logo

суханрониҳо

Суханронии Президенти кишвар Эмомалӣ Раҳмон дар мактаби байналмилалии Президентӣ ҳангоми вохӯрӣ бо тарбиятгирандагони мактаб – интернатҳо, шаҳри Душанбе, 29 декабри соли 2015

Фарзандони азиз!
Ҳамаи шуморо ба муносибати Соли нави мелодии 2016-ум, ки баъди ду рӯз фаро мерасад, самимона табрик гуфта, ба ҳар яки шумо саломативу хушбахтӣ ва хониши хубу аъло орзу менамоям.
Ҳукумати мамлакат аз рӯзҳои аввали Истиқлолияти давлатӣ ба ятимону маъюбон ва бепарасторону фарзандони оилаҳои камбизоат таваҷҷуҳи хоса зоҳир намуда, на танҳо таълиму тарбияи онҳоро бар уҳдаи худ гирифт, балки барои ба камолот расондан ва ба ҳаёти мустақилона гусел карданашон ҳамеша чораҷӯӣ менамояд.
Ман ҳар боре, ки ба шаҳру ноҳияҳои мамлакат сафари корӣ анҷом медиҳам, аз зиндагӣ, шароит ва рӯзгори ин табақаи ниёзманди ҷомеа, аз ҷумла ятимону маъюбон, маълумот гирифта, ҷиҳати беҳтар намудани вазъи моддиву техникии таълимгоҳҳои онҳо ба мақомоти дахлдор супориш медиҳам ва барои таъмиру азнавсозӣ ва бо таҷҳизоти зарурӣ таъмин кардани онҳо маблағ ҷудо карда, дастгириву ғамхории доимӣ ва сол аз сол беҳтар намудани шароити ин гурӯҳи осебпазири ҷомеаро вазифаи аввалиндараҷаи худ медонам.
Боиси қаноатмандист, ки аксари хонандагони чунин муассисаҳо ба мактабҳои олии дохил ва хориҷи кишвар бомуваффақият дохил шуда, даҳҳо нафари дигарашон, аллакай, соҳиби ҷойи кору оила шудаанд ва ҳоло баробари дигарон зиндагии хушбахту саодатмандона доранд.
Бори дигар таъкид месозам, ки парасторӣ намудани ятимону маъюбон ва кӯдакони бепарастор вазифа ва рисолати асосии Ҳукумати кишвар буда, дастгирии ин табақаи аҳолӣ аз ҷониби сохтору мақомоти давлатӣ ва ташкилоту муассисаҳо низ ба роҳ монда шудааст.
Солҳои охир ба ин ташаббуси неку хайрхоҳона соҳибкорону тоҷирони саховатманд ва дигар шахсони ҳимматбаланди мамлакат низ пайравӣ намуда, онҳо ба ятимону маъюбон, оилаҳои камбизоат ва муассисаҳое, ки чунин шахсон тарбия мегиранд, кумакҳои беғаразона мерасонанд.
Қобили зикр аст, ки мардуми инсондӯсту хайрхоҳи мо ҳиммату саховат ва расондани ёрмандӣ ба ниёзмандонро нишонаи адои фарзи инсонӣ медонанд.
Ин аст, ки дар рӯзҳои иду арафа ва ҷашну маросимҳо аёдати барҷомондагонро ба ҷо оварда, ба ятимону маъюбон ва бепарасторону оилаҳои камбизоат дасти ёрӣ дароз мекунанд.
Ман чунин меҳисобам, ки дасти сахо доштан яке аз беҳтарин хислатҳои неки инсонӣ буда, дар тарғиби ғояҳои инсондӯстӣ, ҷавонмардӣ ва саховатпешагӣ дар байни ҷомеа нақши бузург мебозад.
Фарзандони азиз!
Ҳукумати Тоҷикистон ҳанӯз аз оғози ба даст овардани истиқлолият ба рушди ҳамаҷонибаи муассисаҳои интернатӣ ва беҳтар гардондани шароити онҳо чораҳои зарурӣ меандешад.
Дар баробари сохтмони мактаб – интернатҳо ҳоло қариб тамоми муассисаҳои мазкур аз таъмири асосӣ бароварда шуда, ҳар сол барои таъмири ҷорӣ, таъмини онҳо бо таҷҳизоти муосир ва дигар лавозимоти зарурӣ маблағҳои зарурӣ ҷудо карда мешаванд.
Дар баробари ин, мо ба масъалаи баланд бардоштани сатҳи малакаи касбии омӯзгорону мураббиёни мактаб – интернатҳо эътибори ҷиддӣ медиҳем.
Ҳамин аст, ки то имрӯз аксари онҳо дар кишварҳои хориҷӣ аз курсҳои таҷрибаомӯзӣ ва такмили ихтисос гузаштаанд.
Маҳз натиҷаи дастгириву ғамхории доимии Ҳукумати мамлакат буд, ки рушди муассисаҳои мазкур таъмин гардида, алҳол дар кишварамон 12 муассиса барои кӯдакони синни томактабии имконияташон маҳдуд ва 74 мактаб - интернат, аз ҷумла 22 мактаб - интернат барои кӯдакони ятим фаъолият менамояд.
Дар муассисаҳои таълимии зикргардида, дар маҷмӯъ, зиёда аз 12 ҳазор нафар хонандагон таҳти ғамхории давлат қарор доранд.
Фарзандони азиз!
Ҳукумати кишвар минбаъд низ барои шумо ва ҳамсолонатон ҳамаи тадбирҳои заруриро андешида, шуморо бо маводи хониш, сарулибос ва дигар шароити лозима таъмин менамояд.
Бори дигар таъкид мекунам, ки шумо ҳамеша дар мадди назари Президент ва Ҳукумати мамлакат қарор доред ва ҳамчун узви комилҳуқуқи ҷомеа ҳеҷ гоҳ аз ғамхориву таваҷҷуҳ бебаҳра нахоҳед монд.
Давлат минбаъд низ тамоми шароити заруриро муҳайё месозад, ки шумо ҳамчун инсони комил ба воя расида, барои халқу Ватани азизи худ хизмат намоед.
Вақт собит сохт, ки аксари ятимону шахсони таҳти сарпарастии давлат қароргирифта ҳамчун мутахассисони соҳибкасбу босавод ба камол расида, дар пешрафти кишвари азизамон ҳиссаи худро гузоштаанд ва ифтихори Ватану сарзамини муқаддаси худ гардидаанд.
Мехоҳам ба роҳбарон ва омӯзгорону мураббиёни мактаб - интернатҳо муроҷиат карда, бори дигар ин нуктаро таъкид намоям, ки дастпарварони муассисаҳои иҷтимоӣ одатан ҳамчун кадрҳои ба миллату давлат содиқ ба воя мерасанд.
Бинобар ин, шумо бояд ба сифати таълим ва касбу ҳунаромӯзии шогирдони худ эътибори аввалиндараҷа диҳед ва гузашта аз ин, онҳоро мисли фарзандони худатон дӯст доред.
Дар охир, бори дигар ҳамаи шумо ва тамоми хонандагони кишварро бо фарорасии Соли нави мелодӣ табрику таҳният гуфта, бароятон саломатӣ, умри дароз ва хушбахтӣ орзу дорам.
Ҳамеша саломату сарбаланд бошед, фарзандони азиз!


Баёни ақида (0)    Санаи нашр: 30.12.2015    №: 260    Мутолиа карданд: 849
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед