logo

президент

Дар машварат оид ба бартарафсозии оқибатҳои офати табиат сухан рафт

18 май Президенти Ҷумҳурии Тоҷикистон Эмомалӣ Раҳмон бо масъулони Ҳукумати мамлакат ва Дастгоҳи иҷроияи Сардори давлат, роҳбарони вазорату идораҳо ва дигар шахсони масъул машварати корӣ доир намуд.

Дар машварат масоили вобаста ба бартарафсозии оқибатҳои офатҳои шадиди табиӣ, иҷрои буҷети давлатӣ ва рушди иҷтимоию иқтисодӣ, истифодаи сарфакоронаи нерӯи барқу захираҳои обӣ, иҷрои нишондодҳои барқияи Сардори давлат оид ба истифодаи аксҳои Президенти мамлакат дар ҷойҳои ҷамъиятӣ ва дигар масъалаҳои муҳими рӯз баррасӣ шуданд.
Оид ба рафти бартарафсозии оқибатҳои офатҳои шадиди табиат дар вилояти Хатлон раиси вилоят Ғайбулло Авзал ва дигар шахсони масъул гузориш доданд. Зикр гардид, ки танҳо дар ноҳияи Хуросон 148 хона пурра ва 127 хонаи дигар қисман зарар дидаанд. Тибқи гузоришҳо, дар якчанд шаҳру ноҳияҳои дигари вилояти Хатлон низ баъзе хонаҳои истиқоматӣ қисман вайрон шуда, дар зиёда аз 15 ҳазор гектар замин кишти зироатҳо зарар дидааст. Дар 10 ҳазор гектар заминҳои зарардида аллакай дубора пахта ва дигар зироатҳо кишт карда шудаанд.
Сардори давлат Эмомалӣ       Раҳмон ба шахсони масъул қотеъона супориш дод, ки барои оилаҳои аз боришоти борони зиёд ва омадани селу лойқа бехонамонда дар ҷойҳои бехавф манзилҳои нави истиқоматӣ сохта дода шаванд. Таъкид гардид, ки онҳо то 6 - уми ноябри соли равон бояд вориди хонаҳои нав шаванд. Ҳамчунин баҳри таъмини онҳо бо ҷойи зисти муваққатии дорои ашёи рӯзгор ва шароити зарурии тиббию санитарӣ, таъминот бо хӯрока ва оби нӯшокӣ ва одилона тақсим намудани қарзи имтиёзноку кӯмакпулиҳои Ҳукумати Ҷумҳурии Тоҷикистон  ва маблағу ашёи дигари ёрии башардӯстона супоришҳои қатъӣ дода шуд. Роҳбарони сохторҳои дахлдор вазифадор шуданд, ки кӯдакони оилаҳои зарардидаро дар лагерҳои тобистона ва мавзеъҳои дигари фароғатӣ ҷой диҳанд.
Оид ба хисороти расондаи офатҳои табиат ва рафти бартарафсозии оқибатҳои онҳо ҳамчунин раиси вилояти Суғд Қоҳир Расулзода ва раиси шаҳри Душанбе Маҳмадсаид Убайдуллоев гузориш доданд.
Раиси Вилояти Мухтори Кӯҳистони Бадахшон Қодири Қосим, раиси вилояти Суғд Қоҳир Расулзода, раиси ноҳияи Рашт Маҳмадшариф Толибов ва дигар шахсони масъул ҳамчунин оид ба иҷрои нақшаи чорабиниҳо, ки баъди сафарҳои Президенти мамлакат ба ин минтақаҳо таҳия гашта буданд, гузориш доданд. Аз ҷумла зикр гардид, ки сохтмони иншооти сершумор дар шаҳру ноҳияҳои Вилояти Мухтори Кӯҳистони Бадахшон, вилояти Суғд ва гурӯҳи ноҳияҳои водии Рашт бо суръат ва сифати баланд идома дорад.
Сардори давлат Эмомалӣ       Раҳмон ба онҳо оид ба гузарондани кишти саривақтии картошка ва дигар зироатҳо ва вусъат бахшидани корҳои ободонию созандагӣ супоришҳои мушаххас дод.
Дастурҳои  қатъӣ ҳамчунин оид ба кам кардани талафоти нерӯи барқ, аз ҷумла тавассути таъмини аҳолии камбизоат бо фурӯзандаҳои каммасраф ва пурра гузаштан ба истифодаи онҳо дода шуд.
Роҳбарони вазорату идораҳо, ташкилоту муассисаҳо, вилоятҳо ва шаҳру ноҳияҳо вазифадор шуданд, ки мутобиқи талаботи барқияи махсуси телефонии Сардори давлат истифодаи аксҳои Президенти Ҷумҳурии Тоҷикистонро дар ҷойҳои ҷамъиятӣ ба низом дароварда, ба корҳои худнамоӣ аз ҷониби мансабдорон роҳ надиҳанд.

www.president.tj


Баёни ақида (0)    Санаи нашр:    №:    Мутолиа карданд: 1007

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед