logo

энергетика

ҲИДОЯТ БА ОБОДОНИИ ВАТАН ВА ЗИНДАГИИ ШОИСТА

РУШДИ ЭНЕРГЕТИКАИ ОБӢ САМТИ АФЗАЛИ СИЁСАТИ ДАВЛАТ АСТ

Паёми имсолаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барномаи муҳими танзими фаъолият барои ноил шудан ба зиндагии шоистаи босаодат мебошад. Дар он ба масъалаи рушди соҳаи энергетика диққати хоса дода шудааст. Паём барои мо - энергетикҳо ҳидоят ба ободгарию созандагӣ, заҳмати содиқонаву софдилона ва дастур барои фаъолияти босамар аст.

Соли 2015 дар давлатҳои Осиёи Марказӣ тақрибан 157,7 миллиард кВт - соат неруи барқ истеҳсол шудааст, ки ин талаботи аксари мамолики минтақаро қонеъ намекунад. Бар иловаи ин, талабот ба неруи барқ то соли 2020 ба 180 миллиард кВт - соат ва то соли 2025 ба андозаи 206 миллиард кВт - соат меафзояд. Дар заминаи талаботи рӯзафзун кишвари мо, ки дорои захираҳои азими неруи барқи обист, метавонад дар минтақа нақши калидӣ дошта бошад. Алҳол аз захираи муътамади неруи барқи мо, ки аз рӯи ҳисоби мутахассисон дар як сол 527 миллиард кВт - соатро ташкил медиҳад, қисми хеле камаш истифода мешаваду халос. Вобаста ба ин, дар Паём таъкид шудааст: «Пешрафти ояндаи ҷаҳон аз энергияи барқароршаванда вобастагии зиёд дорад. Зеро он омили муҳими таъмин намудани тараққиёти босуботи иқтисодиву иҷтимоӣ, ташаккули «иқтисоди сабз», ҳифзи муҳити зист, пешгирии офатҳои табиии вобаста ба тағйирёбии иқлим ва коҳиши партовҳои гази карбон мебошад. Тоҷикистон чун кишвари дорои захираҳои фаровони об ҷонибдори истифодаи одилонаву оқилонаи ин захираҳо тавассути ҳамкории  байналмилалӣ ва минтақавӣ мебошад ва татбиқи пайгиронаи дипломатияи ҳамкорӣ  дар соҳаи обро ягона  василаи  ҳалли мушкилот  дар ин самт медонад».
Амалан, бо дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон имконият фароҳам омад, ки дар кишвари мо дар солҳои Истиқлолияти давлатӣ як зумра иншооти муҳим ва хеле зарурӣ сохта, ба истифода дода шавад. Бунёд ва мавриди баҳрабардорӣ қарор гирифтани неругоҳҳои барқи обии «Сангтӯда - 1» ва «Сангтӯда - 2», Маркази барқу гармидиҳии “Душанбе - 2”, зиёда аз 300 неругоҳи хурд, хатҳои интиқоли барқи баландшиддати «Ҷануб - Шимол», «Лолазор - Хатлон», «Хуҷанд - Айнӣ», «Сангтӯда - Лолазор», «Сангтӯда – НБО - и Сарбанд», “Қайроққум - Ашт”, таҷдид ва пурқудрат намудани неругоҳҳо, зеристгоҳҳо ва шабакаҳои барқӣ, ҳам соҳаро побарҷо нигоҳ доштанд ва ҳам иқтидору эътимоднокии таъминоти энергияи барқиро дар ҷумҳурӣ беҳтар намуданд.
Бешак, дар кишвари мо энергетика рушд меёбад, вале дар робита ба сол то сол беҳ шудани сатҳи зиндагии мардум ва рушди иқтисодиёти кишвар талабот ба барқ низ меафзояд. Дар давраи истиқлолият шумораи аҳолии кишвар беш аз 65 дарсад афзоиш ёфта, оилаҳои нав ба вуҷуд омаданд, манзилҳои истиқоматии нав бунёд гардиданд. Фақат дар солҳои 2013 - 2014 - ум беш аз 2 миллиону 100 ҳазор метри мураббаъ манзил сохта, ба истифода дода шудааст. Илова бар ин, дар ин давра 17320 корхонаву коргоҳҳои нави истеҳсоливу хизматрасонӣ ба кор оғоз карданд ва ин арсаи бунёдкорӣ истеҳсоли неруи барқи иловагиро тақозо дорад. Дар Паёми имсола таъкид шудааст: “Соли 2016 мо нақша дорем, ки дар ҳаҷми 300 мегаватт иқтидорҳои иловагии энергетикиро ба истифода супорем. Вале дар баробари ин, мо дар давоми сол ба кор андохтани иқтидорҳои нави саноатиро дар ҳаҷми 350 мегаватт ба нақша гирифтаем.”
Дар ин замина, кормандони ин соҳаи муҳим ҷаҳду талош доранд, ки бо назардошти ин талаботи афзоянда ба пешбурди соҳа ноил гарданд ва ба рушди Тоҷикистони азиз мусоидат намоянд.
Мо, кормандони соҳаи энергетикаи Тоҷикистон, супоришу ҳидоятҳоеро, ки аз Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бармеоянд ва ҳадафи аслии онҳо пешрафти кишвар ва саодати ҳамдиёрони мост, ҳамчун дастури муҳимтарин сармашқи зиндагӣ ва фаъолият намуда, талош менамоем барои рушди соҳаи энергетика, ободонию шукуфоии диёр, расондани рӯшноию гармии ҳамешагӣ ба ҳар хонадон ва татбиқи ҳар нуктаи Паёми Пешвои муаззам саҳми муносиби худро гузорем.
Мирзо ИСМОИЛЗОДА,
раиси Ширкати
саҳомию холдингии
 кушодаи «Барқи Тоҷик»


Баёни ақида (0)    Санаи нашр: 27.01.2016    №: 18    Мутолиа карданд: 12128

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон

Густариши ҳамкориҳо дар соҳаи сайёҳӣ

Ванҷ. Корҳои ободонӣ вусъат меёбанд

ХАТЛОН. Ба ҳунар арҷ мегузоранд

ИШКОШИМ. Беморон таҳти назорат қарор доранд

Хадамот ба буҷети мамлакат 92799, 26 сомонӣ ворид намуд

"ТОҶИК – ЭЙР". Камбудиҳо бартараф мешаванд

АГЕНТИИ ОМОР. Пешниҳоди шакли нави ҳисоботи ҷойҳои кории навтаъсис

Шералӣ Сиддиқзода: "Шароити муосири таҳсилро фароҳам меорем"

Агентӣ 1980 ҷинояти коррупсиониро ошкор кард

Бекоршавии ақди никоҳ аз мушкилоти мубрам боқӣ мемонад

14.02.2018


ҲИСОР. Аз таъмини дурнамои пахта то иҷрои барзиёди даромади буҷет


Дар сомонаҳои дигари Тоҷикистон хонед