logo

сафарҳо

Сафари кории Эмомалӣ Раҳмон ба Ҷумҳурии Қазоқистон

Президенти Ҷумҳурии Тоҷикистон Эмомалӣ Раҳмон дар шаҳри Алмаатои Ҷумҳурии Қазоқистон дар мулоқоти навбатии сарони давлатҳои таъсисдиҳандаи Хазинаи байналмилалии наҷоти Арал иштирок намуд.
Барои иштирок дар ин мулоқот сарони давлатҳои Тоҷикистон, Қазоқистон, Қирғизистон ва Туркманистону Ӯзбекистон ҷамъ омаданд.

Қабл аз оғози ҷаласаи якҷоя Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Қурмонбек Боқиев ва Президенти Туркманистон Қурбонгулӣ Бердимуҳаммадов мулоқот намуд.
Дар вохӯрӣ бо Қурмонбек Боқиев масоили ҳамкорӣ ва ҳусни ҳамсоягии Тоҷикистону Қирғизистон баррасӣ шуданд.
Таваҷҷӯҳи махсус ба фаъолияти ҳамоҳангу якҷояи ду кишвар дар ҳаллу фасли масоили минтақавии вобаста ба истифодаи захираҳои обӣ ва ҳамкориҳои нақлиётию коммуникатсионӣ зоҳир гардид.
Зикр шуд, ки сохтмони роҳи байналмилалии мошингарди Душанбе - Рашт - сарҳади Қирғизистон ва пайвастани он бо Қазоқистону Чин аз як ҷониб ва бо Афғонистон аз ҷониби дигар ба манфиати ҳар ду кишвар буда, ҳамчунин ба рушди ҳамкориҳои минтақавӣ мусоидати фаъол мекунад.
Сарони ду давлат ҳамчунин ба бунёди роҳи оҳан дар ҳамин масир изҳори ҳавасмандӣ карданд.
Дар вохӯрӣ бо Қурбонгулӣ Бердимуҳаммадов гуфтугӯи судманд атрофи кулли масоили вобаста ба муносибатҳои Тоҷикистону Туркманистон сурат гирифт.
Сарони ҳар ду давлат омодагӣ ва ҳавасмандии худро баҳри таҳкиму густариши ҳамкориҳо, аз ҷумла дар самти додугирифти нерӯи барқ, маҳсулоти нафтӣ ва алюминийи аввалия таъкид намуданд.
Мубодилаи афкор ҳамчунин оид ба истифодаи босамари захираҳои обии минтақа ва чораандешӣ баҳри сабук намудани мушкилоти ҳавзаи баҳри Арал сурат гирифт.
Мулоқоти сарони давлатҳои таъсисдиҳандаи Хазинаи байналмилалии наҷоти Арал ба масоили вобаста ба фаъолияти хазина, таъсиси ҳайати нави мақомоти оинномавии он, ҷоннок намудани ҳамкорӣ бо созмонҳо ва кишварҳои мададрасон ва, албатта, ба масъалаҳои марбут ба истифодаи босамари захираҳои обии минтақаи Осиёи Марказӣ бахшида шуд.
Президенти Ҷумҳурии Тоҷикистон Эмомалӣ  Раҳмон зимни суханронии худ нахуст оид ба фаъолияти Хазинаи байналмилалии наҷоти Арал дар солҳои раёсати Тоҷикистон дар он иттилоъ дода, ба мушкилоти вобаста ба хушкшавии баҳри Арал ҷалб намудани таваҷҷӯҳи аҳли башарро аз натиҷаҳои асосии кор дар ин давра маънидод кард.
Дар суханронии Сардори давлати Тоҷикистон таваҷҷӯҳи асосӣ ба истифодаи босамари захираҳои обӣ ва кам кардани талафоти он дар соҳаи кишоварзӣ зоҳир гардид.
Ба андешаи Эмомалӣ Раҳмон маҳз истифодаи аз ҳад зиёди об дар обёрии заминҳои корами кишварҳои поёноб ба хушкшавии баҳри Арал сабаб шуд.
Дар суханронии сарони дигар давлатҳо низ ба фаъолияти 16-солаи Хазинаи байналмилалии наҷоти Арал, ки шаш солаш таҳти раёсати Тоҷикистон гузаштааст, баҳои баланд дода шуд. Ба мақоми нозир дар Маҷмаи кулли Созмони Милали Муттаҳид пазируфта шудани хазина низ натиҷаи фаъолияти пурсамари он дар арсаи минтақа ва ҷаҳон арзёбӣ гардид.
Миёни сарони давлатҳо ҳамчунин оид ба истифодаи захираҳои обию энергетикии минтақа ва зарурати аз ташхиси  байналмилалӣ гузарондани лоиҳаҳои гидроэнергетикӣ баҳсу мунозира сурат гирифт.
Сардори давлати Тоҷикистон Эмомалӣ Раҳмон дар ин маврид изҳор дошт, ки пас ҳамаи обанборҳои бузурги кишварҳои поёноб низ, ки ҳаҷми оби баъзеашон аз баҳри Арал кам нест, бояд аз чунин ташхиси босалоҳияти байналмилалӣ гузаранд.
Аз рӯйи натиҷаи ин мулоқот Изҳороти муштараки сарони давлатҳои муассиси Хазинаи байналмилалии наҷоти Арал интишор гашт.
Бо қаноатмандӣ бояд таъкид намуд, ки аз соли 2002  ин ҷониб ин мулоқоти якуми расмии сарони давлатҳои муассиси Хазинаи байналмилалии наҷоти Арал аст ва баъди 7 соли баҳсу мунозираҳои зиёд дар сатҳу зинаҳои гуногун ба сатҳи сарони давлатҳо баромадани масоили баҳсталаби обӣ дар минтақаро метавон оғози муколамаи умедбахш маънидод кард.
Хотиррасон бояд намуд, ки Хазинаи байналмилалии наҷоти Арал соли 1993 аз ҷониби давлатҳои Тоҷикистон, Қазоқистон, Қирғизистон ва Туркманистону Ӯзбекистон таъсис ёфта буд.
Шоми 28 апрел Президенти Ҷумҳурии Тоҷикистон Эмомалӣ Раҳмон  баъди анҷоми мулоқоти сарони давлатҳои муассиси Хазинаи байналмилалии наҷоти Арал аз шаҳри Алмаато ба Ватан баргашт. Сардори давлатро дар майдони ҳавоии Душанбе Раиси Маҷлиси миллии Маҷлиси Олӣ Маҳмадсаид Убайдуллоев, Раиси Маҷлиси намояндагони Маҷлиси Олӣ  Сайдулло Хайруллоев, Сарвазири ҷумҳурӣ Оқил Оқилов, роҳбари Дастгоҳи иҷроияи Президенти ҷумҳурӣ Амиршо Миралиев ва шахсони дигари расмӣ пешвоз гирифтанд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.


Баёни ақида (0)    Санаи нашр:    №:    Мутолиа карданд: 630

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед