logo

маориф

ХАТЛОН. МАКТАБСОЗӢ ДАР АВҶ

Дар шаҳри Кӯлоб, ноҳияҳои Мир Сайид Алии Ҳамадонӣ, Фархор ва  Панҷ бахшида ба 25 - умин солгарди Истиқлолияти давлатӣ ҷараёни сохтмони бинои мактабҳо, синфхонаҳо ва толорҳои варзишӣ идома дорад. Аз ҷумла, сохтмони бинои нотамоми мактабҳое, ки дар замони шӯравӣ оғоз гардида буданд, навсозӣ мешаванд.
Дар доираи татбиқи марҳилаи сеюми лоиҳаи “Таҷдид ва идомаи сохтмони мактабҳои миёна” ва амалигардонии Созишномаи қарзӣ байни Ҳукумати Ҷумҳурии Тоҷикистону Бонки исломии рушд таҷдиду навсозии бинои мактаби миёна барои 624 ҷойи нишаст дар ноҳияи Панҷ, ки сохтмони он аз соли 1988 оғоз гардида, соли 1991 мавқуф гузошта шудааст, идома дорад. Барои иҷрои корҳои сохтмонию васлгарӣ дар мактаби зикргардида 1867184,92 доллари ИМА пешбинӣ гашта, иҷрои корҳои сохтмонию васлгариро пудратчии асосӣ - Ҷамъияти саҳомии пӯшидаи «ИИИС Техноинвест» ба уҳда дорад. Бинои таълимӣ дуошёна буда, дорои 20 синфхона, китобхона, ҳуҷраи кории директор, муовинони директор, ҳуҷраи муаллимон, ошхона, маҷлисгоҳ барои 160 ҷойи нишаст ва толори варзиш мебошад.
Корҳои сохтмонии мактаби № 15 - и ноҳияи Фархор, ки барои 380 ҷойи нишаст пешбинӣ шудааст, рӯзҳои наздик ба охир мерасанд. Ин мактаб аз ҷониби ширкати сохтмонии «Ҳамсафар» бо сарфи 2009470,94 доллар сохта мешавад. Мактаб дорои 17 синфхона ва 7 утоқи фаннӣ, аз ҷумла, физика, химия, биология, компютерӣ ва хона барои бозиву истироҳати наврасон аст. Инчунин, дар мактаби мазкур сохтмони толорҳои варзиш, маҷлисгоҳ, ошхона, китобхона, буғхона бо назардошти технологияи муосир, ки дар фасли зимистон бо истифодаи ангишт имкони гарм нигоҳ доштани тамоми ҳуҷраҳои биноро дорад, ба нақша гирифта шудааст.
Сохтмони бинои шуъбаи маорифи ноҳияи Фархор, ки бо ҷалби 12 сохтмончӣ ҷараён дорад, чандон қонеъкунанда нест. Тавре маълум гардид, маблағи музди меҳнати кормандон аз ҷониби пудратчӣ саривақт пардохт нашуда, маҳсулоти сохтмонӣ пурра дастрас намешавад. Ёдовар мешавем, ки сохтмони бинои шуъбаи маорифро ташкилоти “Восеи нур” ба уҳда дошта, барои он 1560595,56 сомонӣ пешбинӣ шудааст. 
Дар деҳаи Пушкини ноҳияи Мир Сайид Алии Ҳамадонӣ бунёди мактаби миёна барои 624 ҷойи нишаст (дар як баст)  ва дар деҳаи Даҳанаи шаҳри Кӯлоб сохтмони мактаби миёна ба ҳамин миқдор ҷойи нишаст идома дошта, барои иҷрои корҳои сохтмонию васлгарии ин мактабҳо маҷмӯан 5003729 доллар ҷудо гардидааст.
Нуриддин Саид, вазири маориф ва илми кишвар, зимни сафари корӣ ба вилояти Хатлон аз рафти сохтмони иншооти мазкур дар шаҳру ноҳияҳои Кӯлоб, Панҷ, Фархор ва Мир Сайид Алии Ҳамадонӣ дидан намуда, нисбат ба сифати корҳои анҷомшуда дар бархе аз онҳо изҳори норозигӣ кард. Вазири  маориф ва илм ба масъулон дастуру супоришҳои мушаххас дода, аз ҷумла қайд кард, ки баробари сохта ба истифода додани мактабҳои наву замонавӣ мактабҳои то ин вақт фаъолияткунанда аз таъмири асосӣ бароварда шуда, ба муассисаҳои таҳсилоти томактабӣ табдил дода шаванд. Таъкид шуд, ки ҳангоми сохтмони биноҳои таълимӣ барои хонандагони имконияташон маҳдуд низ шароити мусоид фароҳам оварда шавад.
Ҳарамгул САНГОВА,
«Ҷумҳурият»


Баёни ақида (0)    Санаи нашр: 19.12.2015    №: 253    Мутолиа карданд: 721

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед