logo

маориф

МАКТАБИ № 22: МИЗУ КУРСИҲОИ ШИКАСТА, ДАРУ ТИРЕЗАИ ФАРСУДА…

Возеҳ аст, ки Ҳукумати мамлакат нисбат ба рушди соҳаи маориф таваҷҷуҳи вижа дошта, баҳри баланд бардоштани сифати таълим дар макотиби таҳсилоти ҳамагонӣ ва омода намудани хонандагони боистеъдод тадбирҳои заруриро роҳандозӣ менамояд. Мутаассифона, дар иддае аз навоҳии мамлакат мактабҳое ҳастанд, ки маҳз бо ҷурми масъулон, ҷойи пешрафт, рӯ ба харобӣ овардан доранд. Бешаку шубҳа, метавон муассисаи таҳсилоти миёнаи умумии № 22-и Ҷамоати деҳоти Худоёр Раҷабови ноҳияи Восеъро далел овард. Вақти боздид аз он маълум гардид, ки дар ҳолати ногувор қарор дорад. Даромадан баробар роҳрави деворҳояш рангпаридаю таъмирталаб касро дар тааҷҷуб мемонад. Ҳангоми боридани борону барф аз сақфи роҳрав об чакида, намнокии зиёд ҳолати фаршу деворҳоро низ бадтар кардааст.

Мудири мактаб худро Қиёмиддин Ашӯралиев муаррифӣ намуда, сараввал дар бобати ҳолати он ба хабарнигори «Ҷумҳурият» маълумот доданро рад кард.
- Ба мо таъкид кардаанд, ки бе иҷозати намояндаи шуъбаи маорифи ноҳия ба хабарнигорон рухсати дидан кардан аз мактабро надиҳем. Бубахшед, мо дастурро иҷро мекунем. Зеро моҳе қабл хабарнигорон аз як расонаи хабарӣ омада буданд. Баъди рафтанашон моро ҷазо доданд. Гуфтанд, ки «чаро бидуни пурсидан аз шуъба гузоштед рӯзноманигорон вазъияти мактабро бубинанд? Барои ба нафақа баромаданам ҳам, рӯзҳои башумор мондааст», - афзуд ӯ.
Ҳайрон гардидам аз суханону муомилаи роҳбари муассиса. Аз мудир суол кардам: «Оё шумо намояндаи шуъбаи маорифи ноҳия дар мактаб нестед? Барои шумо риояю иҷрои қонунҳои амалкунанда муҳим аст ё «қонунҳои нонавишта» - и бахши маорифатон?» Билохира, барои иттилоъ додану аз муассиса боздид намудан розӣ шуд. Бино ба иттилои мудир, мактаб 1 сентябри соли 1978 ба фаъолият пардохтааст. То имрӯз рӯи таъмири асосиро надидааст. Дару тирезаҳои синфхонаҳо куҳна, мизу курсиҳои дарсӣ шикаста, манзараи бениҳоят ҳузнангезро дар назар мемонад. Мактаб барои 460 нафар хонанда бунёд шудааст. Алъон дар он 1092 нафар толибилм дар ду баст таҳсил мекунад. Ҷойи нишаст барои онҳо басанда нест. Дар шароитҳои бадтарин сабақ меомӯзанд.
  Толори маҷлисии ин махзани илму маърифат, ки дар ошёнаи дуюм ҷойгир аст, ба харобазор мубаддал гаштааст. Комилан аз истифода бозмонда, роҳи рафтан ба он ҷо баста шудааст. Дару тирезааш шикаста, фаршу сақфаш валангор аст. Вақти боришот аз бомаш чунон беист об мерезад, ки ҳатто ба ошёнаи аввал осебаш мерасад. Бавижа, толори варзиш аз он зарар мебинад.
- Соли хониши 2015 - 2016 аз ҳисоби буҷети маҳаллӣ чӣ қадар маблағ барои таъмири мактаб ҷудо гардидааст, воқиф нестам. Вале, танҳо барои рангубори фаршу деворҳо басанда буд. Бо чунин миқдори пул ҳеҷ гоҳ наметавон боми муассисаро аз нав сохт. Атрофи ин мушкилӣ бо вазири маориф ва илми ҷумҳурӣ суҳбат кардем ва ваъдаи дастгирӣ низ гирифтем. Қарор аст, ки дар соли 2016 аз ҳисоби вазорати маориф ва илми Ҷумҳурии Тоҷикистон мактаб таъмири пурра шавад, - илова кард Қ. Ашӯралиев. 
Сироҷиддин Гурезов, мудири тозаинтихоби шуъбаи маориф зимни суҳбат гуфт, ки воқеан бинои мактаб дар ҳолати бад қарор дорад. Онҳо низ сайъ доранд то ин масъала ҳалли худро ёбад. Маълум, ки хунукназарию саҳлангории маҳз масъулони соҳа муассисаро ба чунин ҳолу рӯз расондааст.
 Ёқуби СОДИҚ, «Ҷумҳурият»


Баёни ақида (0)    Санаи нашр: 14.01.2016    №: 9    Мутолиа карданд: 729

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед