logo

энергетика

БАРҚИ ОБӢ - СИПАРИ ЧОЛИШҲОИ ЭКОЛОГӢ

Дар Тоҷикистон неруи барқ дар шабакаи энергетикӣ, асосан аз ҳисоби  неругоҳҳои барқи обӣ (92,4 дарсад) истеҳсол мешавад. Ба неругоҳҳои барқи ҳароратӣ 7,6 дарсад рост меояд. Солҳои охир истеҳсоли неруи барқ аз захираҳои обӣ ва сӯзишвории воридотӣ аз 16,5 то 17 миллиард кВт - соатро ташкил медиҳад.

Ин нукта дар порлумони кишвар зимни баррасии Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон» ва татбиқи Қарори Ҳукумати Ҷумҳурии Тоҷикистон аз 2 ноябри соли 2011 «Дар бораи Барномаи истифодаи самараноки захираҳои обии энергетикӣ ва сарфаҷӯии неруи барқ барои солҳои 2012-2016» зикр гардид.
Пӯлод Муҳиддиниён, муовини вазири энергетика ва захираҳои оби ҷумҳурӣ, иброз дошт, ки барномаи мазкур самтҳои асосии истифодаи самараноки захираҳои обии энергетикӣ, роҳандозии нақшаю чорабиниҳо дар бахши самаранокӣ ва сарфаҷӯии энергия, истифодаи оқилонаи неруи барқ ва коҳиш додани талафоти неруро фаро мегирад ва сиёсати пешгирифтаи давлатро ҷиҳати ноил гаштан ба истиқлолияти энергетикӣ муайян месозад, бахусус, дар ҳоле ки ҷаҳон дар пешорӯйи чолишҳои тағйирёбии иқлим қарор дорад ва рушди захираҳои тозаи экологӣ дар бахши энергетика яке аз ҳадафҳои муҳими ҷомеаи башарӣ дар роҳи ҳифзи табиат мебошад. Истифода аз манбаъҳои алтернативӣ ва обии энергетикӣ ба сайёра ва экология безиён аст.
Асозода Муҳаммадумар, раиси Хадамоти давлатӣ оид ба назорат дар соҳаи энергетика, оид ба маҳдудияти неруи барқ дар кишвар дар мавсими тирамоҳ ва зимистон ёдовар шуд:
- Нарасидани қувваи барқ дар ин мавсим тақрибан ба 2,5 - 3 миллиард кВт-соат баробар аст. Ҳамзамон, ҷумҳурӣ дар тобистон дорои захираҳои фаровони гидроэнергетикӣ буда, бинобар сабаби мавҷуд набудани истеъмолгарони дохилӣ, новобаста ба имкониятҳо миқдори ками неруи барқи барзиёд содирот мешавад. Дар 9 моҳи соли 2015 содироти барқ 1 миллиарду 215 миллион кВт-соатро ташкил додааст. Татбиқи як қатор лоиҳаҳо барои рушди имкониятҳои содиротии кишвар дар мавсими тобистон равона шудаанд.
Абдулло Қурбонов, директори иҷроияи маркази идораи лоиҳаҳои бахши электроэнергетика, оид ба моҳияти қабули барномаи истифодаи самараноки захираҳои гидроэнергетика сухан ронда, зикр кард, ки яке аз ҳадафҳои асосии ин лоиҳаҳо бартараф намудани эҳтиёҷи кишвар ба неруи барқи воридотӣ ба ҳисоб меравад. Таъкид гардид, ки аз ҳисоби сармоягузории дохилӣ ва берунӣ дар баробари таъмиру барқарорсозӣ ва ба истифода додани иқтидорҳои нав ба роҳ мондани сохтмони зеристгоҳҳои баландшиддат ва хатҳои интиқоли барқ ба мақсад мувофиқ мебошад.
Вакилон ва ширкатдорони ҷаласа оид ба сифат ва таъмини тавонмандии энергияи обӣ дар минтақа ва дар оянда ба талаботи бозор ҷавобгӯ сохтани он сухан гуфта, иҷрои барномаи мазкурро яке аз омилҳои муҳим дар рушди бахши энергетикаи кишвар, ҷалби бахши сармояи хориҷӣ, рушди бахши саноатии кишвар ва баромадан аз бунбасти энергетикӣ дар мавсимҳои зимистон ва тирамоҳ арзёбӣ карданд.
Ҳарамгул САНГОВА, «Ҷумҳурият»


Баёни ақида (0)    Санаи нашр: 15.12.2015    №: 249    Мутолиа карданд: 10478
22.06.2017


Вохӯрии Рустами Эмомалӣ ва Улуғбек Розуқулов

Баргузории ҳамоиши соҳибкорони Тоҷикистону Ӯзбекистон

Баррасии таҳкими ҳамкориҳои фарҳангӣ

Тавсеаи муносибатҳо бо Кувайт

Ҷаҳон дар як сатр

Мухолифини Сурия ба президентии Асад дар марҳилаи гузариш ризоият доданд

Дар Филиппин мактабро аз чанги ҷангиён раҳо сохтанд

Шоҳи саудӣ вориси нави тахтро интихоб намуд

Аз боронҳои сел даҳҳо ҳазор ҷопонӣ тарки манзил кард

Дар Қазоқистон ислоҳоти тиб роҳандозӣ мешавад

21.06.2017


Густариши ҳамкориҳо бо Бонки осиёии рушд

Вохӯрӣ бо ҳайати раёсати мубориза бар зидди ҷиноятҳои муташаккил

Тақвияти мубориза алайҳи гардиши ғайриқонунии маводи мухаддир

Ваҳдати миллӣ - бузургтарин дастовард

Ҷаҳон дар як сатр

Кобул нақшаи нави муқовимат бо “Толибон”- ро таҳия мекунад

Таваҷҷуҳи хосаи Фаронса ба озодсозии Раққаи Сурия

Вазъи Афғонистон боиси хавотирии СААД шудааст

Русия ҳама қарзҳои Қирғизистонро бахшид

Чин ва кишварҳои Африқо мубориза бо қашшоқиро баррасӣ менамоянд

20.06.2017


Баистифодадиҳии бузургтарин аквапарки мамлакат

Мулоқот бахшида ба 20-солагии Рӯзи Ваҳдати миллӣ

Муовини сарвазири Ӯзбекистон ба Душанбе омад

Мубодилаи тасдиқномаҳо оид ба бозпас гардондани маҳкумшудагон

"Роҳи Ваҳдат"

Як нишасти муҳим

Ҷаҳон дар як сатр

Португалия: оқибати фоҷиабори сӯхтори ҷангал

Си Ҷинпин: «10 соли наздик барои БРИКС «давраи тиллоӣ» хоҳад шуд»

Соли 2040 дар Замин беш аз нисфи неру барқароршаванда хоҳад гашт

Дар Брюссел музокирот оид ба Брексит оғоз ёфт

Нахустин қатораи мусофирбар аз Душанбе ба Остона расид

Варзиш

19.06.2017


Баррасии масоили тақвияти истеҳсолоти воридотивазкунанда

Мулоқоти Сироҷиддин Аслов ва Ҳю Филпотт


Дар сомонаҳои дигари Тоҷикистон хонед