logo

ҳуқуқ

МЕҲНАТИ КӮДАК ШУБҲАЕ НЕСТ, КИ ОН АЗ БАЙН МЕРАВАД

Тавре дар шумораи қаблӣ хабар дода будем, дар толори намояндагии  Ташкилоти байналмилалии меҳнат (ТБМ) дар Тоҷикистон ҷиҳати натиҷагирӣ аз 10 соли татбиқи «Барномаи байналмилалии ТБМ оид ба барҳам  додани меҳнати кӯдак» ва соли аввали  амалисозии «Барномаи миллӣ оид ба барҳамдиҳии шаклҳои бадтарини меҳнати кӯдакон дар Ҷумҳурии Тоҷикистон барои солҳои 2015 – 2020» мизи мудаввар баргузор гардид. Чанде аз ширкатдорон андешаҳои худро ҷиҳати роҳҳои  босамари татбиқи  барнома ва барҳам додани меҳнати кӯдакон, хусусан шаклҳои бадтарини он,  ба хабарнигори рӯзнома чунин баён доштанд:

Раҷабалӣ РАҶАБОВ,
сардори раёсати робитаҳои меҳнатӣ ва сатҳи зиндагии Вазорати меҳнат, муҳоҷират ва шуғли аҳолӣ:
Ба заҳмати  аъзои Шӯрои  ҳамоҳангсози байниидорӣ оид ба  барҳам додани шаклҳои бадтарини меҳнати кӯдак дар ҳамкорӣ бо  кормандони Дастгоҳи иҷроияи Президенти Ҷумҳурии Тоҷикистон, вакилони Маҷлиси  намояндагони Маҷлиси Олӣ,  вазорату идораҳо ва созмонҳои  ҷамъиятӣ барнома ва Рӯйхати  шаклҳои  бадтарини  меҳнати кӯдак ба тасвиб расиданд. Ба ин рӯйхат беш аз 1800 намуди корҳо дохил гардидаанд.

Азизбек ШАРИФОВ,
раиси Иттиҳоди корфармоёни Тоҷикистон:
- Барои  барҳам додани меҳнати кӯдакон, хусусан шаклҳои  бадтарини он  баланд бардоштани  савияи дониши  корфармоён, падару модарон ва омӯзгоронро хеле зарур мешуморам. Бо назардошти ин, мо дар  ноҳияҳои Рӯдакӣ ва Тавилдара марказҳои омӯзишии корфармоён ва падару  модаронро таъсис додем. Рӯзҳои аввал хусусан падару модарон аз амалҳои фаҳмондадиҳии мо оид ба барҳам додани меҳнати  кӯдак сахт нигарон буданд. «Фарзанди  худамро дар меҳнат обутоб медиҳам, то ин ки дайду ва коргурез нашавад» мегуфтанд. Аксари падару модарон  ва ҳатто баъзе муаллимон дар бораи фарқи байни корҳои хонагӣ ва шаклҳои бадтарини  меҳнати кӯдакон тасаввуроте надоштанд.

Файзизода Исмоил НАЗРӢ,
муовини раиси Федератсияи иттифоқҳои касабаи  мустақил:
- Зарур аст, ки дар бахши ҳифзи иҷтимоӣ ба беҳтар намудани вазъи кӯдакон афзалият диҳем. Курсҳои таълимӣ дар мавзӯи «Барҳам додани меҳнати кӯдак дар бахши кишоварзӣ», ки дар якҷоягӣ бо мутахассисони ТБМ барои кормандони иттифоқҳои касаба гузаронда шуданд, семинарҳои таълимӣ барои аъзои  кумитаҳои  падару модарон, ки дар онҳо беш аз 300 нафар раисону аъзои кумитаҳо аз 100 мактаби  таҳсилоти умумии вилояти Хатлон ширкат варзиданд,  бозомӯзии беш аз 180  раиси кумитаи  иттифоқҳои касабаи  комплекси агросаноатӣ, роҳандозии тадбирҳо дар байни  фаъолони  иттифоқҳои касабаи бозорҳои «Корвон», «Шоҳмансур», «Саховат», «Баракат», «Деҳқон» ва «Қарияи Боло» натиҷаҳои хуб  ба бор оварданд.

Абдувалӣ ҚУЛОВ,
сардори раёсати демография, шуғли аҳолӣ ва омори  иҷтимоии Агентии омори назди  Президенти Ҷумҳурии Тоҷикистон:
- Натиҷаи  ҳамкории хуби Агентии омор бо ТБМ буд, ки «Натиҷаҳои  тадқиқоти меҳнати кӯдакон дар солҳои  2012 - 2013» ба табъ расид. Ин иқдом на танҳо дар Тоҷикистон, балки дар байни кишварҳои пасошӯравӣ нахустин аст. Тоҷикистон дорои захираҳои бузурги меҳнатист, зеро беш аз нисфи аҳолии мамлакатро кӯдакону ҷавонон ташкил медиҳанд. 23,4 дарсади  кӯдакони 5 – 17 – сола ягон намуди  фаъолияти меҳнатӣ ё корҳои хонагиро  анҷом медиҳанд. 2,3% - и кӯдакон (аз ҳамин 23,4 %) ба корҳои вазнин ё зиёновар ҷалб гардидаанд, дигарон ба корҳои беарзиш ва хонагӣ машғуланд.
*  *  *
Кӯдакон дар Тоҷикистон таҳти ғамхории хосаи Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат Эмомалӣ Раҳмон, давлат ва Ҳукумати ҷумҳурӣ қарор доранд. Президенти Тоҷикистон дар муаррифии шабакаи мониторинги  меҳнати кӯдак дар Маркази миллии омӯзиши калонсолон ширкат  варзида, бо наврасони коргар вохӯрӣ кард,  барои самаранокии раванди  пешгирии меҳнати кӯдак   дастурҳои мушаххас дод ва роҳбарону масъулони соҳаро ба ҳамкориҳои фарогир бо ТБМ – ИПЕК ҳидоят намуд. Соли 2015 дар Дастгоҳи  иҷроияи  Президенти Ҷумҳурии Тоҷикистон шуъбаи  махсуси ҳимояи ҳуқуқи кӯдак таъсис ёфт. Ҳукумат самти дурусти  мубориза барои барҳам додани шаклҳои бадтарини меҳнати кӯдакро муайян намуд ва шубҳае нест, дар ин ҷода гомҳои устувор ниҳода, ба муваффақият ноил мегардад.
 

Сайвалӣ АЗИЗОВ, «Ҷумҳурият»


Баёни ақида (0)    Санаи нашр: 19.02.2016    №: 35    Мутолиа карданд: 578
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед