logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар Конфронси байналмилалии «Сиёсати бетарафӣ: ҳамкории байналмилалӣ баҳри сулҳ, амният ва рушд» бахшида ба 20-солагии бетарафии Туркманистон, шаҳри Ашқобод, 12 декабри соли 2016

Муҳтарам ҷаноби Раис,
олиҷанобон,
ширкаткунандагони муҳтарами конфронс,
хонумҳо ва ҷанобон!
Барои ман ширкат ва суханронӣ кардан дар Конфронси байналмилалӣ ба ифтихори 20 - умин солгарди бетарафии доимии Туркманистон мояи сарфарозист. Бо истифода аз фурсат, мехоҳам ба Президенти Туркманистон, муҳтарам Гурбангулӣ Бердимуҳаммедов барои даъвати иштирок дар ин ҳамоиши байналмилалии муҳим изҳори сипос намоям.
Имрӯз, ки мо якҷоя дар таҷлили ин рӯйдоди воқеан умумиминтақавӣ ҳузур дорем, мехостам махсус таъкид намоям: роҳи бетарафии мусбат, ки аз ҷониби роҳбарият ва мардуми туркман дар марҳалаи ҳассостарини таърихи истиқлолият интихоб гардид, имкон дод, ки зербинои ободии имрӯзаи кишвари дӯст ва тағйироти бузург дар ҳама соҳаҳои ҳаёти он гузошта шавад.
Муҳимтар аз ҳама, Туркманистон тӯли ин солҳо ба як майдони бузурги бинокорӣ мубаддал гардид. Дар шаҳру навоҳӣ, деҳоту шаҳракҳо, дар тамоми гӯшаву канори мамлакат шумораи зиёди корхонаҳои азими саноатӣ, паркҳои технологӣ ва иншооти инфрасохториву иҷтимоӣ ба истифода дода шуданд.
Татбиқи як қатор лоиҳаҳои энергетикиву коммуникатсионии фаромиллӣ ва марказҳои логистикӣ Туркманистонро бо олами беруна пайванд дода, бунёди шоҳроҳҳои автомобилгарду оҳан кишварро ба як нуқтаи муҳими минтақавии нақлиётиву транзитӣ табдил доданд.
Ман будубоши худро солҳои ҳафтодуми асри гузашта дар Туркманистон ва симои онрӯзаи кишварро хуб дар хотир дорам. Имрӯз бошад, мо ба як мамлакати тамоман дигар – як кишвари мутараққӣ ва шукуфо меоем. Мо дӯстони туркмани худро бо ин дастовардҳо табрик гуфта, албатта, чун ҳамсоягони нек аз ин пешрафтҳо шодем.
Дар бораи ҷанбаи байналмилалии бетарафӣ сухан гуфта, таъкид карданӣ ҳастам, ки қисмҳои таркибии он, аз ҷумла омодагӣ ба шарикии ҳамаҷониба, қабул доштани таҷрибаи мусбати ҷаҳонӣ дар ҳаллу фасли мушкилоти ҷаҳониву минтақавӣ аз ҷониби ҷомеаи байналмилалӣ ва шарикони минтақавӣ пуштибонии қавӣ пайдо карданд, ки ба ҳайси маҳали фаъолияти Маркази минтақавии Созмони Милали Муттаҳид оид ба дипломатияи пешгирикунанда интихоб шудани Ашқобод ва моҳи июни соли ҷорӣ тасдиқ шудани қарори нави Созмони Милал дар бораи «Бетарафии доимии Туркманистон» шаҳодати ин гуфтаҳост.
Ширкаткунандагони муҳтарами конфронс!
Тоҷикистон чунин мешуморад, ки минтақаи Осиёи Марказӣ барои ҳалли ҳамаи мушкилоти иқтисодиву иҷтимоӣ ва экологӣ, муқовимати муассир бо таҳдиду хатарҳои муосир ва таъмин кардани сатҳи рушди сифатан нав ҳамаи захираву имкониятҳоро дорад.
Амалӣ намудани барномаҳои хислати минтақавидошта дар бахшҳои энергетикаву алоқа, нақлиёту коммуникатсия ва эҷоди технологияҳои нав барои афзоиши имкониятҳои мо, ба минтақаи амну субот ва рушд, майдони ҳамкориҳои созандаву мутақобилан судманд, мубаддал гаштани Осиёи Марказӣ, ки ба боло бурдани некуаҳволии мардумони мо ва пешрафти минтақа нигаронида шудаанд, шароит фароҳам хоҳанд овард.
Мавҷудияти чунин равандҳои бунёдкориву созандагӣ танҳо дар вазъияти таъмини суботу амният имконпазир аст. Аз ин рӯ, ба ҳам овардани талошҳои мо ҷиҳати мубориза бо терроризми байналмилалӣ, ифротгароӣ, гардиши ғайриқонунии маводи мухаддир ва ҷинояткории муташаккилонаи фаромарзӣ муҳимтарин масъалаи рӯз мебошад.
Шиддати рӯзафзун касб кардани ин таҳдиду хатарҳоро танҳо бо талошҳои дастаҷамъона метавон боздошт. Ҷиҳати дастёбӣ ба ин ҳадафҳои наҷиб мо омодаи ҳама гуна ҳамкорӣ бо шариконамон ҳастем. Дар ин росто, ҳамкорӣ бо Туркманистон, ки имкониятҳои назаррас дорад, барои мо махсусан муҳим аст ва Тоҷикистон барои тавсеа ва таҳкими он саъй хоҳад кард.
Ба ақидаи ман, ҳадафҳои мазкур бо асли бетарафии Туркманистон, ки на танҳо ба ҳимояи манфиатҳои миллӣ ва равобити бисёрсамтии байналмилалӣ, балки ба афзалият доштани масъалаи рушди умумиинсонӣ нигаронида шудаанд, комилан мутобиқанд.
Дар ин рӯзи саид ман мехостам Президенти Туркманистон Гурбангулӣ Бердимуҳаммедовро бо ҷашни бетарафӣ самимона табрик гуфта, ба ӯ саломатӣ ва иҷрои муваффақонаи барномаҳои миллиро орзу намоям, ҳамчунин ба мардуми туркман табрикоти хешро якҷо бо орзуи сулҳу оромӣ ва пешрафти беш аз пеш иброз дорам.
Аз таваҷҷуҳатон сипосгузорам.


Баёни ақида (0)    Санаи нашр: 15.12.2015    №: 249    Мутолиа карданд: 793
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед