logo

маориф

ҲУНАР - ДЕР ОЯДУ ШЕР ОЯД

Дар замони иқтисоди бозоргонӣ корхонаву ташкилот ба коргарони соҳибтахассус  эҳтиёҷи  зиёд доранд.  Рушди  фаъолияти онҳо низ   аз малакаю ҳунари  коргарон вобаста мебошад.  Аз ин  рӯ,  фароҳам намудани шароити таҳсилоти ибтидоии касбӣ ва  таълими калонсолон  ҳамчун   масъалаи мубрами иҷтимоӣ имрӯзҳо дар маркази таваҷҷуҳи Ҳукумати кишвар қарор дорад. Сарвари давлат дар Паёми худ ба Маҷлиси Олии мамлакат  соли 2015 оид ба касбомӯзии шаҳрвандон  ва беҳбудии шуғли аҳолӣ зикр намуд, ки  тибқи супориши Роҳбари давлат дар литсейю коллеҷҳо, марказҳои таълими калонсолон, баъзе муассисаҳои таҳсилоти олии касбӣ ва муассисаҳои таълимии кӯтоҳмуддати бахши хусусӣ ҳар сол зиёда аз 100 ҳазор нафар шаҳрвандон аз курсҳои касбомӯзӣ гузашта истодаанд ва зарур аст, ки ин раванд дар оянда низ идома дода шавад.

Вобаста ба иҷрои супориши Ҳукумати кишвар барои  боло бурдани сатҳи ихтисосмандии шаҳрвандон Вазорати меҳнат, муҳоҷират ва шуғли аҳолии ҷумҳурӣ соли гузашта  дар дохилу хориҷи кишвар ҳазорҳо нафар сокинони синну соли гуногунро ба омӯзиши касб ҷалб намудааст. Доир ба афзоиши шумораи хатмкунандагони муассисаҳои таълимии давлатии ибтидоии касбӣ ва зиёд кардани самтҳои омӯзиши касбу кори гуногун давоми соли гузашта  Раҷабалӣ Гулшанов,  сардори раёсати таҳсилоти ибтидоии касбӣ ва таълими калонсолони Вазорати меҳнат, муҳоҷират ва шуғли аҳолии  ҷумҳурӣ, чунин посух дод:
-  Бо мақсади тайёр намудани  коргарони соҳибихтисос ва ба ин васила беҳтар намудани шуғли аҳолӣ   соли гузашта дар муассисаҳои таҳсилоти ибтидоии касбӣ  таълими хонандагон   аз рӯйи 14 самту 96 ихтисос ба роҳ монда шуд, ки қариб  122 ҳазор нафар   соҳиби касбу кори гуногун  гардиданд.  Аз ин 20 417 нафар дар  литсейҳои касбии техникӣ ва 101209 нафар дар курсҳои кӯтоҳмуддати Маркази таълими калонсолони Тоҷикистон ва филиалу намояндагии он дар шаҳру навоҳии ҷумҳурӣ ба тайёрии касбӣ ва шаҳодатномакунонии малакаҳои тахассусӣ фаро гирифта шуданд. Дар марказҳои таълими калонсолон шаҳрвандон дар  шакли барномавӣ,  шаҳодатномакунонии малакаи касбӣ ва худмаблағгузор таҳсил менамоянд. Аз маълумоти муассисаҳои таълимии соҳаи таҳсилоти ибтидоии касбӣ ва  Маркази таълими калонсолон  бармеояд, ки теъдоди хатмкунандагон  нисбат ба соли 2014    афзуда, 76, 1 дарсади хонандагон  аз ҳисоби буҷети давлатӣ таҳсил намудаанд.    Хонандагони  шартномавӣ дар муқоиса ба соли  2014  10, 3 дарсад бештар мебошанд.  Дар заминаи фаъолияти босамари муассисаҳои таълимии касбии ҷумҳурӣ  3908 нафари муҳассилини онҳо   бо ҷойи кори доимӣ таъмин гардиданд, ки нисбат ба соли 2014  794 нафар афзудааст.
Хушбахтона, имрӯзҳо бо роҳандозии омӯзишии касбу ихтисосҳо вобаста ба талаботи корфармоён  дар дохил ва  хориҷи мамлакат шаҳрвандон то андозае аз мушкилии бекасбӣ раҳо ёфтанд.  Агар пештар коргарони ватанӣ ҳангоми бастани шартномаи кор бинобар надоштани тахассус шароити номусоиди ҷойи корро сарфи назар мекарданд, акнун бо омӯхтани касби муайян метавонанд ҷойи кори беҳтарро интихоб намоянд. Ҳоло бо назардошти талаботи бозори меҳнат вазорат дар оянда курсҳои кӯтоҳмуддат ва ихтисосҳоро аз рӯйи самтҳои афзалиятнок бештар хоҳад намуд.  Бо  ҳамин роҳ  имконияти дарёфти ҷойи корро барои шаҳрвандон, бавижа дар хориҷа  метавон васеъ намуд. Зеро шахси соҳибкасб ҳамеша ҷойи кори муносиб меёбад ва дар пайдо кардани он мушкилӣ надорад. 

Ташрифулло САЪДУЛЛОЕВ,
“Ҷумҳурият”


Баёни ақида (0)    Санаи нашр: 9.01.2016    №: 6    Мутолиа карданд: 839

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед