангӣ даст мекашад, агар дар кирдори ӯ аломатҳои таркиби ҷинояти дигар мавҷуд набошанд, аз ҷавобгарии ҷиноятӣ озод карда мешавад».
Барои ба талаботи замони муосир мутобиқ гардондани танзими муносибатҳои муҳими ҷамъиятӣ Президенти Ҷумҳурии Тоҷикистон Эмомалӣ Раҳмон дар Паёми худ ба Маҷлиси Олӣ, аз 26 апрели соли 2013, зарурати дар таҳрири нав таҳия намудани Кодекси ҷиноятии Ҷумҳурии Тоҷикистон ва муайян намудани мавқеи кишварамонро дар масъалаи ҳукми қатл пешниҳод намуд. Бо амри Президенти Ҷумҳурии Тоҷикистон ҷиҳати таҳияи Кодекси ҷиноятӣ гурӯҳи корӣ таъсис ёфт. Он таҷрибаи хуби қонунгузории ҷаҳонӣ ва ватаниро мавриди омӯзиш қарор дода, баҳри такмили қонунгузории ҷиноятӣ  фаъолият дорад.
Инчунин, аз моҳи июни соли 2004 ба татбиқи ҷазои қатл дар ҷумҳурӣ моратория эълон шуд. Баҳс дар мавриди ҷазои қатл ё якумра маҳрум сохтан аз озодӣ зиёд аст. Ҳарчанд нисбат ба он нафароне, ки ҷинояткорон наздиконашонро аз ҳаёт маҳрум сохтаанд, дар  ҳолати татбиқ накардани ҷазои қатл  принсипи  адолат вайрон шавад ҳам,  боз савол ба миён меояд, ки оё мо ҳуқуқи гирифтани ҷони нафареро, ки ҷинояткор мебошад, дорем? Аз ин рӯ, ба хотири роҳ надодан ба хатоҳои судӣ ҳангоми баровардани ҳукми қатл, бо мақсади риояи принсипҳои башардӯстона ва вобаста ба пешравии ҷамъият зарур аст, ки аз моддаи 47 Кодекси ҷиноятӣ ин намуди ҷазо хориҷ  шавад. Ба сифати ҷазои алтернативии ин намуди ҷазо бо Қарори Ҳукумати Ҷумҳурии Тоҷикистон аз 1 марти соли 2005, ҷазо дар намуди якумра маҳрум сохтан аз озодӣ амал менамояд.
Бинобар ин, пешниҳод дорам, муҳлати маҳрум сохтан аз озодӣ, андозаи ҷарима вобаста ба категорияҳои ҷиноят таҷдиди назар шуда, ҳадди ниҳоии ҷазо дар намуди маҳрум сохтан аз озодӣ ва андозаи ҷаримаҳо кам карда шаванд. Чунки таҷриба нишон медиҳад, ки муҳлати зиёди маҳрум сохтан аз озодӣ ё ин ки ҷаримаҳои калон ба ноил шудан ба мақсади ҷазо, яъне, ислоҳи маҳкумшуда, оварда намерасонад. Ғайр аз ин, вазъи иқтисодии кунунӣ супурдани ҷаримаҳои бениҳоят калонро имконнопазир мегардонад.

Барно САИДВАЛИЗОДА,
номзади илми ҳуқуқ, дотсент


Баёни ақида (0)    Санаи нашр: 5.08.2015    №: 157    Мутолиа карданд: 1338
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед