logo

номаҳо

РИСОЛАТИ ИНСОНИРО ФАРОМӮШ НАСОЗЕМ

Чаро то ҳол аксаран худогоҳ нестем? Ба масъалаҳои ҷузъие нерую вақти худро зоеъ мекунем, ки ҷомеаи ҷаҳонӣ кайҳо аз онҳо раҳо ёфтааст. Ба назари ман, ҳанӯз ҳам иддае аз ҳамватанони мо худро пурра нашинохтаанд, худогоҳ нагаштаанд, тафаккур ва ҳатто тарзи зиндагиро бо фикру ақидаи дигарон пеш мебаранд, андешаву ақли созандаашонро бедор нигоҳ намедоранд. Кор ба ҷое расидааст, ки  то нафари масъуле ниҳол шинондан ё тоза кардани ин ё он мавзеъро нафармояд, аз пеши худашон иқдоми ободониву озодагии муҳити зисташонро намекунанд, гӯё ин обу хок аз онҳо нест.
Майдон ҳанӯз аз мардони шуҷоъ ва қавиирода холӣ нашудааст. Нафарони бонангу номуси зиёде ҳастанд, ки ҳар рӯз ба ҷомеа нафъе мерасонанд. Чунин соҳибдилон бояд аксариятро ташкил диҳанд. Ба мушоҳида гирифтаем, ки ҳанӯз ҳам баъзеҳо, махсусан гурӯҳи муайяни ҷавонон домани муллоҳои чаласавод, фолбину афсунгар ва пири худро маҳкам дошта, ҳалли ҳар балову офат ва пешомади бахту саодатро аз дуову тадбири онҳо меҷӯянду металабанд. Аммо онҳо фалсафаи ҳастӣ ва вазифаву рисолати инсонии худро ба гӯшаи фаромӯшӣ супурдаанд. Зеро Парвардигор ба ҳар як нафар вуҷуди солим ва панҷ узви эҳсосро ба хотири худшиносӣ ва истиқлолияти ботиниву зоҳирӣ арзонӣ доштааст. Ҳол он ки беҳтарин силоҳу сипари мо дар шикасту рехти рӯзгор ақлу дониш ва хиради андӯхтаи мост. Маҳз донишу хирад имкон медиҳад, ки сарнавишти худро ба дасти худ бинвисем.
Ин андешаҳоро шурӯъ аз Рӯдакиву Фирдавсӣ то Аҳмади Донишу Садриддин Айнӣ изҳор доштаанд: ба замин то дона напошӣ, гандум намерӯяд, бо ҳалво гуфтан даҳон ширин намешавад, меҳнат кунӣ, роҳат мебинӣ.
Имрӯзҳо авзои давлатҳои Ховари Миёна, аз ҷумла Сурия, Ироқ ва Либия барои мо бояд дарси ибрат ва бонги изтироб бошад. Абарқудратҳо ва онҳое, ки зери ниқоби дини мубини ислом ҷавонони гумроҳ ва бесаводро ба терроризм ҷалб карда истодаанд, ҳатто аз ислом бегона ҳастанд. Ҳар яки мо, агар нангу номус дорем ва меҳанпараст ҳастем, бояд дар хилваткадаи тасаввуру тафаккури худ аз ҳоли табоҳи мардуми ин кишварҳо, масҷиду манораҳои хароб ва фавҷи гурезагони ба Аврупо рехта андеша намоем ва баъд Тоҷикистони орому осуда ва биҳиштосоро аз пеши чашм гузаронем. Он вақт хулосаи зарурӣ бароварда, Ватанамонро обод ва пеши роҳи ҳар гуна иғвову дасисаро гирифта метавонем.

Рустам ШЕРОВ, шаҳри Панҷакент


Баёни ақида (0)    Санаи нашр: 3.03.2016    №: 44    Мутолиа карданд: 4230

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед