logo

маориф

ТАЪМИНИ ЛИБОСИ МАКТАБӢ МУШКИЛОТ ДОРАД

Таъмини хонандагон бо либосҳои мактабии истеҳсоли дохилӣ аз масъалаҳои мавриди назар маҳсуб меёбад. Бо ин мақсад дар се соли охир дар ВМКБ 12 корхонаи дӯзандагӣ бо насби 283 дастгоҳ  ташкил гардида, фаъолият бурда истодааст.
Дар ин самт соҳибкорони алоҳида аз маблағҳои гранти президентӣ низ бархӯрдор шуданд. Тавре аз таҳлилҳо бармеояд, фаъолияти ин коргоҳҳо натиҷаҳои аввалин ба бор оварда истодаанд. Ба ғайр аз он ки корхонаҳои мазкур соли  сипаришуда дар асоси фармоиши алоҳидаи шахсони воқеӣ ва муассисаҳои дигари вилоят маҳсулот истеҳсол намуда, ба фурӯш баровардаанд, боз бо муассисаҳои таҳсилотӣ низ шартнома дошта, дар асоси он иловатан 1952 ҷуфт либоси мактабӣ дӯхтаанд. Аз ҷумла, коргоҳи дӯзандагии «Нури бахт» - и ноҳияи Ванҷ 1100 ҷуфт, корхонаи дӯзандагии Кохи бонувон - «Меҳри модар» - и ноҳияи Дарвоз 352 ҷуфт, «Дилафрӯз» - и шаҳри Хоруғ 280 ҷуфт, фабрикаи дӯзандагии «Баҳор» - и ноҳияи Шуғнон 100 ва коргоҳи дӯзандагии «Сағирдашт» - и ноҳияи Дарвоз 120 ҷуфт либоси мактабиро дар асоси шартномаи тарафайн  дастраси  муассисаҳои таълимии вилоят гардонданд. Аммо ин натиҷаҳо айни ҳол қонеъкунанда нестанд. Зеро камтар аз даҳ дарсади  хонандагони мактабҳои вилоят бо  либоси истеҳсоли корхонаҳои маҳаллӣ таъмин гардидаанду халос. Пас чӣ бояд кард?
 - Мақомоти иҷроияи маҳаллии ҳокимияти давлатӣ ҳавасманд аст, ки ба манзури боло бурдани даромади молиявии корхонаҳо ва дар ин замина ғанӣ гардидани буҷети маҳаллӣ, таъмини бештари мактабиён бо либоси ягона, кам кардани хароҷоти волидайн ба ин мақсад ва ҷалби мутахассисони бекор ба шуғл  сару либоси мактабӣ дар корхонаҳои  маҳаллӣ дӯхта шавад. Вале мушкил он аст, ки зарфияти корхонаҳои маҳаллӣ барои иҷрои  ин талабот омода нест, - мегӯяд А. Шоҳзодаева. Ҳамасола барои он ки талаботи муассисаҳои таҳсилоти ҳамагонии вилоят бо либоси мактабии хонандагон пурра таъмин карда шавад, тақрибан 35 - 40 миллион сомонӣ аз қаламрави вилоят берун  мебарояд. Барои он ки ин маблағҳо минбаъд ба ҳисоби корхонаҳои маҳаллӣ гузаранд, бояд чораҳои муассир ва мушаххас роҳандозӣ шаванд. Ба ин мақсад соли равон дар нақша аст, ки барои сайқали маҳорати дӯзандагони коргоҳҳои вилоят мутахассисони касбии тарроҳ ва дӯзандаро аз шаҳри Душанбе ва вилоятҳои Суғду Хатлон ҷалб намоем. Дар самти тарғиби либосҳои дӯхти маҳаллӣ байни  хонандагону волидайн, ба сатҳи болотар баровардани ҳамоҳангии корхонаҳои дӯзандагӣ ва  шуъбаҳои маорифи шаҳру ноҳияҳо   бештар кор кардан лозим меояд. Ба мақсади васеъ намудани имкониятҳои молии корхонаҳои дӯзандагӣ  филиалҳои бонкҳо дар вилоят азм доранд, ки соли равон бо пешниҳоди  барномаҳои асоснок ба ин коргоҳҳо қарзҳои имтиёзнок ва дарозмуддат пешкаш намоянд. Ҳамчунин  аз ҳисоби волидон  пешпардохти  як миқдор маблағ ба корхонаҳои дӯзандагӣ низ яке аз омилҳои ҳавасмандсозии ин корхонаҳо ба дӯхти либоси босифату нисбатан арзони мактабӣ арзёбӣ мегардад, ки аз ин омил низ минбаъд метавон истифода бурд. Умуман пешрафт дар кори таъминоти  мактабиён  бо  либоси ягонаи тавсиявӣ  ба  фаъолияти  ҳам  маорифчиён ва ҳам корхонаҳои дӯзандагии вилоят сахт рабт дорад ва то чӣ андоза онҳо минбаъд  дар  ин росто муваффақ мегарданд, оянда  муайян месозад. Он чиз мусаллам аст, ки ҳукумати кишвар, мақомоти иҷроияи маҳаллии ҳокимияти давлатӣ истеҳсолкунандагони маҳаллиро ҳамаҷониба дастгирӣ мекунанд, боқимонда   бурду  бохти онҳо ба то чӣ андоза аз ҷониби худи онҳо самаранок истифода шудани имкониятҳои мавҷуда вобаста аст.           
 Раҳмони ГУЛЗОР,
«Ҷумҳурият»


Баёни ақида (0)    Санаи нашр: 1.03.2016    №: 42    Мутолиа карданд: 633

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед