logo

сиёсат

МО АГАР НОМУС ДОРЕМ...

Замоне бо амри тақдир гуреза шуда ба Афғонистон рафтам. Дар кишвари ҳамсоя бо чашми сар дидам, ки чӣ гуна саркардагони ҲНИТ якҷо бо хоҷагони хориҷиашон миёни гурезаҳо “кор” мебурданд. Онҳо мардумро гумроҳ карданӣ шуда, мегуфтанд, ки дигар ёди Ватан накунанд. Гурезаҳои тоҷикро бо ҳар гуна маъвизахониҳои сохтаву бофта ва дур аз ислом бовар кунонданӣ мешуданд, ки ҷиҳоду мубориза дар Тоҷикистон фарз аст.

Ин гурӯҳ мардуми содаву зудбовари ғарибафтодаро водор месохтанд, ки риш монанду ба ифроту таассуб гароянд. Волидонро маҷбур менамуданд, ки  фарзандони ноболиғи худро шомили макотиби ғайрирасмии исломии Покистону дигар кишварҳо гардонанд. Ҳоло теъдоди муайяни онҳо дар сафи гурӯҳи толибону дигар созмонҳои ифротӣ қарор доранд.
Имрӯзҳо ҳаводиси даҳшатафкании “Давлати исломӣ” - ро мебинаму суҳбати он замон бо як мӯсафеди афғон доштаам пеши назар меояд. Ӯ ҷалби наврасони тоҷикро ба мактабҳои исломӣ дида, бо дард мегуфт: “Ин бадандешон бо чунин кору рафторашон оянда барои худ давлати исломии алоҳида бунёд карданианд. Тоҷикони овора агар заррае ақлу идрок ва фаросат доранд, бояд худро аз ин бешарафҳо дур гиранд ва ба Ватан баргарданду бо ҳам созиш кунанд”.
Ин ҷо аз иқдоми неку саривақтии Сарвари давлат муҳтарам Эмомалӣ Раҳмон бояд ёдовар шуд, ки муҳассилини тоҷикро аз хориҷи кишвар ба Ватан баргардонд.  Вагарна як қисми онҳо ба “Давлати исломӣ” мепайвастанд.
Бо имзои Созишномаи умумии истиқрори сулҳ ва ризояти миллӣ дар Тоҷикистон, паноҳандагон ба Ватан баргаштанд, ки ин ҷо низ нақши Президенти кишвар хеле калон аст. Баъд аз имзои ин санади таърихӣ онҳое, ки ҳастии миллатро намехостанду зери навои ноҷӯри хоҷагонашон мерақсиданд, бо ҳар роҳу восита ба пешрафти ҷомеа халал мерасонданд.  Дар  Рашту Бадахшону Суғд ифротиён хостанд аҳдофи нопоки хоҷагони хориҷиашонро пиёда созанд, аммо ба мақсад нарасиданд. Чун ноком шуданд, роҳу василаи дигар ҷустанд ва худро ҷонибдори  ба ном “Давлати исломӣ” эълон карда, ҳар гуна адабиёти ифротгароиро  вориди кишвар гардонданд. Чанде аз наврасону ноболиғонро ба доми фиреби худ кашида, ба онҳо дастур доданд, то ба хотири ба даст овардани “ризоияти Худованд” парчамҳои сиёҳи “Давлати исломӣ”-ро дар баъзе аз манотиқи кишвар боло кунанд.
Хоҷагони хориҷӣ чун диданд, ки ин нақшаашон низ амалӣ нагашт, дигар роҳу усулро пеш гирифтанд. Аъзои ҲНИТ ва саркардагони онҳо ҳангомаву валвала карданд, ки гӯё дар Тоҷикистон ҳуқуқи онҳоро ниҳодҳои амниятиву интизомии кишвар поймол месозанд.  Бо ин васила таваҷҷуҳи хоҷагони сарватманди бурунмарзиашонро ба худ ҷалб карданду маблағи зиёде дастрас намуданд. Собиқ муовини вазири мудофиаи кишвар Назарзода ва ё маъруф ба ҳоҷӣ Ҳалим, ба қавле, баҳри “дифоъ” аз “бародарони исломиаш” силоҳ ба даст гирифт ва бо гурӯҳҳои ифротгарояш амалҳои ҷинояткоронаи худро барои ғасби ҳокимияти конститутсионӣ тарҳрезӣ намуд. Ҳадафи ниҳоии онҳо сарнагун намудани сохти конститутсионии Ҷумҳурии Тоҷикистон буд, ки хушбахтона, ин дафъа низ ба мақсад нарасиданд.
Чун рӯзҳои сахти паноҳандагиро аз сар гузарондаву пайвандону наздикони худро дар ин ҷанги таҳмилӣ аз даст додаам, нисбат ба он нафароне, ки бо дастуру супориши хоҷагонашон мехоҳанд мақсадҳои нопоки худро дар Тоҷикистон амалӣ созанд, нафрат дорам. Афсӯс, ки имрӯз дар ҷомеа  афроди манфиатҷӯ, яке дар ниқоби вакили дифоъу дигаре афсар мехоҳанд аз гурӯҳҳои ифротгарову тахрибкор пуштибонӣ намоянд. Бузургмеҳр Ёрову чанде аз адвокатҳои ба қавле, “маъруф” аз ҷумлаи онҳо мебошанд.  Барои онҳо пулу молу сарват болотар аз ҳама муқаддасоти миллист.
Аъмоли чунин афродро маҳкум менамоям. Намехоҳам, ки дигар хуни ноҳақ бирезад,  модари тоҷик либоси мотамӣ  пӯшад. Бас аст бо ҳар гуна бадандеш сари як дастурхон нишастану фирефтаи суханони пур аз макру ҳиллааш гаштан. Ҳар кӣ нангу номус  дорад, аз марзу буми кишвар, аз муқаддасоти Ватан бояд дифоъ кунад.
Муҳаммадҷон  ОДИНАЕВ,
собиқ паноҳанда дар Афғонистон,
 сокини вилояти Хатлон
 


Баёни ақида (0)    Санаи нашр: 9.10.2015    №: 202    Мутолиа карданд: 1055

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад

Нахустин дар ҷаҳон рентгени сеҷонибаи ранга сохта шуд

Дар Дачжоу писарчаи аз ошёнаи бистум афтода наҷот ёфт

13.07.2018


Мулоқоти Сироҷиддин Муҳриддин ва Ясмин Гуедар

Баррасии Барномаи дастгирии рушди неруи инсонӣ

Баргузории конфронси «Ҳунарҳои мардумӣ: эҳё, ҳолат, рушд ва дурнамо»

Пирӯзии теннисбози тоҷик дар ИМА

ҶАҲОН ДАР ЯК САТР

Дар СҲШ зарурати тақвияти мубориза алайҳи терроризмро таъкид карданд

Трамп: «Путин рақиби ман аст, лек метавонад дӯст гардад»

Русия сазовори ҷоми макроиқтисодии ҷаҳон шуд

Бонки ҷаҳонӣ: «Бесаводии духтарҳо $30 триллион зарар меорад»

12.07.2018


Мулоқоти Сироҷиддин Муҳриддин ва Чари Атаев

Боздиди Прокурори генералӣ аз Бадахшон

Форуми ҷумҳуриявӣ дар Хоруғ ҷавононро ба ҳам меорад

Озмун бахшида ба Соли рушди сайёҳӣ ва ҳунарҳои мардумӣ

ДАНҒАРА. Ҷамъоварии ҳосили фаровони ғалла

Ҷаҳон дар як сатр

Дар Чин аз хавфи тӯфони «Мария» қариб 400 ҳазор нафар кӯчонда шуд

Созмони ҳамкории исломӣ ба музокироти сулҳ дар Афғонистон даъват мекунад

Чин бори нахуст ба раддаи 20 инноватсионитарин кишвар роҳ ёфт

Қазоқистон истеҳсоли гӯшти мурғро чор маротиба зиёд карданист

11.07.2018


Иштироки Музаффар Ҳусейнзода дар Муколамаи сатҳи баланд

Гулистон. Мактаби санъат сохта мешавад

Шуъбаи бемориҳои сироятии кӯдакона таҷдиду азнавсозӣ шуд

Аввалин толори намоиш ва фурӯши маҳсулоти ҳунарҳои мардумӣ ташкил гардид

БОХТАР. Озмуни "Намоиши ҳунарҳои мардумӣ"


Дар сомонаҳои дигари Тоҷикистон хонед