logo

фарҳанг

«ШАБИ ЭҶОДӢ» ДАР ШАБИ ЭҶОДӢ

Чаро ба «ширу шакар» омадам?  Савол замоне дар зеҳнам пайдо шуд, ки дар кохи «Ҷомӣ»  луқмапартоиҳои як гурӯҳ «бачаҳои шух» аз садои Афзалшоҳи Шодӣ, хеле гушхарошу баландтар садо дода, табъи на танҳо ман, балки тамошобинони дигарро якбора хира кард. Ҳарчанд кӯшиш кардам, то ин муҳитро нодида гирам ва аз ҳунарманди мумтоз, ки аз ашъори соҳибҷашн Давлат Сафар суруд мехонд, баҳра  бардорам, вале ҳамон қадар ҳамсолон аз қатори пушт «фаъолтар» «баромад» доштанд. Мисле, ки ба ҳамин мақсад омада бошанд. Бе он ки ба касеву чизе аҳамият диҳанд, қатори пушти толорро гӯиё ба иҷора гирифта буданд. «Эй, як бор ҷавониро хонед», - луқма партофт яке. «Ҷавониро шоир худаш мехонад» ба гап  ҳамроҳ  шуд  нафари  дигар. «Ман мухлиси Афзалшоҳам, хонда тамом кард, баромада меравем» -, гӯё фармон медода бошад, ҷиддӣ иброз дошт ҷавони  сеюм. Хуллас, қаторе, ки ман менишастам, қисмати охири толор давраи «маршировка» - и донишгоҳиро мемонд, ки то омадани устодон «ҳар ки ҳар чи мехост мегуфт». Аҷиб ин, ки касе ҳатто тарафи ин гурӯҳ гашта нигоҳи маънидоре ҳам накард  ва  гӯиё ин як рафтори маъмулӣ  бошад, маҳфил идома дошт. Устод Қурбон Собирро  дидам, ки дар як ҳолати  хеле  ногувор рост чашм  ба  саҳна буд. Шахсиятҳои  дигари саршинос низ миёни   мухлисоне, ки аз норасоии ҷойи нишаст рост меистоданд, кам  набуданд.
Суруди устод Афзалшоҳи Шодӣ анҷом пазируфту овози ин гурӯҳ ба маротиб баланд шуд. То ба назди баландгӯяк расидани  соҳибҷашн «бачаҳои шӯх» «фурсат ёфта» қариб ба тамоми овоз рафиқони чанд қатор пешашонро назди худ даъват карданд.
Давлат Сафар ба хотири фарзандаш, ки мухлиси футболбози номӣ Месси будааст, чанд мисрае хонда буд, ки «командаи пушт» бо ӯ ҳамовоз гашт.
Дар вақти сурудхонии Ҷамшед Исмоил ҳам «бачаҳои шӯх» моро роҳат нагузоштанд, ки гӯш кунем. Онҳо  акнун  ба гӯши якдигар пичиррос зада, бо телефонҳои мобилӣ ҷавондухтаронро интихобан ба нишон гирифта, ба истилоҳ  «шикор»  мекарданд.  Баъд расмҳои гирифтаашонро ба якдигар нишон дода, хеле хунук ва гӯшхарош механдиданд.
Саҳнаи дигари «шербачаҳои» қатори пуштро намедонам барои чӣ «ҷобаҷошавии бофурҷа» номидам. Акнун бомаслиҳат якеро аз пеши худ гуселу нафари дилхоҳашонро наздик мехонданд. Ин манзараи бароям нафратоварро мушоҳида карда, аз шеърхонии навбатии Давлат Сафар ва суруди  бисёр  шӯхи Исроил Файзиддин  натавонистам  лаззат барам.
Ниҳоят, тахминан баъди як соати «серкорӣ», дар толор гапи  мегуфтагиву кори  «мекардагӣ»   намонд, ки ҷавонҳои пушти қатори мо паси ҳамдигар рафтанӣ шуданд. Вақте Лутфулло Давлатов «Модар»  мегуфту ҳамагон  ба қавле ӯро ҳамдарду ҳамовоз буданд,  боқимондаи «бачаҳои шӯх» толорро тарк карданд. Дар қатори онҳо ҳисси фароғату истироҳат вуҷуди маро низ тарк кард. Нафари паҳлуям низ «алам» доштааст, ки баъди рафтани «бачаҳои шӯх» оҳи сабуке кашида «шаби эҷодии бачаҳако тамом шуд - чӣ» гуфт.
Воқеан, гап сари шаби эҷодии шоири мумтоз ва журналисти шинохта Давлат Сафар меравад, ки бо ибтикори Иттифоқи нависандагони Тоҷикистон рӯзи аввали баҳор хеле дар сатҳи баланд гузашт. Ва бемуҳобот ширу шакар буд. Албатта, барои онҳое, ки лаззат бурда тавонистанд. Аниқтараш имкони лаззат бурдан доштанд.
Танҳо мо чанд нафари қатори пушт хеле кам лаззат бурдем, зеро «шаби эҷодӣ»-и дигарро тамошо мекардем.
Вақте дар пушт тахмин дар мобайни ҳамон «қатор» як курсӣ холӣ шуд,  хоҳиш намудам, ки наздик шишта ҷойеро холӣ кунанд, то нафари ростистода нишинад. Аз миён ҷавондухтаре дағалона посух дод, ки «агар хоҳанд худашон гузашта шинанд…».
Ман аксарияти онҳоро шинохтам, мо дар як донишгоҳ мехонем, танҳо ихтисосҳоямон фарқ доранд. Номи донишгоҳро намегирам, зеро ба онҳо  эҳтироми беандоза дорам. Номи донишҷӯёни «шӯх» - ро низ, вале танҳо бо умеди он, ки то шаби эҷодии дигар вақти интихоб устодони мо «пеш омаду хуш омад» гуфта, донишҷӯёнро кашола карда, бо зӯр ба маҳфилҳои фарҳангиву муҳити фарҳангиён набаранд.
С. ШОДМОН


Баёни ақида (0)    Санаи нашр: 12.03.2016    №: 50    Мутолиа карданд: 584

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед