logo

маориф

ТЕЪДОДИ ХОНАНДАГОН ДАР МАКТАБ - ИНТЕРНАТҲО МЕАФЗОЯД. ЧАРО?

Солҳои охир тамоюли супурдани фарзандон ба мактаб - интернатҳо зиёд шудааст. Сабаб ва омилҳои он дар чист? Дар посух ба ин савол Саид Нуриддин, вазири маориф ва илми мамлакат, дар ҷаласаи Маҷлиси намояндагони Маҷлиси Олӣ иброз дошт, ки соли таҳсили 2011 - 2012 дар Тоҷикистон шумораи ятимон, ки аз парастории волидон ва ё яке аз онҳо маҳрум шудаанд, 70231 нафарро ташкил медод. Солҳои таҳсили 2012 - 2013 ин рақам ба 64316,  солҳои 2013 - 2014 ба 51160 ва 2014 - 2015 ба 46218 нафар расид. Тавре бармеояд, теъдоди кӯдаконе, ки аз васоят маҳрум шудаанд, сол ба сол кам мегардад.
Ҳоло теъдоди мактаб - интернатҳо дар ҷумҳурӣ ба 84 адад мерасад, ки аз он 14- тоаш ҷумҳуриявӣ буда, Вазорати маориф ва илми Ҷумҳурии Тоҷикистон муассисашон аст. Муассиси  мактаб - интернатҳои боқимонда мақомоти иҷроияи маҳаллии ҳокимияти давлатии шаҳру ноҳияҳо мебошанд. Назар ба гуфтаи вазир, агар дар соли хониши 2011-2012 дар мактаб- интернатҳо 9662 кӯдак ба таҳсил фаро гирифта мешуд, ҳоло теъдоди онҳо беш аз 12 ҳазор аст. Омили асосии зиёдшавии кӯдакон дар мактаб - интернатҳо қабули онҳо аз оилаҳои камбизоат мебошад. Дар ин бора Қарори Ҳукумати Ҷумҳурии Тоҷикистон оид ба фаро гирифтани кӯдакон ба мактаб-интернатҳо ба тасвиб расидааст.
Саид Нуриддин зикр кард, ки қисми асосии бошандагони мактаб-интернатҳо аз оилаҳои камбизоат мебошанд. Бо дастгирии Сарвари давлат ду сол инҷониб барои таъмири мактаб - интернатҳо 35 миллион сомонӣ ҷудо мегардад. Хусусан мактаб- интернатҳои ҷумҳуриявӣ аз таъмири асосӣ бароварда шуда, бо таҷҳизоти замонавӣ пурра таъмин шуданд. Низоми таълим дар ин муассисаҳо хеле хуб ба роҳ монда шудааст. Бинобар ин, талабот ба онҳо хеле зиёд мебошад. Баъзан ҳолатҳое рух медиҳанд, ки падару модар аз ҳам ҷудо шуда, таълиму тарбияи фарзандонро ҳеҷ кадоме ба гардан намегирад ва онҳоро ба мактаб - интернатҳо месупоранд.
Дар деҳоти ноҳияҳои дурдасти кӯҳистон мактабҳои камнуфус дорем, ки теъдоди хонандагон аз 15 то 30 нафар аст. Азбаски дар ин деҳаҳо мактабҳои асосӣ ва таҳсилоти миёнаи умумӣ нест, хонандагонро ба мактаб-интернатҳо меоранд. Ҳамин гуна мактаб - интернати президентӣ барои ба таҳсил фаро гирифтани хонандагони деҳоти дараи Бартанг дар ноҳияи Рӯшон сохта шудааст.
Ба андешаи вазири маориф ва илм, омили дигари зиёд шудани хонандагон дар мактаб - интернатҳо  ин аст ки Ҳукумати Ҷумҳурии Тоҷикистон бо роҳбарии Президенти кишвар барои кӯдакони ятим, хусусан ятимони кул, дар бонкҳо суратҳисоб кушода шуда, маблағҳои муайян ба номашон ворид мегардад. Бинобар ин,  бештар кӯдакони ятимеро, ки дар тарбияи бобо ё бибианд, ба мактаб - интернатҳо месупоранд.
Мунаввари САФАР,
«Ҷумҳурият»


Баёни ақида (0)    Санаи нашр: 27.10.2015    №: 214    Мутолиа карданд: 851
15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД


Дар сомонаҳои дигари Тоҷикистон хонед