logo

маориф

ТЕМУРМАЛИК: МАСЪАЛАИ ТАШКИЛИ РАВИЯҲО БА ТАЛАБОТ ҶАВОБГӮ НЕСТ

Дар ноҳияи Темурмалик фаъолияти иттиҳодияҳои методии муассисаҳои таълимӣ дар сатҳи паст қарор дошта, ба ғайр аз нақшаи корӣ гузарондани дарсҳои намунавӣ, муҳокима ва баррасии мавзӯъҳои методӣ, таҳлили барнома, нақша ва китобҳои дарсӣ, дастурҳои нави таълимӣ ва методӣ дида намешавад.

Дар ин бора Вайсиддин Исмоилзода, сармутахассиси раёсати таҳсилоти томактабӣ ва миёнаи умумии Вазорати маориф ва илми Ҷумҳурии Тоҷикистон зимни ҷаласаи кормандони соҳаи маориф иттилоъ дод.  Номбурда иброз дошт, ки дар ноҳия дар қатори муассисаҳои таълимӣ бо мақсади баланд бардоштани дараҷаи сифати таҳсили хонандагон Маркази технологияи информатсионӣ ва коммуникатсионӣ, Маркази эҷодиёти кӯдакон (таҳсилоти иловагӣ) ва Маркази дарёфт ва рушди истеъдодҳо таъсис дода шудааст. Аз рӯи маълумоти пешниҳодшуда, танҳо дар давоми соли 2015 ба маблағи умумии 40 ҳазору 236 сомонӣ китобҳои тозанашр барои китобхонаҳои мактабӣ харида шудааст. Бо вуҷуди ин, санҷиш нишон дод, ки талаботи 10 банди мушовараи сайёри Вазорати маориф ва илми ҷумҳурӣ, соли 2014, № 9/1 иҷро нашуда аст. Масъалаи ташкили равияҳо дар муассисаҳои таълимӣ ба талаботи рӯз ҷавобгӯ нест. Дар маҷмӯъ, аз 30 муассисаи таҳсилоти миёнаи умумӣ танҳо дар 2 муассиса 3 синфи таҳсилоти равиявӣ фаъолият доранду халос.
Ҳайати мушовараи Вазорати маориф ва илми ҷумҳурӣ  оид ба вазъи ҳуҷҷатдорӣ ва таҳияи санадҳои меъёрию ҳуқуқии соҳа дар таълимгоҳҳои ноҳия иброз доштанд, ки дар муассисаҳои таҳсилоти умумӣ таҳияи нақшаи кори солона дар муқоиса бо солҳои қаблӣ беҳтар гардида бошад ҳам, вале чун пештара бобҳои дигари нақша аз нақшаи қаблӣ кӯчонида шуда, вобаста ба талаботи замони муосир тағйирот ворид нагардидааст.
- Вазъи таълим ва сатҳи дониши хонандагон низ ҳанӯз мувофиқи матлаб набуда, санҷиши дониши шифоҳии хонандагони синфҳои 5 - 11 - и муассисаҳои таҳсилоти умумии №№ 18, 23, 26, 31 нишон дод, ки таълими фанҳои риёзӣ, забонҳои русӣ ва англисӣ, таърих беҳтар гардида бошад ҳам, дар омӯзиши фанҳои забон ва адабиёти тоҷик, химия ва физика пешравӣ ба назар намерасад, - гуфт Вайсиддин Исмоилзода.
Қайд гардид, ки фаъолияти гурӯҳҳои идоракунии сифати таҳсилот дар муассисаҳои таълимӣ сатҳию рӯякӣ мебошад. Ин гурӯҳҳо мониторинги сифати таҳсилотро дар муҳлатҳои муайяншуда ҷамъбаст накарда, танҳо ба ҷамъи фоизи баҳои мусбат натиҷагирӣ намудаанд. Ҳангоми суҳбат бо кормандони бахши Хадамоти давлатии назорат дар соҳаи маорифи ноҳия муайян гардид, ки худи онҳо оид ба ташкил ва гузарондани мониторинги сифати таҳсилот маълумоти кофӣ надоранд.
Тибқи маълумоти пешниҳодшуда дар соли таҳсили 2014 - 2015 дар 7 муассисаи таълимии ноҳия 10 синфи равиявӣ, 4 синфи равияи ҷамъиятӣ - гуманитарӣ ва 6 синфи равияи табиӣ-математикӣ бо фарогирии 162 нафар хонанда ташкил шудааст, вале ба сабаби қариб дар як баст фаъолият намудани муассисаҳои таълимӣ шароит барои ташкили синфҳои равиявӣ мавҷуд нест.
Намояндаи Маркази миллии тестии назди Президенти Ҷумҳурии Тоҷикистон оид ба натиҷаҳои имтиҳоноти супурдаи довталабони муассисаҳои таълимии ноҳия ҳарф зада, иттилоъ дод, ки агар соли 2014-ум 511 нафар дар заминаи низоми тестӣ барои дохил шудан ба макотиби олӣ ҳуҷҷат супурда бошанд, соли 2015 ин рақам ба 558 мерасад. Дар умум, аз довталабон 52 дарсад тариқи Маркази тестӣ ба макотиби олӣ дохил гардиданд. Аз рӯйи натиҷаҳои имтиҳонот ноҳия дар минтақа дар ҷойи нуҳум ва дар вилоят дар ҷойи сездаҳум қарор дорад. Тибқи азхудкунии дониш ноҳия дар минтақа ҷойи ҳафтум, дар вилоят дар зинаи сездаҳум ва дар ҷумҳурӣ дар ҷойи панҷоҳу панҷум ҷой гирифтааст. Раиси ноҳияи Темурмалик Мирзохон Гулмаҳмадзода зимни баромади худ иброз дошт, ки барои ҳалли мусбати масоили мубрам ва мушкилоту проблемаҳои соҳаи маориф дар ноҳия тамоми чораҳоро хоҳад андешид, то ки камбудию норасоиҳо бартараф карда шуда, сатҳу сифати таълим баланд бардошта шавад.

Ҳарамгул САНГОВА, "Ҷумҳурият"


Баёни ақида (0)    Санаи нашр: 23.12.2015    №: 255    Мутолиа карданд: 565

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед