logo

ҳукумат

ИТТИЛОИЯ

28 октябр таҳти раёсати Президенти Ҷумҳурии Тоҷикистон, Раиси Ҳукумати мамлакат Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар он нахуст масъалаи кадрҳо баррасӣ шуда, зимни он аъзои нави ҳайати мушовараи Вазорати нақлиёт, Кумитаи ҳолатҳои фавқулода ва мудофиаи гражданӣ, Кумитаи оид ба корҳои дин, танзими анъана ва ҷашну маросимҳои миллӣ ва Агентии миллии иттилоотии Тоҷикистон “Ховар”- и назди Ҳукумати Ҷумҳурии Тоҷикистон тасдиқ шуданд.
Масъалаи асосии маҷлиси Ҳукумати мамлакат муҳокимаи лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2016” ва нишондиҳандаҳои Буҷети давлатӣ барои солҳои 2017 - 2018 буд.
Сарвари давлат Эмомалӣ Раҳмон вазъи кунунии рушди иҷтимоию иқтисодии Тоҷикистонро таҳлилу баррасӣ намуда,  аз ҷумла тазаккур дод, ки дар 9 моҳи соли равон  таҳти таъсири омилҳои беруна суръати рушди воқеии маҷмӯи маҳсулоти дохилӣ нисбат ба ҳамин давраи соли гузашта ба андозаи 0,5 банди фоиз, гардиши савдои хориҷӣ 17,9 дарсад, аз ҷумла воридоти мол 21,8 дарсад ва хизматрасониҳои пулакӣ ба аҳолӣ 8,1 дарсад коҳиш ёфт ва қурби пули миллӣ ҳамоно таҳти фишор қарор дорад.
“Дар ин муддат  иҷрои буҷети давлатӣ ба андозаи 96,5 дарсад таъмин шуда, ба он 10,8 миллиард сомонӣ ворид гардид, ки ин аз нақша  391 миллион сомонӣ кам мебошад”, - таъкид дошт Сарвари давлат.
Аз ин хотир, Президенти кишвар Эмомалӣ Раҳмон ба вазорату идораҳои дахлдор дастур дод, ки дар муҳлати боқимондаи соли равон барои иҷрои пурраи буҷети давлатӣ чораҳои самарабахш андешида, амалӣ намоянд.
Бино ба иттилои Сарвари давлат, ҳаҷми буҷети давлатӣ барои соли 2016 18 миллиарду 306 миллион сомонӣ пешбинӣ гардидааст, ки нисбат ба соли равон қариб 3,3 миллиард сомонӣ ё 19,8 дарсад зиёд аст.
Тавре таъкид гардид, хислати иҷтимоии буҷети давлатӣ оянда низ нигоҳ дошта мешавад ва ба ин хотир дар соли 2016 барои таъмини соҳаҳои иҷтимоӣ зиёда аз 8 миллиард сомонӣ равона мегардад ва ин маблағ нисбат ба соли равон 581,5 миллион сомонӣ зиёд буда, қариб нисфи ҳаҷми умумии буҷетро ташкил медиҳад.
Дар буҷети соли 2016 ба маблағгузории соҳаҳои афзалиятноки иқтисодӣ, аз ҷумла сохтмони иншооти энергетикӣ, нақлиёт ва коммуникатсия диққати махсус дода шуда, ба ин мақсад бо назардошти амалисозии лоиҳаҳои сармоягузорӣ 6,2 миллиард сомонӣ равона карда мешавад.
Лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2016” ва нишондиҳандаҳои Буҷети давлатӣ барои солҳои 2017 - 2018 бо дарназардошти таклифу пешниҳодҳо маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод шуд.
Дар идомаи маҷлиси Ҳукумат ҳисоботи раиси Кумитаи давлатии идораи замин ва геодезӣ оид ба самараноку мақсаднок истифода бурдани заминҳои хоҷагии ёрирасони вазорату идора, корхонаҳои ғайридавлатӣ дар шаҳру ноҳияҳои вилояти Суғду шаҳри Турсунзода, ҳисоботи раиси шаҳри Конибодоми вилояти Суғд оид ба рафти иҷрои Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ” ва Қонуни Ҷумҳурии Тоҷикистон “Дар бораи мақомоти худидоракунии шаҳрак ва деҳот” шунида шуд.
Лоиҳаҳои қонунҳо оид ба ворид намудани тағйиру иловаҳо ба қонунҳои амалкунандаи Ҷумҳурии Тоҷикистон, аз ҷумла, ба қонунҳо “Дар бораи низоми иҷозатдиҳӣ”, “Дар бораи бақайдгирии давлатии асноди ҳолати шаҳрвандӣ”, “Дар бораи мубориза бар зидди терроризм” ва “Дар бораи алоқаи барқӣ” маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон ирсол гаштанд.
Ба баррасии Маҷлиси намояндагони Маҷлиси Олии Ҷумҳурии Тоҷикистон, инчунин, хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи мубориза бо ҷинояткории муташаккилона” пешниҳод гардид.
Барномаи давлатии барқарорсозӣ ва истифодаи минбаъдаи реактори таҳқиқоти ҳастаии Аргус-ФТИ тасдиқ шуд.
Қарори Ҳукумати Ҷумҳурии Тоҷикистон доир ба таъсиси грантҳои Президенти Ҷумҳурии Тоҷикистон оид ба дастгирӣ ва рушди фаъолияти соҳибкории занон барои солҳои 2016-2020 тасдиқ шуд, ки тибқи он дар ин муддат ҳар сол 80 грант таъсис дода мешавад. Инҳо 20 гранти иборат аз 40 ҳазор сомонӣ, 20  грант бо 30 ҳазор сомонӣ, 20  грант бо 20 ҳазор сомонӣ ва 20  гранти иборат аз 10 ҳазор сомонӣ хоҳанд буд.
 Дар фароварди маҷлис Сарвари давлат Эмомалӣ Раҳмон таваҷҷуҳи масъулонро ба масоили вобаста ба сохтмони навбати дуюми Маркази барқу гармидиҳии дуюми Душанбе ва хати барқии Душанбе - ноҳияҳои тобеи ҷумҳурӣ, татбиқи лоиҳаи навсозии роҳи мошингарди Қалъаи Хумб - Ванҷ, қитъаҳои Кӯлоб - Шӯрообод ва Шикев - Қалъаи Хумби роҳи мошингарди Кӯлоб - Қалъаи Хумб, назорати сифати роҳи мошингарди Айнӣ - Панҷакент ҷалб намуда, дар наздашон доир ба ҷоннок намудани корҳо вазифаҳои мушаххас гузошт.
Ҳамчунин доир ба ҷамъоварии беталафи ҳосили фаровони меваю сабзавот, захира кардани он ва омодагӣ ба мавсими зимистон супоришҳои мушаххас дода шуданд.

 


Баёни ақида (0)    Санаи нашр: 30.10.2015    №: 217    Мутолиа карданд: 12435

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед