logo

муҳоҷират

ДИАСПОРАҲО

ҶАЛБИ ОНҲО БА РУШДИ ТОҶИКИСТОН ЗАРУР АСТ
Яке аз масъалаҳои муҳим ва ҳалталаб дар самти муҳоҷират, ки метавонад бевосита ба вазъи иқтисодию иҷтимоии кишварҳои интиқолдиҳандаи муҳоҷирони меҳнатӣ таъсири мусбат расонад, ин ҷалб ва истифодаи самараноки диаспораҳо ва ҳамватанони бурунмарзӣ дар амалисозии нақшаю барномаҳои давлатӣ мебошад. Айни замон масъалаи мазкур барои Тоҷикистон ниҳоят афзалиятнок буда, давлати мо бояд барои ба даст овардани натиҷаҳои мусбат дар ин самт талош намояд.

Давлатҳои ҷаҳон ва коршиносони байналмилалӣ дар соҳаи муҳоҷирати меҳнатӣ таҷрибаи пешқадами Филиппин ва Ҳиндустонро дар ҷалб ва истифодаи оқилонаи сармоягузории диаспораҳо ҳамчун намуна нишон медиҳанд. Мақомоти давлатии кишварҳои зикргардида барои ҷалби маблағҳои диаспораҳо, ҳамватанони бурунмарзӣ ва муҳоҷирони меҳнатӣ дар рушди иқтисодии мамлакат кафолат дода, ба ин васила баҳри шаҳрвандони худ ҷойҳои нави кории доимиро ташкил мекунанд.
Инчунин, мақомоти давлатии Филиппин ва Ҳиндустон ба диаспораҳо, ҳамватанони бурунмарзӣ ва муҳоҷирони меҳнатии ба ватан бозгашта имконият медиҳанд, ки фаъолиятро дар самти соҳибкории хурду миёна бемамониат ба роҳ монанд. Барои ҳавасманд ва пурзӯр намудани фаъолият дар ин самт кумитаи андоз субъектҳои навташкилро ба муҳлати ду сол аз ҳамаи намудҳои андоз ба истиснои андози музди меҳнат ва суғуртаи иҷтимоӣ озод менамояд.
Миқдори маблағҳои воридшудаи диаспораҳо, ҳамватанони бурунмарзӣ ва муҳоҷирони меҳнатии Ҳиндустон аз хориҷа ба давлати худ сол ба сол афзуда, яке аз сабабҳои беҳтар шудани вазъи иқтисодиву иҷтимоии шаҳрвандон, бавижа дар соҳаи кишоварзӣ, гаштааст. Танҳо соли 2012 ба Ҳиндустон аз ҳисоби муҳоҷирати меҳнатӣ 68 миллиард доллари ИМА ворид шудааст.
Ҳукумати Ҷумҳурии Тоҷикистон бо мақсади ҷалби ҳамватанони бурунмарзӣ, диаспораҳо, ҷамъиятҳои тоҷикон ва муҳоҷирони меҳнатӣ, ки дар хориҷи мамлакат зиндагию фаъолият доранд, соли 2010  «Консепсия дар бораи ҷалби ҳамватанони бурунмарзӣ ҳамчун шарикони рушди кишвар»-ро тасдиқ кард, ки он соли 2015 дар таҳрири нав ба тасвиб расид.
Мутаассифона, барои анҷом додани фаъолияти пурсамар дар ҳамкорӣ бо диаспораҳо ва ҳамватанони бурунмарзӣ тадбирҳои андешидаи мақоми ваколатдор дар симои Вазорати меҳнат, муҳоҷират ва шуғли аҳолӣ чандон натиҷаи назаррас надоранд. Ҳарчанд дар ду соли охир, вазорат метавонист дар асоси ваколатҳои худ роҳбарии соҳаи муҳоҷират ва татбиқи сиёсати давлатиро дар ин самт аз будаш амалӣ созад… Аз ин лиҳоз ин самти барои кишвари мо ниҳоят муҳим таваҷҷуҳи бештар мехоҳад. 
Бо назардошти зиёд шудани муҳоҷират дар ҷомеаи ҷаҳонӣ ва, аз ҷумла, дар мамлакати мо, бунёд намудани Пажӯҳишгоҳи диаспораҳо ва ҳамгироии муҳоҷирони бозгашта (Институт диаспоры и интеграции возвратившихся мигрантов) зарур аст. Зеро соҳаи мазкур доимо ба гузарондани тадқиқот ва таҳлилҳои илмиву амалӣ ниёз дорад.
Бо мақсади ба танзим даровардани равандҳои муҳоҷирати аҳолӣ, инчунин ҷиҳати таъмини идоракунии давлатӣ дар самти муҳоҷират ва иҷрои пурраи ваколатҳо ҳамчун пешвои соҳа, дар Тоҷикистон таъсис додани вазорат ва ё кумита оид ба масъалаҳои муҳоҷират ба мақсад мувофиқ мебошад.
Дар сохтори ин ниҳод будани раёсати кор бо диаспора ва ҳамватанони бурунмарзӣ пешбинӣ карда шавад, зеро мутобиқи маълумоти Хадамоти федеролии муҳоҷирати Русия, танҳо дар ҳудуди ин кишвар зиёда аз 150 диаспора ва ҷамъияти тоҷикон ба қайд гирифта шудааст. Ҳамзамон, маълум аст, ки дар қаламрави давлатҳои хориҷи дуру наздик низ диаспора ва ҷамъиятҳои тоҷикон фаъолият доранд ва бо ҳамаи онҳо бояд равобити доимӣ ба роҳ монда шавад. Мутаассифона, сохтори ҳозираи дастгоҳи марказии идораи муҳоҷират дар ин самт натиҷаҳои назаррас надорад.
Барои ноил гардидан ба натиҷаҳои дилхоҳ дар соҳаи муҳоҷират, аз ҷумла дар ҳамкорӣ бо диаспора ва ҳамватанони бурунмарзӣ ва таҳти идоракунии давлатӣ қарор додани равандҳои он, бо назардошти мо ҳалли се масъалаи зерин ногузир аст:
1. Таъсиси ниҳоди мустақил дар симои вазорат ва ё кумита оид ба муҳоҷират бо қабули кормандони масъулу ботаҷриба ва коршиносони соҳа.
2. Таҳия ва қабули санадҳои меъёрии ҳуқуқии замонавӣ ва ба таври касбӣ ба роҳ мондани ҳамкориҳо бо давлатҳои хориҷи дуру наздик дар самти муҳоҷират.
3. Дар сатҳи баланд ба роҳ мондани ҳамоҳангсозии масъалаҳо ва ҳамкориҳои байниидоравӣ, дастгирии ташаббуси ваколатдор ва пешвои соҳа оид ба муҳоҷират.

Саъдулло ИСЛОМОВ,
доктори илмҳои иқтисодиёт,
Анвар БОБОЕВ,
номзади илмҳои иқтисодиёт


Баёни ақида (0)    Санаи нашр: 10.02.2016    №: 28    Мутолиа карданд: 12362

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед